ಮಾರುಕಟ್ಟೆಗೆ ಬಂದಿದೆ ಚೌಕಾಕಾರದ ಕಲ್ಲಂಗಡಿ! ಬಣ್ಣ ರುಚಿ ಎರಡರಲ್ಲೂ ವ್ಯತ್ಯಾಸ !

Square Watermelon :ಈ ಕಲ್ಲಂಗಡಿಯ ಆಕಾರ ಮಾತ್ರ ಭಿನ್ನ ಅಲ್ಲ. ಇದರ ಬಣ್ಣ ಕೂಡಾ ಬೇರೆಯೇ. ಇದರಲ್ಲಿ ಹೆಚ್ಚಿನ ಪ್ರಮಾಣದ ಸಕ್ಕರೆ ಅಂಶ ಇರುತ್ತದೆ. ಅಂದರೆ ತಿನ್ನುವುದಕ್ಕೆ ಬಲು ರುಚಿ.

Square Watermelon : ಕಲ್ಲಂಗಡಿ ಹಣ್ಣು ಸಾಮಾನ್ಯವಾಗಿ ದುಂಡಗಿರುತ್ತದೆ ಅಥವಾ ಸ್ವಲ್ಪ ಉದ್ದಗಿರುತ್ತದೆ. ಆದರೆ ಇತ್ತೀಚಿಗೆ ಚೌಕಾಕಾರದ ಕಲ್ಲಂಗಡಿ ಹಣ್ಣುಗಳು  ಕಾಣಿಸಿಕೊಳ್ಳುತ್ತಿವೆ. ಇದು ಸರಸ್ವತಿ  ತಳಿಯ ಕಲ್ಲಂಗಡಿ ಹಣ್ಣು. ಇದರಲ್ಲಿ ಹೆಚ್ಚಿನ ಪ್ರಮಾಣದ ಸಕ್ಕರೆ ಅಂಶ ಇರುತ್ತದೆ. ಅಂದರೆ ತಿನ್ನುವುದಕ್ಕೆ ಬಲು ರುಚಿ.   

ಈ ಕಲ್ಲಂಗಡಿಯ ಆಕಾರ ಮಾತ್ರ ಭಿನ್ನ ಅಲ್ಲ. ಇದರ ಬಣ್ಣ ಕೂಡಾ ಬೇರೆಯೇ. ಸಾಮಾನ್ಯವಾಗಿ ಕಲ್ಲಂಗಡಿ ಹಣ್ಣು ಹೊರಗೆ ಹಸಿರು ಮತ್ತು ಒಳಗೆ ಕೆಂಪು ಬಣ್ಣದಲ್ಲಿರುತ್ತದೆ. ಆದರೆ ಈ ಕಲ್ಲಂಗಡಿ ಹೊರಗೆ ಹಳದಿ ಒಳಗೆ ಕೆಂಪು ಅಥವಾ ಹೊರಗೆ ಹಸಿರು ಒಳಗೆ ಹಳದಿ ಬಣ್ಣದಿಂದ ಕೂಡಿರುತ್ತದೆ. ಈ ಕಲ್ಲಂಗಡಿ ಹಣ್ಣಿಗೆ ಮಾರುಕಟ್ಟೆಯಲ್ಲಿ ಬೇಡಿಕೆ ಕೂಡಾ ಹೆಚ್ಚಾಗಿದೆ.ಇದರಲ್ಲಿ ಸಾಮಾನ್ಯ ಕಲ್ಲಂಗಡಿಗಿಂತ ಸುಮಾರು ೧೫ ಪ್ರತಿಶತದಷ್ಟು ಹೆಚ್ಚು ಸಕ್ಕರೆ ಅಂಶ ಇರುತ್ತದೆಯಂತೆ. 

ಇದನ್ನೂ ಓದಿ : ಮೊಳಕೆಯೊಡೆದ ಆಲೂಗಡ್ಡೆಯನ್ನು ನೀವೂ ಬಳಸುತ್ತೀರಾ ? ದೇಹ ರೋಗಗಳ ಗೂಡಾಗಬಹುದು ಎಚ್ಚರ !

ತಾಂತ್ರಿಕ ಮಾರ್ಗದರ್ಶನದೊಂದಿಗೆ ಹೊಸ ತಳಿಯ ಕಲ್ಲಂಗಡಿಯನ್ನು ರೈತರು ಬೆಳೆದಿದ್ದಾರೆ. ಈ ಹೈಬ್ರಿಡ್ ಕಲ್ಲಂಗಡಿ ರೈತರಿಗೆ ಉತ್ತಮ ಲಾಭವನ್ನು ನೀಡುತ್ತಿವೆ.ಪ್ರಯಾಗ್ರಾಜ್, ಕೌಶಾಂಬಿ ಮತ್ತು ಫತೇಪುರ್ ಜಿಲ್ಲೆಗಳಲ್ಲಿ ಸುಮಾರು 1000 ಎಕರೆ ಭೂಮಿಯಲ್ಲಿ ಕೃಷಿ ಮಾಡಲಾಗುತ್ತಿದೆ. ಈ ಕಲ್ಲಂಗಡಿ ಬೆಳೆದು ಒಬ್ಬ ರೈತ ಎಕರೆಗೆ 80,000 ರಿಂದ 90,000 ರೂ.ವರೆಗೆ ಲಾಭ ಗಳಿಸಬಹುದು. 

ಪ್ರಸ್ತುತ, ಕಲ್ಲಂಗಡಿಯ ಹೈಬ್ರಿಡ್ ತಳಿಯನ್ನು ಟ್ರಾನ್ಸ್-ಗಂಗಾ ಮತ್ತು ಯಮುನಾ ಕೌಶಂಬಿಯ ಮೂರತ್ಗಂಜ್ ಮತ್ತು ಫತೇಪುರ್ ಜಿಲ್ಲೆಯ ಖಗಾದಲ್ಲಿ ಬೆಳೆಸಲಾಗುತ್ತಿದೆ. ಸರಸ್ವತಿ ತಳಿಯ ಕಲ್ಲಂಗಡಿ  ಶೀಘ್ರದಲ್ಲೇ ಬೇರೆ ರಾಜ್ಯಗಳಿಗೆ ರಫ್ತಾಗಲಿದೆ.

ಇದನ್ನೂ ಓದಿ : ರಕ್ತನಾಳಗಳಲ್ಲಿ ಜಿಡ್ಡುಗಟ್ಟಿ ಕುಳಿತಿರುವ ಕೊಲೆಸ್ಟ್ರಾಲ್ ಅನ್ನು ಕರಗಿ ನೀರಾಗಿಸುತ್ತದೆ ಈ ಸೊಪ್ಪು! ದಿನಕ್ಕೊಮೆ ಸೇವಿಸಿದರೆ ಸಾಕು