Tea Benefits: ಹೆಚ್ಚಿನವರು ಟೀ ಕುಡಿಯಲು ಇಷ್ಟಪಡುತ್ತಾರೆ, ಆದರೆ ನೀವು ಹೆಚ್ಚು ಚಹಾವನ್ನು ಸೇವಿಸಿದರೆ, ಅದರಲ್ಲಿರುವ ಸಂಯುಕ್ತಗಳು ಜೀರ್ಣಾಂಗ ವ್ಯವಸ್ಥೆಗೆ ಹಾನಿ ಮಾಡುತ್ತದೆ. ತಜ್ಞರ ಪ್ರಕಾರ, ನೀವು ಸೀಮಿತ ಪ್ರಮಾಣದಲ್ಲಿ ಚಹಾವನ್ನು ಸೇವಿಸಿದರೆ ಮತ್ತು ಚಹಾ ತಯಾರಿಸುವಾಗ ವಿಶೇಷ ಗಮನವಹಿಸಿದರೆ, ಅದು ನಿಮಗೆ ಹಾನಿ ಮಾಡುವುದಿಲ್ಲ. ಚಳಿಗಾಲದಲ್ಲಿ ನಿಮ್ಮ ಚಹಾವನ್ನು ಯಾವ ವಿಧಾನಗಳಲ್ಲಿ ಆರೋಗ್ಯಕರವಾಗಿ ಮಾಡಬಹುದು ಎಂಬುದನ್ನು ತಿಳಿಯಿರಿ-
ಸಕ್ಕರೆಯನ್ನು ಹಾಕಲೇಬೇಡಿ:
ಚಹಾವು ನಿಮಗೆ ಆರೋಗ್ಯಕರವಾಗಿರಲು, ಇದು ರಾಸಾಯನಿಕಗಳನ್ನು ಹೊಂದಿರದಿರುವುದು ಅವಶ್ಯಕ ಮತ್ತು ಕ್ಯಾಲೊರಿಗಳ ಪ್ರಮಾಣವೂ ಕಡಿಮೆಯಿದ್ದರೆ ಒಳಿತು ಕೆಲವೊಮ್ಮೆ ಚಹಾವನ್ನು ಸರಿಯಾಗಿ ಮಾಡದಿದ್ದರೆ ಅದು ಕ್ಯಾಲೋರಿ ಸೇವನೆಯನ್ನು ಹೆಚ್ಚಿಸುತ್ತದೆ. ಸಕ್ಕರೆಯ ಚಹಾವನ್ನು ಕುಡಿಯಬೇಡಿ. ಒಂದು ಚಮಚ ಸಕ್ಕರೆಯಲ್ಲಿ ಸುಮಾರು 20 ಕ್ಯಾಲೋರಿಗಳಿವೆ. ನಿಮಗೆ ಸಕ್ಕರೆ ಇಲ್ಲದೆ ಚಹಾ (Sugar Less Tea) ಕುಡಿಯಲು ಸಾಧ್ಯವಾಗದಿದ್ದರೆ, ಸಕ್ಕರೆಯ ಬದಲಿಗೆ ಬೆಲ್ಲವನ್ನು ಬಳಸಿ. ಇದು ಹೆಚ್ಚಿನ ಕ್ಯಾಲೊರಿಗಳನ್ನು ಸೇವಿಸುವುದನ್ನು ತಪ್ಪಿಸುತ್ತದೆ.
ಇದನ್ನೂ ಓದಿ- Banana: ಖಾಲಿ ಹೊಟ್ಟೆಯಲ್ಲಿ ಬಾಳೆಹಣ್ಣು ಸೇವನೆಯಿಂದ ಆಗುವ ಪರಿಣಾಮ ತಿಳಿದಿದೆಯೇ?
ನಿಂಬೆ ಚಹಾವನ್ನು ಕುಡಿಯುವುದು ಹೆಚ್ಚು ಪ್ರಯೋಜನಕಾರಿ:
ನಿಂಬೆ ಚಹಾವನ್ನು (Lemon Tea) ಕುಡಿಯುವುದು ಹೆಚ್ಚು ಪ್ರಯೋಜನಕಾರಿಯಾಗಿದೆ. ನಿಂಬೆಯಲ್ಲಿ ವಿಟಮಿನ್ ಸಿ ಹೆಚ್ಚಾಗಿರುತ್ತದೆ ಮತ್ತು ಇದರಲ್ಲಿ ಇರುವ ಸಂಯುಕ್ತಗಳು ಕಬ್ಬಿಣವನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ.
ತ್ವರಿತ ಚಹಾವನ್ನು ಕುಡಿಯಬೇಡಿ:
ಬಿಸಿ ನೀರಿಗೆ ಇನ್‌ಸ್ಟಂಟ್ ಟೀ ಮಿಶ್ರಣವನ್ನು ಸೇರಿಸಿ ಚಹಾ ಮಾಡುವುದು ಸರಿಯಾದ ಮಾರ್ಗವಲ್ಲ. ತ್ವರಿತ ಚಹಾದಿಂದ ನೀವು ಯಾವುದೇ ಪ್ರಯೋಜನವನ್ನು ಪಡೆಯುವುದಿಲ್ಲ, ಇದಕ್ಕೆ ವಿರುದ್ಧವಾಗಿ, ಇದು ಕ್ಯಾಲೊರಿಗಳನ್ನು ಹೆಚ್ಚಿಸುತ್ತದೆ. ಇದು ಹೆಚ್ಚಿನ ಪ್ರಮಾಣದ ಸಕ್ಕರೆಯನ್ನು ಹೊಂದಿರುತ್ತದೆ. ಇದರ ಬದಲಿಗೆ ಟೀ ಸೊಪ್ಪನ್ನು ಚೆನ್ನಾಗಿ ಕುದಿಸಿ ಚಹಾ ತಯಾರಿಸಿ.
ಇದನ್ನೂ ಓದಿ- Tulsi Leaves: ಈ ಸಮಸ್ಯೆ ಇರುವವರು ತಪ್ಪಿಯೂ ತುಳಸಿ ಎಲೆಯನ್ನು ತಿನ್ನಲೇಬಾರದು
ಕಡಿಮೆ ಕೊಬ್ಬಿನ ಹಾಲು ಬಳಸಿ :
ಚಹಾವನ್ನು ಪ್ರಯೋಜನಕಾರಿಯಾಗಿ ಮಾಡುವ ಒಂದು ವಿಧಾನವೆಂದರೆ ಅದರಲ್ಲಿ ಕಡಿಮೆ ಕೊಬ್ಬಿನ ಹಾಲನ್ನು ಬಳಸುವುದು. ಇದಕ್ಕಾಗಿ ನೀವು ಸೋಯಾ ಹಾಲು, ಬಾದಾಮಿ ಹಾಲು ಅಥವಾ ಕೆನೆರಹಿತ ಹಾಲನ್ನು ಬಳಸಬಹುದು. ಈ ರೀತಿಯಾಗಿ ಚಹಾವು ಆರೋಗ್ಯಕರವಾಗಿರುತ್ತದೆ. ಪೂರ್ಣ ಕೊಬ್ಬಿನ ಅಂದರೆ ಫುಲ್ ಕ್ರೀಂ ಹಾಲಿನಿಂದ ಮಾಡಿದ ಚಹಾವು ನಿಮಗೆ ಪ್ರಯೋಜನಕಾರಿಯಲ್ಲ. ಇದು ಹೆಚ್ಚಿನ ಕ್ಯಾಲೋರಿಗಳನ್ನು ಹೊಂದಿದೆ ಮತ್ತು ಸುಲಭವಾಗಿ ಜೀರ್ಣವಾಗುವುದಿಲ್ಲ.
ನೈಸರ್ಗಿಕ ರುಚಿಗಳನ್ನು ಬಳಸಿ:
ಚಹಾ ತಯಾರಿಕೆಯಲ್ಲಿ ಶುಂಠಿ, ದಾಲ್ಚಿನ್ನಿ, ನಿಂಬೆ, ಬೆಲ್ಲದಂತಹ ನೈಸರ್ಗಿಕ ಪದಾರ್ಥಗಳನ್ನೂ ಬಳಸಿ. ಬೇಕೆನಿಸಿದರೆ ಪುದೀನ ಎಲೆಗಳನ್ನು ಸಹ ಬಳಸಬಹುದು. ಈ ಪದಾರ್ಥಗಳನ್ನು ಬಳಸಿ ತಯಾರಿಸಿದ ಚಹಾದಿಂದ ಉತ್ತಮ ಆರೋಗ್ಯ ನಿಮ್ಮದಾಗುತ್ತದೆ.
ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಜೀ ಹಿಂದೂಸ್ಥಾನ್ ಕನ್ನಡ ನ್ಯೂಸ್ ಇದನ್ನು ಖಚಿತಪಡಿಸುವುದಿಲ್ಲ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
