ನವದೆಹಲಿ: ಲಾಕ್‌ಡೌನ್ (Lockdown) ಹೊರತಾಗಿಯೂ ನೀವು ಅನೇಕ ಜನರ ಸುತ್ತಲೂ ಹೋಗುತ್ತೀರಿ. ಅದು ಪಡಿತರ ಅಂಗಡಿಯಾಗಿರಲಿ ಅಥವಾ ಮೆಡಿಕಲ್ ಸ್ಟೋರ್ ಆಗಿರಲಿ ಇಲ್ಲವೇ ನೀವು ಹಾಲು, ದಿನಸಿ ತರಲು ಹೋಗುವ ಮಾರ್ಗವಾಗಿರಲಿ. ಈ ಮಧ್ಯೆ ಕರೋನಾ ವೈರಸ್ ಪಾಸಿಟಿವ್ ಯಾರು ಎಂದು ಕಂಡುಹಿಡಿಯುವುದು ಕಷ್ಟ. ಆದರೆ ಈಗ ನಿಮ್ಮ ಚಿಂತೆ ಕೊನೆಗೊಳ್ಳಲಿದೆ. ಕೇಂದ್ರ ಸರ್ಕಾರವು ಇದಕ್ಕಾಗಿ ಆ್ಯಪ್ ಒಂದನ್ನು ರಚಿಸಿದೆ, ಅದು ನಿಮ್ಮ ಸುತ್ತ-ಮುತ್ತಲಿನ ಪ್ರದೇಶದಲ್ಲಿ ಸೋಂಕಿತ ವ್ಯಕ್ತಿ ಇದ್ದಾಗ ನಿಮ್ಮನ್ನು ಎಚ್ಚರಿಸಲಿದೆ.
ಆರೋಗ್ಯ ಸೇತು ಹೆಸರಿನ ಆ್ಯಪ್:
ದೇಶದಲ್ಲಿ ಬೆಳೆಯುತ್ತಿರುವ ಕರೋನಾ ವೈರಸ್ (Coronavirus) ಮಹಾಮಾರಿಯನ್ನು ತಡೆಯಲು ಆರೋಗ್ಯ ಸೇತು (Aarogya Setu) ಎನ್ನುವ App ಅನ್ನು ಪ್ರಾರಂಭಿಸಲಾಗಿದೆ ಎಂದು ಐಟಿ ಸಚಿವಾಲಯದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಈ ಅಪ್ಲಿಕೇಶನ್ ಹಿಂದಿ ಮತ್ತು ಇಂಗ್ಲಿಷ್ ಸೇರಿದಂತೆ 11 ಭಾಷೆಗಳಲ್ಲಿ ಏಕಕಾಲದಲ್ಲಿ ಪ್ರಾರಂಭಿಸಲಾಗಿದೆ. ನೀವು ಅದನ್ನು ಪ್ಲೇ ಸ್ಟೋರ್‌ನಿಂದ ಉಚಿತವಾಗಿ ಡೌನ್ಲೋಡ್ ಮಾಡಬಹುದು. ಈ ಆ್ಯಪ್ ಮೂಲಕ ಕರೋನಾ ವೈರಸ್‌ಗೆ ಸಂಬಂಧಿಸಿದ ಎಲ್ಲಾ ಮಾಹಿತಿಗಳು ನಿಮ್ಮ ಮೊಬೈಲ್‌ನಲ್ಲಿ ಲಭ್ಯವಿರುತ್ತವೆ ಎಂದು ಅಧಿಕಾರಿ ಹೇಳಿದ್ದಾರೆ.
ಲಾಕ್‌ಡೌನ್ ಮಧ್ಯೆ ಟ್ರೆಂಡ್ ಆಗಿದೆ ಈ App, ಆದರೂ ಬಳಕೆದಾರರು ಇದನ್ನ ಡಿಲೀಟ್ ಮಾಡ್ತಿರೋದು ಏಕೆ?
ಮೊಬೈಲ್ ನಿಮ್ಮನ್ನು ಈ ರೀತಿ ಎಚ್ಚರಿಸುತ್ತದೆ:
ನೀವು ಈ ಅಪ್ಲಿಕೇಶನ್ ಅನ್ನು ಸ್ಥಾಪಿಸಿದ ತಕ್ಷಣ, ನೀವು ಕೆಲವು ಮೂಲಭೂತ ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಅಪ್ಲಿಕೇಶನ್‌ನಲ್ಲಿರುವ ಕ್ರಮಾವಳಿಗಳು ಮತ್ತು ಕೃತಕ ಬುದ್ಧಿಮತ್ತೆ ಈ ಮಾಹಿತಿಯ ಆಧಾರದ ಮೇಲೆ ಸೋಂಕಿತ ಜನರನ್ನು ಸಹ ಪತ್ತೆ ಮಾಡುತ್ತದೆ. ಸೋಂಕಿತ ಅಪ್ಲಿಕೇಶನ್ ಬಳಕೆದಾರರು ನಿಮ್ಮ ಸುತ್ತಲೂ ಬಂದರೆ, ಮೊಬೈಲ್ ತಕ್ಷಣ ನಿಮ್ಮನ್ನು ಎಚ್ಚರಿಸುತ್ತದೆ.
ಖಾಸಗಿ-ಸಾರ್ವಜನಿಕ ಸಹಭಾಗಿತ್ವದಲ್ಲಿ ಹೊಸ ಅಪ್ಲಿಕೇಶನ್ ಅನ್ನು ಸಿದ್ಧಪಡಿಸಲಾಗಿದೆ. ಐಟಿ ಸಚಿವಾಲಯದ ಅಧ್ಯಕ್ಷತೆಯಲ್ಲಿ ಈ ಆ್ಯಪ್ ಅನ್ನು ಪ್ರಾರಂಭಿಸಲಾಗಿದೆ. ನಾಗರಿಕರ ಮಾಹಿತಿಯನ್ನು ಗೌಪ್ಯವಾಗಿಡಲಾಗುವುದು ಮತ್ತು ಯಾವುದೇ ವ್ಯಕ್ತಿಯ ಮಾಹಿತಿಯನ್ನು ಯಾವುದೇ ಉದ್ದೇಶಕ್ಕಾಗಿ ಬಳಸಲಾಗುವುದಿಲ್ಲ ಎಂದು ಭರವಸೆ ನೀಡಲಾಗಿದೆ.
