VIDEO: ಕೇಜ್ರಿವಾಲ್ ಸರ್ಕಾರದ ವಿರುದ್ಧ ವಿದ್ಯುತ್ ಹಗರಣದ ಆರೋಪ ಮಾಡಿದ ಅಜಯ್ ಮಾಕೆನ್

ಅಜಯ್ ಮಾಕೆನ್ ತಮ್ಮ ಟ್ವೀಟ್‌ನಲ್ಲಿ, ರಾಜ್ಯ ಕಾಂಗ್ರೆಸ್ ಹುದ್ದೆಗೆ ರಾಜೀನಾಮೆ ನೀಡಿದಾಗಿನಿಂದ, ದೆಹಲಿಯ ರಾಜಕೀಯದೊಂದಿಗೆ ನನಗೆ ನೇರ ಸಂಪರ್ಕವಿಲ್ಲ ಆದರೆ ಜವಾಬ್ದಾರಿಯುತ ಪ್ರಜೆಯಾಗಿ, ನಾನು ನಿಮ್ಮನ್ನು ಸತ್ಯಕ್ಕೆ ಪರಿಚಯಿಸಲು ಬಯಸುತ್ತೇನೆ ಎಂದು ಬರೆದಿದ್ದಾರೆ.

Updated: Aug 26, 2019 , 01:20 PM IST
VIDEO: ಕೇಜ್ರಿವಾಲ್ ಸರ್ಕಾರದ ವಿರುದ್ಧ ವಿದ್ಯುತ್ ಹಗರಣದ ಆರೋಪ ಮಾಡಿದ ಅಜಯ್ ಮಾಕೆನ್
Photo Courtesy: PTI (File Photo)

ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯ ಅರವಿಂದ್ ಕೇಜ್ರಿವಾಲ್ ಸರ್ಕಾರದಲ್ಲಿ ಭಾರೀ ವಿದ್ಯುತ್ ಹಗರಣ ನಡೆದಿದೆ ಎಂದು ಕಾಂಗ್ರೆಸ್ ಪಕ್ಷ ಆರೋಪಿಸಿದೆ. ದೆಹಲಿ ಕಾಂಗ್ರೆಸ್ ಪಕ್ಷದ ಮಾಜಿ ಅಧ್ಯಕ್ಷ ಅಜಯ್ ಮಾಕೆನ್ ತಮ್ಮ ಟ್ವಿಟ್ಟರ್ ಖಾತೆಯಿಂದ ವಿಡಿಯೋವೊಂದನ್ನು ಬಿಡುಗಡೆ ಮಾಡಿದ್ದು, ದೆಹಲಿಯಲ್ಲಿ ಪ್ರತಿ ಯೂನಿಟ್‌ಗೆ ವಿದ್ಯುತ್ ದರ ದೇಶದಲ್ಲಿ ಅತಿ ಹೆಚ್ಚು ಎಂದು ಹೇಳಿದ್ದಾರೆ. 2 ನಿಮಿಷ 17 ಸೆಕೆಂಡುಗಳ ಈ ವೀಡಿಯೊದಲ್ಲಿ, 2013 ರಿಂದ ದೆಹಲಿಯಲ್ಲಿ ವಿದ್ಯುತ್ ದರಗಳು ನಿರಂತರವಾಗಿ ಹೇಗೆ ಹೆಚ್ಚಾಗಿದೆ ಎಂಬುದನ್ನು ಗ್ರಾಫಿಕ್ ಮೂಲಕ ತೋರಿಸಿದ್ದಾರೆ. ಮಾಕೆನ್ ಪ್ರಕಾರ, 2013-14ರಲ್ಲಿ ದೆಹಲಿಯಲ್ಲಿ ಪ್ರತಿ ಯೂನಿಟ್‌ಗೆ ವಿದ್ಯುತ್ ದರ 7.36 ಪೈಸೆ ಆಗಿದ್ದು, 2019 ರ ಹೊತ್ತಿಗೆ 8 ರೂಪಾಯಿ 45 ಪೈಸೆ ತಲುಪಿದೆ. ಇದು ಸಣ್ಣ ಹೆಚ್ಚಳವಲ್ಲ ಎಂದು ಮಾಕೆನ್ ಪ್ರಕಾರ, ದೆಹಲಿಯಲ್ಲಿ ಕಳೆದ ಐದು ವರ್ಷಗಳಲ್ಲಿ ವಿದ್ಯುತ್ ಕಂಪನಿಗಳು ಸುಮಾರು 10 ಸಾವಿರ ಕೋಟಿ ಗಳಿಸಿವೆ ಎಂದು ಹೇಳಿದ್ದಾರೆ.

ವಿದ್ಯುತ್ ಕಂಪನಿಗಳಿಗೆ ಭಾರಿ ಲಾಭದ ಹೊರತಾಗಿಯೂ, ದೆಹಲಿ ಸಿಎಂ ಕೇಜ್ರಿವಾಲ್ ಅವರು ಸಿಎಜಿ ಲೆಕ್ಕಪರಿಶೋಧನೆ ಮಾಡದ ವಿದ್ಯುತ್ ಕಂಪನಿಗಳಿಗೆ 8500 ಕೋಟಿ ರೂ.ಗಳ ಸಬ್ಸಿಡಿ ನೀಡಿದ್ದಾರೆ, ಇದು ಹಗರಣವಲ್ಲದೆ ಮತ್ತೇನು ಎಂದು ಅಜಯ್ ಮಾಕೆನ್ ಪ್ರಶ್ನಿಸಿದ್ದಾರೆ.

ಅಜಯ್ ಮಾಕೆನ್ ತಮ್ಮ ಟ್ವೀಟ್‌ನಲ್ಲಿ, ರಾಜ್ಯ ಕಾಂಗ್ರೆಸ್ ಹುದ್ದೆಗೆ ರಾಜೀನಾಮೆ ನೀಡಿದಾಗಿನಿಂದ, ದೆಹಲಿಯ ರಾಜಕೀಯದೊಂದಿಗೆ ನನಗೆ ನೇರ ಸಂಪರ್ಕವಿಲ್ಲ ಆದರೆ ಜವಾಬ್ದಾರಿಯುತ ಪ್ರಜೆಯಾಗಿ, ನಾನು ನಿಮ್ಮನ್ನು ಸತ್ಯಕ್ಕೆ ಪರಿಚಯಿಸಲು ಬಯಸುತ್ತೇನೆ ಎಂದು ಬರೆದಿದ್ದಾರೆ.

ಆಗಸ್ಟ್ 29 ರಂದು ದೆಹಲಿಯ ಕಾಂಸ್ಟಿಟ್ಯುಷನ್ ಕ್ಲಬ್‌ನಲ್ಲಿ ನಾನು ಈ ಬಗ್ಗೆ ಮಾಧ್ಯಮಗಳೊಂದಿಗೆ ಮಾತನಾಡುತ್ತೇನೆ ಎಂದು ಮಾಕೆನ್ ಹೇಳಿದ್ದಾರೆ.