ಬೀಜಿಂಗ್: ಪರಮಾಣು ಪೂರೈಕೆ ಗುಂಪು(ಎನ್‌ಎಸ್‌ಜಿ) ಸದಸ್ಯತ್ವ ಪಡೆಯುವ ಭಾರತದ ಪ್ರಸ್ತಾವಕ್ಕೆ ಚೀನಾ ಮತ್ತೆ ಅದ್ದಗಾಲಾಕಿದೆ. ಸದಸ್ಯರಲ್ಲದ ದೇಶಗಳು ಗುಂಪಿನಲ್ಲಿ ಪ್ರಸರಣ ರಹಿತ ಒಪ್ಪಂದದಲ್ಲಿ (ಎನ್‌ಪಿಟಿ) ಭಾಗವಹಿಸುವ ಬಗ್ಗೆ ಸ್ಪಷ್ಟ ಯೋಜನೆಯನ್ನು ಸಿದ್ಧಪಡಿಸದ ಹೊರತು ಭಾರತವನ್ನು ಪರಮಾಣು ಪೂರೈಕೆದಾರರ ಗುಂಪು (ಎನ್‌ಎಸ್‌ಜಿ) ಪ್ರವೇಶಿಸುವ ಬಗ್ಗೆ ಚರ್ಚಿಸಲು ಸಾಧ್ಯವಿಲ್ಲ ಎಂದು ಚೀನಾ ಶುಕ್ರವಾರ ಹೇಳಿದೆ.
ಪರಮಾಣು ಪ್ರಸರಣ ರಹಿತ ಒಪ್ಪಂದಕ್ಕೆ (ಎನ್‌ಪಿಟಿ) ಸಹಿ ಹಾಕಿರುವ ದೇಶಗಳಿಗೆ ಮಾತ್ರ ಎನ್‌ಎಸ್‌ಜಿಗೆ ಪ್ರವೇಶಿಸಲು ಅವಕಾಶ ನೀಡಬೇಕು ಎಂದು ಚೀನಾ ಒತ್ತಾಯಿಸುತ್ತಿದೆ. ಎನ್‌ಎಸ್‌ಜಿಯಲ್ಲಿ 48 ಸದಸ್ಯ ರಾಷ್ಟ್ರಗಳಿವೆ. ಇದು ಜಾಗತಿಕ ಪರಮಾಣು ವ್ಯವಹಾರವನ್ನು ನಿಯಂತ್ರಿಸುತ್ತದೆ.
ಮೇ 2016 ರಲ್ಲಿ, ಎನ್‌ಎಸ್‌ಜಿ ಸದಸ್ಯತ್ವಕ್ಕಾಗಿ ಭಾರತದ ಮನವಿಯನ್ನು ನೀಡಿದ ನಂತರ, ಎನ್‌ಪಿಟಿ ಯಾವ ದೇಶಗಳು ಸಹಿ ಹಾಕಿವೆಯೋ ಅವನ್ನು ಮಾತ್ರವೇ ಎನ್‌ಎಸ್‌ಜಿ ದೇಶಗಳ ಗುಂಪಿನಲ್ಲಿ ಸೇರಿಸಿಕೊಳ್ಳಬೇಕು ಎಂದು ಚೀನಾ ಈ ಮೊದಲಿನಿಂದಲೂ ಒತ್ತಾಯ ಮಾಡುತ್ತಲೇ ಬಂದಿದೆ. ಎನ್‌ಪಿಟಿಗೆ ಭಾರತ ಮತ್ತು ಚೀನಾ ಈವರೆಗೂ ಸಹಿ ಹಾಕಿಲ್ಲ. ಪರಮಾಣು ನಿಶ್ಯಸ್ತ್ರೀಕರಣ ಒಪ್ಪಂದಕ್ಕೆ ಸಹಿ ಹಾಕಿದ ದೇಶಗಳು ಮಾತ್ರ ಎನ್‌ಎಸ್‌ಜಿಗೆ ಹೊಸ ಸದಸ್ಯರನ್ನಾಗಿ ಸೇರಿಸಿಕೊಳ್ಳಬೇಕೆಂದು ಚೀನಾ ಪಟ್ಟು ಹಿಡಿದಿದೆ.
ಭಾರತ ಮತ್ತು ಪಾಕಿಸ್ತಾನ ಎನ್‌ಪಿಟಿಗೆ ಸಹಿ ಹಾಕಿಲ್ಲ. ಆದರೆ, 2016 ರಲ್ಲಿ ಭಾರತದ ಕೋರಿಕೆಯ ಮೇರೆಗೆ ಪಾಕಿಸ್ತಾನ ಕೂಡ ಎನ್‌ಎಸ್‌ಜಿ ಸದಸ್ಯತ್ವಕ್ಕೆ ಅರ್ಜಿ ಸಲ್ಲಿಸಿತ್ತು. ಎನ್‌ಎಸ್‌ಜಿಗೆ ಭಾರತದ ಪ್ರವೇಶದ ಬಗ್ಗೆ ಚೀನಾದ ನಿಲುವಿನಲ್ಲಿ ಏನಾದರೂ ಬದಲಾವಣೆ ಆಗಿದೆಯೇ ಎಂಬ ಪ್ರಶ್ನೆಗೆ ಚೀನಾ ವಿದೇಶಾಂಗ ಸಚಿವಾಲಯದ ವಕ್ತಾರ ಲು ಕಾಂಗ್ ಪ್ರತಿಕ್ರಿಯಿಸಿದ್ದು, ಎನ್‌ಪಿಟಿಗೆ ಸಹಿ ಹಾಕದ ದೇಶಗಳ ಕುರಿತು ಯಾವುದೇ ಚರ್ಚೆ ನಡೆದಿಲ್ಲ. ಭಾರತ ಎನ್‌ಎಸ್‌ಜಿ ಸೇರುವ ಬಗ್ಗೆ ಯಾವುದೇ ಚರ್ಚೆ ನಡೆದಿಲ್ಲ ಎಂದು ಅವರು ಹೇಳಿದರು.
