Digital India: ವೋಟರ್ IDಗೆ ಸಂಬಂಧಿಸಿದ ಈ ಮಾಹಿತಿಯನ್ನು ತಪ್ಪದೇ ತಿಳಿಯಿರಿ

ಮತದಾರರ ಕಾರ್ಡ್ ಅನ್ನು ಶೀಘ್ರದಲ್ಲೇ ಡಿಜಿಟಲ್ ಸ್ವರೂಪಕ್ಕೆ ಪರಿವರ್ತಿಸುವ ಯೋಜನೆಯಲ್ಲಿ ಚುನಾವಣಾ ಆಯೋಗ ಕಾರ್ಯನಿರ್ವಹಿಸುತ್ತಿದೆ ಎಂಬುದು ಗಮನಾರ್ಹ. 

Written by - Yashaswini V | Last Updated : Dec 11, 2020, 09:30 AM IST
  • ದೂರದ ಹಳ್ಳಿಗಳಲ್ಲಿ ವಾಸಿಸುವ ಜನರಿಗೂ ಇದರ ಪ್ರಯೋಜನ ಲಭ್ಯ
  • ಮತದಾರರ ಕಾರ್ಡ್ ಅನ್ನು ಸುಲಭವಾಗಿ ಡೌನ್‌ಲೋಡ್ ಮಾಡಲು ಅವಕಾಶ
  • ಡಿಜಿಟಲ್ ವೋಟರ್ ಐಡಿ ಮೂಲಕ ಮತ ಚಲಾಯಿಸಲು ಕೂಡ ಸಾಧ್ಯ
Digital India: ವೋಟರ್ IDಗೆ ಸಂಬಂಧಿಸಿದ ಈ ಮಾಹಿತಿಯನ್ನು ತಪ್ಪದೇ ತಿಳಿಯಿರಿ

ನವದೆಹಲಿ: ದೇಶದಲ್ಲಿ ಇತ್ತೀಚಿನ ದಿನಗಳಲ್ಲಿ ಎಲ್ಲವೂ ಡಿಜಿಟಲ್ ಮಯವಾಗತೊಡಗಿದೆ. ಇದೀಗ ಮತದಾರರ ಕಾರ್ಡ್ ಅನ್ನು ಡಿಜಿಟಲ್ ರೂಪದಲ್ಲಿ ತರಲು ಚುನಾವಣಾ ಆಯೋಗ ನಿರ್ಧರಿಸಿದೆ. ಇದು ದೇಶದ ಮತದಾರರಿಗೆ ದೊಡ್ಡ ಲಾಭವನ್ನು ನೀಡುತ್ತದೆ. ಏಕೆಂದರೆ ಮತದಾರರು ಈಗ ವೋಟರ್ ಐಡಿಯನ್ನು ಪಡೆಯಲು ಸಾಲುಗಟ್ಟಿ ನಿಲ್ಲುವ ಅವಶ್ಯಕತೆ ಇರುವುದಿಲ್ಲ.

ಮತದಾರರ ಕಾರ್ಡ್ ಅನ್ನು ಸುಲಭವಾಗಿ ಡೌನ್‌ಲೋಡ್ ಮಾಡಬಹುದು:
ಮತದಾರರ ಕಾರ್ಡ್ ಅನ್ನು ಶೀಘ್ರದಲ್ಲೇ ಡಿಜಿಟಲ್ ಸ್ವರೂಪಕ್ಕೆ ಪರಿವರ್ತಿಸುವ ಯೋಜನೆಯಲ್ಲಿ ಚುನಾವಣಾ ಆಯೋಗ (Election Commission) ಕಾರ್ಯನಿರ್ವಹಿಸುತ್ತಿದೆ ಎಂಬುದು ಗಮನಾರ್ಹ. ಇದರರ್ಥ ಮುಂಬರುವ ಸಮಯದಲ್ಲಿ ಮತದಾರರು ಮತದಾರರ ಗುರುತಿನ ಚೀಟಿಯನ್ನು ಆಧಾರ್ ಕಾರ್ಡ್‌ಗಳಂತೆ ಡಿಜಿಟಲ್ ರೂಪದಲ್ಲಿ ನಿರ್ವಹಿಸಲು ಸಾಧ್ಯವಾಗುತ್ತದೆ.

ದೂರದ ಹಳ್ಳಿಗಳಲ್ಲಿ ವಾಸಿಸುವ ಜನರು ಸಹ ಈ ಸೌಲಭ್ಯದಿಂದ ಪ್ರಯೋಜನ ಪಡೆಯುತ್ತಾರೆ. ಈಗ ಆನ್‌ಲೈನ್ ವ್ಯವಸ್ಥೆಯನ್ನು ಹೊಂದಿರುವ ಮತದಾರರು ತಮ್ಮ ಮತದಾರರ ಕಾರ್ಡ್ (Voter ID) ಅನ್ನು ಮನೆಯಿಂದಲೇ ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಅಸ್ತಿತ್ವದಲ್ಲಿರುವ ಭೌತಿಕ ಕಾರ್ಡ್ ಕೂಡ ಮತದಾರರ ಬಳಿ ಇರುತ್ತದೆ.

ಇನ್ಮುಂದೆ ನಿಮ್ಮ ಈ ದಾಖಲೆಯನ್ನೂ ಕೂಡ ಆಧಾರ್‌ಗೆ ಲಿಂಕ್ ಮಾಡುವುದು ಅಗತ್ಯ!

ಡಿಜಿಟಲ್ ವೋಟರ್ ಐಡಿ ಮೂಲಕ ಮತ ಚಲಾಯಿಸಲು ಸಾಧ್ಯ:
ಮತದಾರರಿಗೆ ಸುಲಭವಾಗಿ ಮತದಾರರ ಫೋಟೋ ಗುರುತಿನ ಚೀಟಿ (EPIC) ಸೌಲಭ್ಯವನ್ನು ಒದಗಿಸುವುದು ಚುನಾವಣಾ ಆಯೋಗದ ಉದ್ದೇಶ. ಮಾಹಿತಿಯ ಪ್ರಕಾರ ಡಿಜಿಟಲ್ ಮತದಾರರ ಕಾರ್ಡ್ ಪಡೆಯಲು ಸಹಾಯವಾಣಿಯನ್ನು ಪ್ರಾರಂಭಿಸಲಾಗುವುದು. ಅದರ ಮೂಲಕ ಈ ಸೌಲಭ್ಯವು ಕೆವೈಸಿಯಲ್ಲಿ ಲಭ್ಯವಿರುತ್ತದೆ. ಮತದಾರರು ಭೌತಿಕ ಕಾರ್ಡ್ ಸಹ ಹೊಂದಿರುತ್ತಾರೆ.

ನಿಮ್ಮ Voter ID ಕಳೆದಿದೆಯೇ? ಈ 11 ದಾಖಲೆಗಳಿದ್ದರೂ ಮತ ಚಲಾಯಿಸಬಹುದು!

ಡಿಜಿಟಲ್ ಮತದಾರರ ಕಾರ್ಡ್‌ನಲ್ಲಿ ಎರಡು ಕ್ಯೂಆರ್ ಕೋಡ್‌ಗಳಿವೆ. ಈ ಕೋಡ್‌ನ ಮಾಹಿತಿಯ ಆಧಾರದ ಮೇಲೆ ಆನ್‌ಲೈನ್ ಡೌನ್‌ಲೋಡ್ ಮಾಡಿ ಮತದಾರರ ಕಾರ್ಡ್ ಮೂಲಕ ಮತ ಚಲಾಯಿಸಬಹುದು. ಈ ಸಂಕೇತಗಳಲ್ಲಿ ಒಂದು ಮತದಾರರ ಹೆಸರು, ತಂದೆಯ ಹೆಸರು, ವಯಸ್ಸು, ಲಿಂಗ ಮತ್ತು ಫೋಟೋಗಳ ಬಗ್ಗೆ ಮಾಹಿತಿಯನ್ನು ಹೊಂದಿರುತ್ತದೆ. ಆದರೆ ಇನ್ನೊಂದು ಕೋಡ್ ವಿಳಾಸ, ಸರಣಿ ಸಂಖ್ಯೆ ಮತ್ತು ಇತರ ಮಾಹಿತಿಯನ್ನು ಹೊಂದಿರುತ್ತದೆ.

More Stories

Trending News