Passport: ವಿದೇಶಕ್ಕೆ ಪ್ರಯಾಣಿಸಲು ಪಾಸ್‌ಪೋರ್ಟ್‌ಗೆ ಕರೋನಾ ಲಸಿಕೆ ಪ್ರಮಾಣಪತ್ರವನ್ನು ಲಿಂಕ್ ಮಾಡಿ, ಸಂಪೂರ್ಣ ಪ್ರಕ್ರಿಯೆ ತಿಳಿಯಿರಿ

Corona Vaccination Certificate linked to passport : ಪ್ರಸ್ತುತ ವಿದೇಶಕ್ಕೆ ಹೋಗಲು ನಿಮ್ಮ ನಿಮ್ಮ ಕರೋನಾ ಲಸಿಕೆ ಪ್ರಮಾಣಪತ್ರವನ್ನು ಪಾಸ್‌ಪೋರ್ಟ್‌ಗೆ ಲಿಂಕ್ ಮಾಡುವುದು ಅಗತ್ಯವಾಗಿದೆ.

ನಿಮ್ಮ ಕರೋನಾ ಲಸಿಕೆ ಪ್ರಮಾಣಪತ್ರವನ್ನು ತಪ್ಪದೇ ಪಾಸ್‌ಪೋರ್ಟ್‌ಗೆ ಲಿಂಕ್ ಮಾಡಿ

ನವದೆಹಲಿ: Corona Vaccination Certificate linked to passport-  ಕೊರೊನಾ ಪ್ರಕರಣಗಳು ಕಡಿಮೆಯಾದ ಹಿನ್ನೆಲೆಯಲ್ಲಿ, ನಿಧಾನವಾಗಿ ಜನರು ಮತ್ತೆ ದೇಶ ಮತ್ತು ವಿದೇಶಗಳಲ್ಲಿ ತಿರುಗಾಡಲು ಹೊರಟಿದ್ದಾರೆ. ಕೆಲವು ದೇಶಗಳು ತಮ್ಮ ಅಂತಾರಾಷ್ಟ್ರೀಯ ಗಡಿಗಳನ್ನು ವಿದೇಶಿ ಪ್ರವಾಸಿಗರಿಗೆ ಷರತ್ತುಗಳೊಂದಿಗೆ ತೆರೆದಿದೆ. ಇಂತಹ ಪರಿಸ್ಥಿತಿಯಲ್ಲಿ, ನೀವು ಕೂಡ ವಿದೇಶಕ್ಕೆ ಹೋಗಲು ಯೋಜಿಸುತ್ತಿದ್ದರೆ, ನಿಮ್ಮ ಪಾಸ್‌ಪೋರ್ಟ್‌ನೊಂದಿಗೆ ನಿಮ್ಮ ಕರೋನಾ ಲಸಿಕೆ ಪ್ರಮಾಣಪತ್ರವನ್ನು ಖಂಡಿತವಾಗಿ ಲಿಂಕ್ ಮಾಡಿ.

ವಿದೇಶಕ್ಕೆ ಪ್ರಯಾಣಿಸಲು ಇದು ಅವಶ್ಯಕ:
ಕರೋನಾದಿಂದ ರಕ್ಷಿಸಲು ಅಗತ್ಯವಾದ ಮಾರ್ಗಸೂಚಿಗಳ ಅನ್ವಯ ಎಲ್ಲಾ ದೇಶಗಳು ಈಗ ಕರೋನಾ ಲಸಿಕೆ ಪಡೆದ ಜನರಿಗೆ ತಮ್ಮ ದೇಶದಲ್ಲಿ ಪ್ರವೇಶ ನೀಡುತ್ತಿವೆ. ಇಂತಹ ಪರಿಸ್ಥಿತಿಯಲ್ಲಿ, ನೀವು ನಿಮ್ಮ ಪಾಸ್‌ಪೋರ್ಟ್‌ನೊಂದಿಗೆ ಕರೋನಾ ಪ್ರಮಾಣಪತ್ರವನ್ನು ಲಿಂಕ್ (Corona Vaccination Certificate linked to passport) ಮಾಡುವುದು ಅಗತ್ಯವಾಗುತ್ತದೆ,. ನಿಮ್ಮ ಪಾಸ್‌ಪೋರ್ಟ್‌ಗೆ ಕರೋನಾ ವಾಕ್ಸಿನ್ ಸರ್ಟಿಫಿಕೇಟ್ ಲಿಂಕ್ ಮಾಡುವುದರಿಂದ ನಿಮ್ಮ ವಿದೇಶಿ ಪ್ರಯಾಣ ಸುಲಲಿತವಾಗಲಿದೆ.

ಇದನ್ನೂ ಓದಿ- Corona Third Wave: ಕರೋನಾ 'ಸಾಂಕ್ರಾಮಿಕ'ದ ಬಗ್ಗೆ ಏಮ್ಸ್ ನಿರ್ದೇಶಕರ ಮಹತ್ವದ ಹೇಳಿಕೆ

ಕರೋನಾ ಲಸಿಕೆ ಪ್ರಮಾಣಪತ್ರವನ್ನು ಪಾಸ್‌ಪೋರ್ಟ್‌ಗೆ ಲಿಂಕ್ ಮಾಡಲು ಈ ಪ್ರಕ್ರಿಯೆ ಅನುಸರಿಸಿ:
ನೀವು ಕರೋನಾ ಲಸಿಕೆಯ (Corona Vaccine) ಎರಡೂ ಡೋಸ್‌ಗಳನ್ನು ಸಹ ತೆಗೆದುಕೊಂಡಿದ್ದರೆ, ಕೆಲವು ಹಂತಗಳನ್ನು ಅನುಸರಿಸುವ ಮೂಲಕ ನಿಮ್ಮ ಕರೋನಾ ಲಸಿಕೆ ಪ್ರಮಾಣಪತ್ರವನ್ನು ನಿಮ್ಮ ಪಾಸ್‌ಪೋರ್ಟ್‌ನೊಂದಿಗೆ ಸುಲಭವಾಗಿ ಲಿಂಕ್ ಮಾಡಬಹುದು. ಅದರ ಹಂತ ಹಂತದ ಪ್ರಕ್ರಿಯೆಯನ್ನು ಇಲ್ಲಿ ತಿಳಿಯಿರಿ.

ನಿಮ್ಮ ಪಾಸ್‌ಪೋರ್ಟ್‌ನೊಂದಿಗೆ ನಿಮ್ಮ ಕರೋನಾ ಲಸಿಕೆ ಪ್ರಮಾಣಪತ್ರವನ್ನು (Corona Vaccine Certificate)  ಲಿಂಕ್ ಮಾಡಲು, ನೀವು ಮೊದಲು ಕೊವಿನ್ www.cowin.in ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಬೇಕು. ಲಾಗಿನ್ ಆದ ನಂತರ, ನೀವು ಹೋಮ್ ಪೇಜ್ ನಲ್ಲಿರುವ ಸಪೋರ್ಟ್ ಆಯ್ಕೆಯನ್ನು ಕ್ಲಿಕ್ ಮಾಡಬೇಕು.

ಬೆಂಬಲ ಆಯ್ಕೆಯನ್ನು ಕ್ಲಿಕ್ ಮಾಡಿದ ನಂತರ, ನೀವು ಮೂರು ಆಯ್ಕೆಗಳನ್ನು ಪಡೆಯುತ್ತೀರಿ, ಇದರಲ್ಲಿ ನೀವು ಪ್ರಮಾಣಪತ್ರ ತಿದ್ದುಪಡಿ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಬೇಕಾಗುತ್ತದೆ. ಪ್ರಮಾಣಪತ್ರ ತಿದ್ದುಪಡಿಯ ಮೇಲೆ ಕ್ಲಿಕ್ ಮಾಡಿದ ನಂತರ, ನಿಮ್ಮ ವ್ಯಾಕ್ಸಿನೇಷನ್ ಸ್ಥಿತಿಯನ್ನು ನೀವು ನೋಡುತ್ತೀರಿ. ಅಲ್ಲಿ ನೀವು ರೈಸ್ ಎ ಇಶ್ಯೂ ಆಯ್ಕೆಯನ್ನು ಕ್ಲಿಕ್ ಮಾಡಬೇಕು. 

ಇದನ್ನೂ ಓದಿ- Covid-19 Vaccine For Under 12 Years Old Children: 5 ರಿಂದ 12 ವರ್ಷ ವಯಸ್ಸಿನ ಮಕ್ಕಳಿಗೂ ಕರೋನಾ ಲಸಿಕೆ

ರೈಸ್ ಎ ಇಶ್ಯೂ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿದ ನಂತರ, ನೀವು ಪಾಸ್‌ಪೋರ್ಟ್ ವಿವರಗಳನ್ನು ಸೇರಿಸಿ ಆಯ್ಕೆಯ ಮೇಲೆ ಕ್ಲಿಕ್ ಮಾಡಬೇಕು. ಇದರ ನಂತರ, ನೀವು ಲಸಿಕೆಯ ವಿವರಗಳನ್ನು ಸೇರಿಸಲು ಬಯಸುವ ವ್ಯಕ್ತಿಯ ಪಾಸ್‌ಪೋರ್ಟ್ ಸಂಖ್ಯೆಯನ್ನು ಭರ್ತಿ ಮಾಡಬೇಕಾಗುತ್ತದೆ. ನೀವು ವಿವರಗಳನ್ನು ಸಲ್ಲಿಸಿದ ನಂತರ, ನಿಮ್ಮ ನೋಂದಾಯಿತ ಸಂಖ್ಯೆಗೆ ಸಂದೇಶ ಬರುತ್ತದೆ.

ಇದರ ನಂತರ, ಕೋವಿನ್ ಆಪ್‌ನಿಂದ ನಿಮ್ಮ ಲಸಿಕೆ ಪ್ರಮಾಣಪತ್ರವನ್ನು ನೀವು ಡೌನ್‌ಲೋಡ್ ಮಾಡಬಹುದು. ಇದರಲ್ಲಿ ನಿಮ್ಮ ಪಾಸ್ಪೋರ್ಟ್ ವಿವರಗಳನ್ನು ನವೀಕರಿಸಲಾಗುತ್ತದೆ.