ನವದೆಹಲಿ: ಹಿಂದೂಸ್ತಾನ್ ಟೈಮ್ಸ್ ಲೀಡರ್‌ಶಿಪ್ ಶೃಂಗಸಭೆಯ (ಎಚ್‌ಟಿಎಲ್‌ಎಸ್) 18 ನೇ ಆವೃತ್ತಿಯ ಎರಡನೇ ಅಧಿವೇಶನದಲ್ಲಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಕೋವಿಡ್ -19 ಲಸಿಕೆ ತಯಾರಿಸುತ್ತಿರುವ ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾದ ಸಿಇಒ ಆದರ್ ಪೂನವಾಲ್ಲಾ ಈ ಕುರಿತಾಗಿ ಸುದೀರ್ಘವಾಗಿ ಮಾತನಾಡಿದ್ದಾರೆ.
ಲಸಿಕೆಯಿಂದಲೂ ಕೊನೆಯಾಗಲ್ಲ ಕರೋನಾ, ಹಲವು ವರ್ಷಗಳವರೆಗೆ ಇರಲಿದೆ ಪ್ರಭಾವ: ತಜ್ಞರ ಎಚ್ಚರಿಕೆ
ಇಂದು ಮೊದಲ ಅಧಿವೇಶನವು ಕೋವಿಡ್ -19 ಅಧಿವೇಶನದೊಂದಿಗೆ ಪ್ರಾರಂಭವಾಯಿತು.ಈ ಅಧಿವೇಶನದಲ್ಲಿ ಅಖಿಲ ಭಾರತ ವೈದ್ಯಕೀಯ ವಿಜ್ಞಾನ ಸಂಸ್ಥೆಯ ನಿರ್ದೇಶಕ ಡಾ.ರಂದೀಪ್ ಗುಲೇರಿಯಾ ಮತ್ತು ಬ್ರೌನ್ ವಿಶ್ವವಿದ್ಯಾಲಯದ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್‌ನ ಡೀನ್ ಡಾ. ಆಶಿಶ್ ಜಾ ಅವರು ಉಪಸ್ಥಿತರಿದ್ದರು.
ಅಮೆರಿಕನ್ನರಿಗೆ ಕರೋನಾ ಲಸಿಕೆ ಯಾವಾಗ ಸಿಗುತ್ತೆ? ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದೇನು?
ಆದರ್ ಪೂನವಾಲ್ಲಾ ಅವರ ಭಾಷಣದ ಮುಖ್ಯಾಂಶಗಳು:
1) ಇದುವರೆಗಿನ ಲಸಿಕೆ ವಯಸ್ಸಾದವರಲ್ಲಿಯೂ ಸಹ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಸಾಬೀತಾಗಿದೆ.
2) ಈ ಲಸಿಕೆಗಳು ದೀರ್ಘಾವಧಿಯಲ್ಲಿ ನಮ್ಮನ್ನು ರಕ್ಷಿಸುತ್ತದೆಯೇ ಎಂದು ಸಮಯ ಮಾತ್ರ ಹೇಳಬಲ್ಲದು.
3) ನನ್ನ ವಿಜ್ಞಾನಿಗಳ ತಂಡವಾದ ನಾನು ಅಂತಹ ಉತ್ತಮ ಲಸಿಕೆಗಳನ್ನು ಇಷ್ಟು ಬೇಗ ಅಭಿವೃದ್ಧಿಪಡಿಸುತ್ತೇವೆಂದು ಕನಸು ಸಹಿತ ಕಂಡಿರಲಿಲ್ಲ.
4) ನಾವು ಮಾಸಿಕ ಆಧಾರದ ಮೇಲೆ 100 ಮಿಲಿಯನ್ ಲಸಿಕೆ ಡೋಸ್ ಮಾಡಲು ಯೋಜಿಸಿದ್ದೇವೆ.
5) ಆಕ್ಸ್‌ಫರ್ಡ್ ಲಸಿಕೆ ಸಾಮಾನ್ಯ ಜನರಿಗೆ -500-600 ಬೆಲೆಯಿರುತ್ತದೆ.
6) ಮಕ್ಕಳಿಗೆ ಲಸಿಕೆ ವಿತರಣೆ ವಿಚಾರವಾಗಿ ಪ್ರತಿಕ್ರಿಯಿಸಿದ ಆದರ್ ಪೂನವಾಲ್ಲಾ ಇದು ಅಂತಹ ಗಂಭೀರವಲ್ಲ ಎಂದು ಹೇಳಿದ್ದಾರೆ.
7) ನಾವು ಸಧ್ಯ ಬಾಂಗ್ಲಾದೇಶವನ್ನು ಹೊರತು ಪಡಿಸಿ ಯಾವುದಕ್ಕೂ ಸಹಿ ಮಾಡಿಲ್ಲ.
8) ಭಾರತವು ಆದ್ಯತೆಯಾಗಿರುವುದರಿಂದ ಎಸ್‌ಐಐ ಈ ಸಮಯದಲ್ಲಿ ಇತರ ದೇಶಗಳೊಂದಿಗೆ ಯಾವುದೇ ಒಪ್ಪಂದ ಮಾಡಿಕೊಳ್ಳುತ್ತಿಲ್ಲ.
9) ಆರಂಭದಲ್ಲಿ, ಈ ಹೆಚ್ಚಿನ ಬೆಲೆಗಳನ್ನು ಪಾವತಿಸಲು ಸರ್ಕಾರಗಳಿಗೆ ಆಯ್ಕೆ ಇಲ್ಲದಿರಬಹುದು...ಆದರೆ ಅಂತಿಮವಾಗಿ ಸಾಕಷ್ಟು ಪೂರೈಕೆ ಮತ್ತು ಪರ್ಯಾಯಗಳು ಇದ್ದಾಗ, ಬೆಲೆಗಳು ತೀವ್ರವಾಗಿ ಇಳಿಯುವುದನ್ನು ನೀವು ನೋಡುತ್ತೀರಿ.
11) 2021 ರ ಮೊದಲ ತ್ರೈಮಾಸಿಕದ ವೇಳೆಗೆ 300-400 ಮಿಲಿಯನ್ ಡೋಸ್ ಆಕ್ಸ್‌ಫರ್ಡ್ ಲಸಿಕೆ ಲಭ್ಯವಾಗಲಿದೆ.
12) ಉತ್ಪಾದನೆಯನ್ನು ಹೆಚ್ಚಿಸುವಾಗ, ಎಲ್ಲಾ ಭಾರತೀಯ, ಚೈನೀಸ್ ಅಥವಾ ಇತರ ತಯಾರಕರು ಬೇಡಿಕೆ ಹೆಚ್ಚುತ್ತಿರುವುದರಿಂದ ಮತ್ತು ಹೊಸ ತಯಾರಕರು ಬರುತ್ತಿರುವುದರಿಂದ ಉತ್ಪಾದನೆಯನ್ನು ಹೆಚ್ಚಿಸುತ್ತಾರೆ
13) ಎಲ್ಲರೂ ಎರಡು ಡೋಸ್ ಲಸಿಕೆಯನ್ನು ತೆಗೆದುಕೊಳ್ಳಬೇಕೆಂದರೆ 2024 ವರೆಗೆ ಸಮಯ ಹಿಡಿಯುತ್ತದೆ.
