ಕೇರಳದ ಈ ದೇವಾಲಯದಲ್ಲಿ ಅಕ್ಟೋಬರ್ 15ರವರೆಗೆ ಭಕ್ತಾದಿಗಳಿಗಿಲ್ಲ ಪ್ರವೇಶ, ಕಾರಣ...

ಶುಕ್ರವಾರ ದೇವಾಲಯದ ಬಾಗಿಲು ಮುಚ್ಚುವ ಮೊದಲು ಶ್ರೀ ಪದ್ಮನಾಭಸ್ವಾಮಿ ದೇವಸ್ಥಾನವನ್ನು ಆಗಸ್ಟ್ 27 ರಂದು ಕಟ್ಟುನಿಟ್ಟಾದ COVID-19 ಮಾರ್ಗಸೂಚಿಗಳ ಅಡಿಯಲ್ಲಿ ಭಕ್ತರಿಗಾಗಿ ತೆರೆಯಲಾಯಿತು.

ತಿರುವನಂತಪುರಂ: ಇಬ್ಬರು ಅರ್ಚಕರು ಸೇರಿದಂತೆ ದೇವಾಲಯದ ಹಲವಾರು ಸಿಬ್ಬಂದಿಗಳಲ್ಲಿ ಕೋವಿಡ್-19 (COVID-19) ಪಾಸಿಟಿವ್ ಬಂದಿರುವ ಹಿನ್ನಲೆಯಲ್ಲಿ ಕೇರಳದ ತಿರುವನಂತಪುರಂನಲ್ಲಿರುವ ಶ್ರೀ ಪದ್ಮನಾಭಸ್ವಾಮಿ ದೇವಸ್ಥಾನವನ್ನು ಅಕ್ಟೋಬರ್ 15ರವರೆಗೆ ಭಕ್ತರಿಗೆ ಮುಚ್ಚಲಾಗುವುದು ಎಂದು ಆಡಳಿತ ಮಂಡಳಿ ತಿಳಿಸಿದೆ.

ಕರೋನವೈರಸ್ (Coronavirus) ಏಕಾಏಕಿ ಹಿನ್ನಲೆಯಲ್ಲಿ ಮಾರ್ಚ್ 21ರಂದು ದೇವಾಲಯಗಳನ್ನು ಮುಚ್ಚಿದ ನಂತರ ಕಟ್ಟುನಿಟ್ಟಾದ COVID-19 ಮಾರ್ಗಸೂಚಿಗಳ ಪ್ರಕಾರ ಆಗಸ್ಟ್ 27 ರಂದು ಈ ದೇವಾಲಯವನ್ನು ಭಕ್ತರಿಗಾಗಿ ತೆರೆಯಲಾಯಿತು.

ಏತನ್ಮಧ್ಯೆ, ಕೇರಳ (Kerala)ದಲ್ಲಿ ಕರೋನವೈರಸ್ ಪ್ರಕರಣಗಳು ಹೆಚ್ಚಾಗುತ್ತಿರುವುದರಿಂದ ಜನರು ಇದನ್ನು ಎರಡನೇ ತರಂಗ ವೈರಸ್ ಎಂದು ಕರೆಯುತ್ತಿದ್ದಾರೆ.

ಆರೋಗ್ಯ ಸಚಿವಾಲಯದ ಮಾಹಿತಿಯ ಪ್ರಕಾರ, ಕೇರಳದಲ್ಲಿ ಒಟ್ಟು ಕರೋನವೈರಸ್ ಪ್ರಕರಣಗಳು 2,58,850 ರಷ್ಟಿದ್ದು, ಅದರಲ್ಲಿ 90,664 ಸಕ್ರಿಯ ಪ್ರಕರಣಗಳು, 1,67,256 ಚೇತರಿಸಿಕೊಂಡ ಪ್ರಕರಣಗಳು ಮತ್ತು 930 ಸಾವುಗಳು ಸಂಭವಿಸಿವೆ.

ಕೇರಳದಲ್ಲಿ ಬುಧವಾರ (ಅಕ್ಟೋಬರ್ 7) 10,606 ಸಕಾರಾತ್ಮಕ ಪ್ರಕರಣಗಳು ದಾಖಲಾಗಿವೆ.