Covid-19 Symptoms In Kids: ಮಕ್ಕಳಲ್ಲಿ ಈ ಲಕ್ಷಣಗಳು ಕಂಡು ಬಂದಲ್ಲಿ ತಕ್ಷಣ ಪರೀಕ್ಷೆಗೊಳಪಡಿಸಿ..!

ವೈದ್ಯರ ಪ್ರಕಾರ, ಕೋವಿಡ್ -19 ನಿಂದ ಬಳಲುತ್ತಿರುವ ಹೆಚ್ಚಿನ ಮಕ್ಕಳಲ್ಲಿ ಜ್ವರ, ಕೆಮ್ಮು, ಶೀತ ಮತ್ತು ಹೊಟ್ಟೆಗೆ ಸಂಬಮಧಿಸಿದ ಸಮಸ್ಯೆಗಳು ಕಂಡು ಬರುತ್ತವೆ. ಕೆಲವರಲ್ಲಿ ಮೈಕೈ ನೋವು, ತಲೆನೋವು, ಅತಿಸಾರ ಮತ್ತು ವಾಂತಿ ಯಂತಹ ಲಕ್ಷಣಗಳು ಕೂಡಾ ಕಂಡು ಬರುತ್ತಿವೆ.

ಮಕ್ಕಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಸೋಂಕು ಕಾಣಿಸಿಕೊಳ್ಳುತ್ತಿದೆ (photo india.com)

ನವದೆಹಲಿ : ದೇಶಾದ್ಯಂತ ಕರೋನವೈರಸ್ (Coronavirus) ಪ್ರಕರಣಗಳು ವೇಗವಾಗಿ ಹೆಚ್ಚುತ್ತಿವೆ. ಕರೋನ ವೈರಸ್ ಎರಡನೇ ಅಲೆಯಲ್ಲಿ ಮಕ್ಕಳು  ಹೆಚ್ಚಾಗಿ ಸೋಂಕಿಗೆ ಒಳಗಾಗುತ್ತಿದ್ದಾರೆ ಎಂಬುದು ಆತಂಕದ ವಿಷಯ. ಈ ಬಗ್ಗೆ ವೈದ್ಯರು ಕೂಡ ಆತಂಕ ವ್ಯಕ್ತಪಡಿಸುತ್ತಾರೆ. "ಈ ಎರಡನೇಅಲೆಯಲ್ಲಿ , ಮಕ್ಕಳಲ್ಲಿ ಕೋವಿಡ್ -19 (COVID-19) ಸೋಂಕಿನ ಹೊಸ ಪ್ರಕರಣಗಳು ಹೆಚ್ಚಾಗಿ ಕಂಡು ಬರುತ್ತಿವೆ ಎಂದು ಮಕ್ಕಳ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.  ಮೊದಲಿಗೆ ಹೋಲಿಸಿದರೆ ಈ ಸಂಖ್ಯೆಯಲ್ಲಿ ಭಾರೀ ಹೆಚ್ಚಳ ಕಂಡು ಬಂದಿದೆ ಎನ್ನಲಾಗಿದೆ. 

ಮಕ್ಕಳಲ್ಲಿ ಕೋವಿಡ್ 19 ರ ಲಕ್ಷಣಗಳು :
ವೈದ್ಯರ ಪ್ರಕಾರ, ಕೋವಿಡ್ -19 (COVID-19) ನಿಂದ ಬಳಲುತ್ತಿರುವ ಹೆಚ್ಚಿನ ಮಕ್ಕಳಲ್ಲಿ ಜ್ವರ, ಕೆಮ್ಮು, ಶೀತ ಮತ್ತು ಹೊಟ್ಟೆಗೆ ಸಂಬಮಧಿಸಿದ ಸಮಸ್ಯೆಗಳು ಕಂಡು ಬರುತ್ತವೆ. ಕೆಲವರಲ್ಲಿ ಮೈಕೈ ನೋವು, ತಲೆನೋವು, ಅತಿಸಾರ ಮತ್ತು ವಾಂತಿ ಯಂತಹ (Vomiting) ಲಕ್ಷಣಗಳು ಕೂಡಾ ಕಂಡು ಬರುತ್ತಿವೆ.  ಈ ಎರಡನೇ ಅಲೆಯಲ್ಲಿ  ಒಂದು ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಲ್ಲೂ ಕೋವಿಡ್ ಲಕ್ಷಣಗಳು ಕಾಣುತ್ತಿರುವ ಬಗ್ಗೆ ವರದಿಯಾಗಿದೆ.  

ಇದನ್ನೂ ಓದಿ : Covid 19 Most Risky Places: ಕರೋನ ಎರಡನೇ ಅಲೆಯಿಂದ ರಕ್ಷಣೆ ಬೇಕೇ? ಈ ಸ್ಥಳಗಳಿಂದ ದೂರವಿರಿ

ಸೋಂಕಿಗೆ ಒಳಪಟ್ಟ ಮಕ್ಕಳು 103-104 ಡಿಗ್ರಿ ಸೆಲ್ಸಿಯಸ್‌ಗಿಂತ ಹೆಚ್ಚಿನ ಜ್ವರದಿಂದ (Fever) ಬಳಲುತ್ತಿರುವುದು ಕಂಡುಬಂದಿದೆ. ಈ ಜ್ವರ  5-6 ದಿನಗಳವರೆಗೆ ಇರುತ್ತದೆ ನ್ನುತ್ತಾರೆ ಮಕ್ಕಳ ತಜ್ಞರು. ಅಲ್ಲದೆ ಕೆಲ ಮಕ್ಕಳಲ್ಲಿ ನ್ಯುಮೋನಿಯಾ ಲಕ್ಷಣಗಳು ಕೂಡಾ ಕಾಣಿಸಿಕೊಂಡಿವೆ. 

ಈ ರೋಗಲಕ್ಷಣಗಳನ್ನು ನಿರ್ಲಕ್ಷಿಸಬೇಡಿ:
ಮಕ್ಕಳಲ್ಲಿ ಅತಿಸಾರ, ಉಸಿರಾಟದ ತೊಂದರೆ ಕಂಡುಬಂದಲ್ಲಿ ನಿರ್ಲಕ್ಷಿಸಬೇಡಿ. ಜ್ವರ ಇದ್ದು, ಅತಿಯಾದ ಸುಸ್ತು ಕಾಣಿಸಿಕೊಂಡರೆ ತಕ್ಷಣ ವೈದ್ಯರ ಸಲಹೆ ಪಡೆಯಿರಿ. ಜ್ವರದಿಂದ ಮಕ್ಕಳು ಬಳಲುತ್ತಿದ್ದರೆ ಯಾವುದೇ ಕಾರಣಕ್ಕೆ ನಿರ್ಲಕ್ಷ್ಯ ವಹಿಸದಂತೆ ಸೂಚಿಸಲಾಗಿದೆ. 
5-6 ದಿನಗಳವರೆಗೆ ಮಕ್ಕಳಲ್ಲಿ ಜ್ವರ ಇದ್ದರೆ, ಪೋಷಕರು ತಮ್ಮ ಮಕ್ಕಳ ರಕ್ತ ಪರೀಕ್ಷೆಗೆ (Blood test) ಒಳಪಡಿಸಬೇಕು. 

ಇದನ್ನೂ ಓದಿ : ಕರೋನಾ ಮಧ್ಯೆಯೇ ರೈಲ್ವೆ ಇಲಾಖೆಯ ಅಚ್ಚರಿಯ ಅತಿದೊಡ್ಡ ನಿರ್ಧಾರ..! ಏನದು ?