ನವದೆಹಲಿ: ಇನ್ಮುಂದೆ ರಾಜಧಾನಿ ರೈಲಿನ ಮೂಲಕ ದೆಹಲಿಯಿಂದ ಮುಂಬೈಗೆ ಕೇವಲ 10 ಗಂಟೆಯಲ್ಲಿ ತಲುಪಬಹುದಾಗಿದೆ.ಅದು ಹೇಗೆ ಅಂತೀರಾ? ಈಗ ರಾಜಧಾನಿ ರೈಲಿನ ವೇಗವನ್ನು 130 ಕಿ.ಮೀ ನಿಂದ 160 ಕಿ.ಮೀ.ಗೆ ಏರಿಸುವುದರಿಂದದಾಗಿ ದೆಹಲಿ-ಮುಂಬೈ ಮಾರ್ಗದ ಪ್ರಯಾಣ ಸಮಯವನ್ನು 5 ಗಂಟೆ ಕಡಿಮೆಯಾಗಲಿದೆ ಎಂದು ಪಶ್ಚಿಮ ರೈಲ್ವೆ ಖಚಿತಪಡಿಸಿದೆ.
ಆ ಮೂಲಕ ದೆಹಲಿ-ಮುಂಬೈ ನಡುವಿನ ಪ್ರಯಾಣದ ಸಮಯವನ್ನು ಪ್ರಸ್ತುತ 15.5 ಗಂಟೆಯಿಂದ 10 ಗಂಟೆಗೆ ಇಳಿಯಲಿದೆ. ಈಗ ಈ ಕುರಿತಾಗಿ ಟ್ವೀಟ್ ಮಾಡಿರುವ ಪಶ್ಚಿಮ ರೈಲ್ವೆ 'ಕೇಂದ್ರ ಸರ್ಕಾರದ ಅನುಮೋದನೆಯ ನಂತರ, ಮುಂಬೈ-ದೆಹಲಿ ಮಾರ್ಗವನ್ನು ರಾಜಧಾನಿ ಎಕ್ಸ್ಪ್ರೆಸ್ ಅನ್ನು 160 ಕಿ.ಮೀ ವೇಗದಲ್ಲಿ ಓಡಿಸಲು ನವೀಕರಿಸಲಾಗುವುದು, ಪ್ರಯಾಣದ ಸಮಯವನ್ನು ಸುಮಾರು 10 ಗಂಟೆಗೆ ಕಡಿತಗೊಳಿಸಲಾಗುವುದು' ಎಂದು ಹೇಳಿದೆ.
After approval of the Central Govt, Mumbai - Delhi route will be upgraded to run Rajdhani Express at 160 kmph to cut the travel time to nearly 10 hrs, under #MissionRaftaar pic.twitter.com/hSYFrSAii4
— Western Railway (@WesternRly) August 21, 2019
ಪ್ರಯಾಣದ ಸಮಯವನ್ನು ಕಡಿಮೆ ಮಾಡುವ ಪ್ರಯತ್ನದಲ್ಲಿ, ಭಾರತೀಯ ರೈಲ್ವೆ ತನ್ನ 100 ದಿನಗಳ ಕ್ರಿಯಾ ಯೋಜನೆಯಡಿ ದೆಹಲಿ-ಮುಂಬೈ ಮತ್ತು ದೆಹಲಿ-ಹೌರಾ ಮಾರ್ಗಗಳಲ್ಲಿನ ಪ್ರಯಾಣದ ಸಮಯವನ್ನು ಕಡಿಮೆ ಮಾಡಲು ಉದ್ದೇಶಿಸಿದೆ.‘ಮಿಷನ್ ರಾಫ್ತಾರ್’ ಅನ್ನು ಮೊದಲು ರೈಲ್ವೆ ಬಜೆಟ್ 2016-17ರಲ್ಲಿ ಘೋಷಿಸಲಾಯಿತು. ಈ ಯೋಜನೆಯಡಿಯಲ್ಲಿ ಮುಂದಿನ ಐದು ವರ್ಷಗಳಲ್ಲಿ ರೈಲಿನ ಸರಾಸರಿ ವೇಗವನ್ನು ದ್ವೀಗುಣಗೊಳಿಸುವ ಚಿಂತನೆಗೆ ಸರ್ಕಾರ ಮುಂದಾಗಿದೆ.
ಮಿಷನ್ ರಾಫ್ತಾರ್ ಅಡಿಯಲ್ಲಿ ದೆಹಲಿ-ಮುಂಬೈ, ದೆಹಲಿ -ಹೌರಾ, ಹೌರಾ- ಚೆನ್ನೈ, ಚೆನ್ನೈ - ಮುಂಬೈ, ದೆಹಲಿ - ಚೆನ್ನೈ ಮತ್ತು ಹೌರಾ - ಮುಂಬೈ ಮಾರ್ಗಗಳನ್ನು ಗುರುತಿಸಲಾಗಿದೆ.