ಏಷ್ಯಾದ ಅತಿ ಉದ್ದದ ಶ್ರೀನಗರ-ಲೇಹ್ ಸುರಂಗ ಮಾರ್ಗ ನಿರ್ಮಾಣಕ್ಕೆ ಕ್ಯಾಬಿನೆಟ್ ಅಸ್ತು

ಏಷ್ಯಾದ ಅತೀ ಉದ್ದದ ಎರಡು ದಿಕ್ಕಿನ ಜೋಜಿಲಾ ಪಾಸ್ ಸುರಂಗ ನಿರ್ಮಾಣಕ್ಕೆ ಕೇಂದ್ರ ಕ್ಯಾಬಿನೆಟ್ ಅನುಮೋದನೆ ನೀಡಿದೆ.

Updated: Jan 4, 2018 , 02:04 PM IST
ಏಷ್ಯಾದ ಅತಿ ಉದ್ದದ ಶ್ರೀನಗರ-ಲೇಹ್ ಸುರಂಗ ಮಾರ್ಗ ನಿರ್ಮಾಣಕ್ಕೆ ಕ್ಯಾಬಿನೆಟ್ ಅಸ್ತು

ನವ ದೆಹಲಿ : ಏಷ್ಯಾದ ಅತೀ ಉದ್ದದ ಎರಡು ದಿಕ್ಕಿನ ಜೋಜಿಲಾ ಪಾಸ್ ಸುರಂಗ ನಿರ್ಮಾಣಕ್ಕೆ ಕೇಂದ್ರ ಕ್ಯಾಬಿನೆಟ್ ಅನುಮೋದನೆ ನೀಡಿದೆ. ಇದು ಶ್ರೀನಗರ ಮತ್ತು ಲೇಹ್ ನಡುವಿನ ಜೋಜಿಲಾ ಪಾಸ್ ಪ್ಯಾಚ್ನಲ್ಲಿ 3.5 ಗಂಟೆಗಳ ಪ್ರಯಾಣದ ಸಮಯವನ್ನು ಕೇವಲ 15 ನಿಮಿಷಗಳಿಗೆ ಕಡಿಮೆ ಮಾಡಲಿದೆ. 

ಈ ಯೋಜನೆಯ ಪ್ರಮುಖ ಅಂಶಗಳು ಈ ರೀತಿ ಇವೆ : 

- ಜೋಜಿಲಾ ಪಾಸ್ ಶ್ರೀನಗರ-ಕಾರ್ಗಿಲ್-ಲೆಹ್ ರಾಷ್ಟ್ರೀಯ ಹೆದ್ದಾರಿಯಲ್ಲಿ 11,578 ಅಡಿ ಎತ್ತರದಲ್ಲಿದೆ. ಈ ಮಾರ್ಗವು ಚಳಿಗಾಲದಲ್ಲಿ (ಡಿಸೆಂಬರ್ನಿಂದ ಏಪ್ರಿಲ್ ವರೆಗೆ) ಕಾಶ್ಮಿರದ ಲೇಹ್-ಲಡಾಕ್ ಪ್ರದೇಶದಲ್ಲಿ ಹಿಮಪಾತ ಮತ್ತು ಹಿಮಕುಸಿತ ಉಂಟಾಗುವುದರಿಂದ ಮುಚ್ಚಲ್ಪಟ್ಟಿರುತ್ತದೆ. 

- ಪ್ರಧಾನಮಂತ್ರಿ ನರೇಂದ್ರ ಮೋದಿ ನೇತೃತ್ವದ ಆರ್ಥಿಕ ವ್ಯವಹಾರಗಳ ಕ್ಯಾಬಿನೆಟ್ ಸಮಿತಿ, ಶ್ರೀನಗರ-ಲೇಹ್ ವಿಭಾಗವನ್ನು ಸಂಪರ್ಕಿಸುವ ಮಾರ್ಗವನ್ನು ಹೊರತುಪಡಿಸಿ ಸಮಾನಾಂತರ ಎಸ್ಕೇಪ್ (ಎಗ್ರೆಸ್) ಟನಲ್ನ 2-ಲೇನ್ ದ್ವಿ ದಿಕ್ಕಿನ ಜೋಜಿಲಾ ಸುರಂಗ ನಿರ್ಮಾಣ, ಕಾರ್ಯಾಚರಣೆ ಮತ್ತು ನಿರ್ವಹಣೆಗೆ ತನ್ನ ಅನುಮೋದನೆಯನ್ನು ನೀಡಿದೆ. 

- ಸುರಂಗ ನಿರ್ಮಾಣದಿಂದಾಗಿ ಶ್ರೀನಗರ, ಕಾರ್ಗಿಲ್ ಮತ್ತು ಲೇಹ್ ನಡುವಿನ ಎಲ್ಲಾ ಮಾರ್ಗಗಳಿಗೂ ಎಲ್ಲ ಹವಾಮಾನದಲ್ಲಿಯೂ ಸಂಪರ್ಕ ದೊರೆಯಲಿದ್ದು, ಈ ಪ್ರದೇಶಗಳ ಎಲ್ಲಾ-ಸುತ್ತಿನ ಆರ್ಥಿಕ ಮತ್ತು ಸಾಮಾಜಿಕ-ಸಾಂಸ್ಕೃತಿಕ ಏಕೀಕರಣವನ್ನು ತರುತ್ತದೆ.

- ಈ ಯೋಜನೆಯ ನಿರ್ಮಾಣದ ಅವಧಿಯು ಏಳು ವರ್ಷಗಳಾಗಿದ್ದು, ಅದು ನಿರ್ಮಾಣದ ಪ್ರಾರಂಭದ ದಿನಾಂಕದಿಂದ ಅನ್ವಯಿಸಲಿದೆ. ಯೋಜನೆಯ ನಿರ್ಮಾಣ ವೆಚ್ಚ 4,899.42 ಕೋಟಿ ರೂಪಾಯಿಗಳಾಗಿವೆ.

- ಯೋಜನೆಯ ಒಟ್ಟು ಬಂಡವಾಳ ವೆಚ್ಚ ರೂ. 6,808.69 ಕೋಟಿ. ಇದು ಭೂ ಸ್ವಾಧೀನ, ಪುನರ್ವಸತಿ ಮತ್ತು ಇನ್ನಿತರ ಪೂರ್ವ-ನಿರ್ಮಾಣ ಚಟುವಟಿಕೆಗಳು ಮತ್ತು ಸುರಂಗದ ನಿರ್ವಹಣೆ ಮತ್ತು ಕಾರ್ಯಾಚರಣೆಯ ವೆಚ್ಚದ ನಾಲ್ಕು ವರ್ಷಗಳ ಕಾಲದ ವೆಚ್ಚವನ್ನು ಒಳಗೊಂಡಿದೆ.

- ಈ ಹಿಂದೆ ಜಮ್ಮು ಮತ್ತು ಕಾಶ್ಮೀರದಲ್ಲಿನ ಪ್ರಮುಖ ಲೆಹ್ ಪ್ರದೇಶಕ್ಕೆ ಹವಾಮಾನದ ಕಾರಣದಿಂದಾಗಿ, ವರ್ಷದಲ್ಲಿ ಕೇವಲ ಆರು ತಿಂಗಳಿಗೆ ಮಾತ್ರ ಸೀಮಿತವಾಗಿದ್ದ ಈ ಮಾರ್ಗಕ್ಕೆ ಇದೀಗ ಎಲ್ಲ ಹವಾಮಾನದಲ್ಲಿಯೂ ಸಂಪರ್ಕವನ್ನು ಒದಗಿಸುವುದು ಈ ಯೋಜನೆಯ ಮುಖ್ಯ ಉದ್ದೇಶವಾಗಿದೆ. 

- ಕಾರ್ಯಾಚರಣೆಯ ನಂತರ, ಸುರಂಗವು ಮೂರು ಗಂಟೆಗಳ ಪ್ರಯಾಣದ ಸಮಯವನ್ನು ಕಡಿತಗೊಳಿಸಲಿದ್ದು, ಈ ಪ್ರದೇಶದ ಎಲ್ಲಾ-ಆರ್ಥಿಕ ಮತ್ತು ಸಾಮಾಜಿಕ-ಸಾಂಸ್ಕೃತಿಕ ಏಕೀಕರಣವನ್ನು ಸಹ ತರುತ್ತದೆ. ಸುಮಾರು 20 ವರ್ಷಗಳಿಂದ ಚರ್ಚೆಯಲ್ಲಿಯೇ ಉಳಿದಿದ್ದ ಈ ಯೋಜನೆಗೆ ಈ ಜಾರಿಯಾಗುವ ಭಾಗ್ಯ ದೊರೆತಿದೆ. 

- ಸರ್ಕಾರದ ಪ್ರಕಾರ, ಈಗಾಗಲೇ ನಾಲ್ಕು ಬಾರಿ ಟೆಂಡರ್ ಕರೆಯಲಾಗಿತ್ತು. ಆದರೆ  ಕೆಲವು ತಾಂತ್ರಿಕ ಮತ್ತು ಹಣಕಾಸಿನ ಅರ್ಹತೆಗಳನ್ನು ಸರ್ಕಾರ ಸಡಿಲಿಸಿದ ನಂತರವೇ ಗುತ್ತಿಗೆದಾರರು ಆಸಕ್ತಿಯನ್ನು ತೋರಿಸಿದ್ದಾರೆ ಎನ್ನಲಾಗಿದೆ. 

- ಈ ಯೋಜನೆಯೊಂದಿಗೆ ಈಗಾಗಲೇ ಗಾಗಂಗೀರ್ನಲ್ಲಿ ಆರಂಭವಾಗಿರುವ 6.5 ಕಿ.ಮೀ ಉದ್ದದ ಝ್-ಮೊಹ್ಹ್ ಸುರಂಗ ಮಾರ್ಗ ಯೋಜನೆಯು ಕಾಶ್ಮೀರ ಮತ್ತು ಲಡಾಖ್ ಪ್ರದೇಶಗಳ ನಡುವೆ ಸುರಕ್ಷಿತ, ವೇಗದ ಮತ್ತು ಅಗ್ಗದ ಸಂಪರ್ಕವನ್ನು ಕಲ್ಪಿಸುತ್ತದೆ.

- ಯೋಜನೆಯು 14.15 ಕಿ.ಮೀ ಉದ್ದದ ಎರಡು-ಲೇನ್ ದ್ವಿ-ದಿಕ್ಕಿನ ಸಿಂಗಲ್ ಟ್ಯೂಬ್ ಸುರಂಗವನ್ನು 14.2 ಕಿ.ಮೀ. ಉದ್ದದ ಹೊರದಾರಿ ಸುರಂಗದೊಂದಿಗೆ ರಾಜ್ಯದಲ್ಲಿ ಬಾಲ್ಟಾಲ್ ಮತ್ತು ಮಿನಮಾರ್ಗ್ ನಡುವಿನ ಮಾರ್ಗಗಳನ್ನು ಹೊರತುಪಡಿಸಿ ನಿರ್ಮಿಸುವ ಗುರಿ ಹೊಂದಿದೆ.