ನವದೆಹಲಿ: Unlock -4 ಗಾಗಿ ಕೇಂದ್ರ ಗೃಹ ಸಚಿವಾಲಯ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ಇದರ ಅಡಿಯಲ್ಲಿ ಸೆಪ್ಟೆಂಬರ್ 7 ರಿಂದ ಮೆಟ್ರೋ ಸೇವೆಯನ್ನು ಪ್ರಾರಂಭಿಸಲಾಗುವುದು ಎಂದು ಹೇಳಲಾಗಿದೆ. ಷರತ್ತುಗಳೊಂದಿಗೆ ಇದನ್ನು ಪ್ರಾರಂಭಿಸಲಾಗುವುದು. ಮಾರ್ಗಸೂಚಿಗಳ ಪ್ರಕಾರ, ಸೆಪ್ಟೆಂಬರ್ 21 ರಿಂದ ಸಾಮಾಜಿಕ, ರಾಜಕೀಯ, ಧಾರ್ಮಿಕ ಕಾರ್ಯಕ್ರಮಗಳಿಗೆ ಅವಕಾಶ ನೀಡಲಾಗುವುದು, ಆದರೆ 100 ಕ್ಕಿಂತ ಹೆಚ್ಚು ಜನರು ಭಾಗವಹಿಸುವಂತಿಲ್ಲ.
Unlock-4 ಡಿಟೇಲ್ಸ್
- ಶಾಲಾ-ಕಾಲೇಜು ಹಾಗೂ ಇತರೆ ಶೈಕ್ಷಣಿಕ ಸಂಸ್ಥೆಗಳು ಸೆಪ್ಟೆಂಬರ್ 30 ರವರೆಗೆ ಬಂದ್ ಇರಲಿವೆ.
- ರಾಜ್ಯಗಳು, ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಶೇ.50 ರಷ್ಟು ಶೈಕ್ಷಣಿಕ ಹಾಗೂ ಶೈಕ್ಷಣಿಕವಲ್ಲದ ಸಿಬ್ಬಂದಿಗಳು ಆನ್ಲೈನ್ ಶಿಕ್ಷಣ, ಟೆಲಿಕೌನ್ಸಲಿಂಗ್ ಗೆ ಸಂಬಂಧಿಸಿದ ಕಾರ್ಯಗಳಿಗಾಗಿ ಶಾಲೆಗೇ ಕರೆಯಿಸಿಕೊಳ್ಳಬಹುದು.
- ಕಂಟೆನ್ಮೆಂಟ್ ಜೋನ್ ಹೊರಗಿರುವ ಶಾಲೆಗಳಲ್ಲಿ 9 ರಿಂದ 12 ನೇ ತರಗತಿಗಳವರೆಗಿನ ವಿದ್ಯಾರ್ಥಿಗಳಿಗೆ ಪೋಷಕರ ಲಿಖಿತ ಅನುಮತಿಯನ್ನು ಪಡೆದು ಶಾಲೆಗೆ ಬರಬಹುದಾಗಿದೆ.
- ಓಪನ್ ಏರ್ ಥಿಯೇಟರ್ ಹೊರತುಪಡಿಸಿ, ಸಿನೆಮಾ ಹಾಲ್ ಗಳು, ಸ್ವಿಮ್ಮಿಂಗ್ ಪೂಲ್ ಗಳು ಹಾಗೂ ಥಿಯೇಟರ್ ಗಳು ಸೆಪ್ಟೆಂಬರ್ 30ರವರೆಗೆ ಬಂದ್ ಇರಲಿವೆ.
- ಅಂತಾರಾಷ್ಟ್ರೀಯ ವಿಮಾನಯಾನ ಸೇವೆ, ಗೃಹ ಸಚಿವಾಲಯದ ಅನುಮತಿ ಹೊಂದಿದ ಸೇವೆಗಳನ್ನು ಹೊರತುಪಡಿಸಿ ಬಂದ್ ಇರಲಿವೆ.
