ನಿಮ್ಮ ಬಳಿ ಯಾರಾದರೂ ಸುಳ್ಳು ಹೇಳುತ್ತಿದ್ದಾರೆಯೇ? ಈ ಮಾರ್ಗಗಳಿಂದ ಈಗಲೇ ಪತ್ತೆಹಚ್ಚಿ.!

ಸುಳ್ಳುಗಾರನನ್ನು ಗುರುತಿಸಲು ಸರಳ ಮಾರ್ಗಗಳು

ಯಾರೂ ದ್ರೋಹ ಮಾಡಲು ಅಥವಾ ಸುಳ್ಳು ಹೇಳಲು ಬಯಸುವುದಿಲ್ಲ. ಆದರೆ ಸುಳ್ಳುಗಾರರು ಎಲ್ಲಾ ಟ್ರಸ್ಟ್ ಸ್ಕ್ರೀನಿಂಗ್‌ಗಳನ್ನು ಮೀರಿಸುತ್ತಾರೆ. ಸುಳ್ಳುಗಾರನನ್ನು ಗುರುತಿಸುವುದು ತುಂಬಾ ಕಷ್ಟಕರವಾಗಿರುತ್ತದೆ. ಏಕೆಂದರೆ ಅವರು ಸಾಮಾನ್ಯವಾಗಿ ತಮ್ಮ ಜಾಡುಗಳನ್ನು ಮುಚ್ಚಿಡುವಲ್ಲಿ ಬಹಳ ಸಮರ್ಥರಾಗಿರುತ್ತಾರೆ. ಆದರೆ ಕೆಲವೊಮ್ಮೆ, ಅಪ್ರಾಮಾಣಿಕತೆಯ ಕಡೆಗೆ ಸೂಚಿಸುವ ಕೆಲವು ಸುಳಿವುಗಳಿವೆ. 

ಸುಳ್ಳುಗಾರನನ್ನು ಗುರುತಿಸುವುದು ಯಾವಾಗಲೂ ಅಸಾಧ್ಯವಲ್ಲ. ನಿಮಗೆ ಸುಲಭವಾಗಿ ಸುಳ್ಳುಗಾರನನ್ನು ಗುರುತಿಸಲು ಕೆಲವು ಸುಲಭ ಮತ್ತು ಸರಳ ಮಾರ್ಗಗಳು ಇಲ್ಲಿವೆ:

ಕಣ್ಣಿನ ಮೂಲಕ (Eye contact): ಸುಳ್ಳುಗಾರರು ಯಾವಾಗಲೂ ಸುಳ್ಳನ್ನು ಹೇಳುವಾಗ ನೇರವಾಗಿ ಕಣ್ಣುಗಳನ್ನು ನೋಡುವುದನ್ನು ತಪ್ಪಿಸುತ್ತಾರೆ. ಅವರು ಕಣ್ಣು ತಪ್ಪಿಸಿ ಅಲ್ಲಿ ಇಲ್ಲಿ ನೋಡುತ್ತಾರೆ. ಅವರು ವೇಗವಾಗಿ ರೆಪ್ಪೆ ಮಿಟುಕಿಸಬಹುದು ಅಥವಾ ಆಗಾಗ್ಗೆ ಮೇಲೆ ನೋಡಬಹುದು. 

ಇದನ್ನೂ ಓದಿ: Solar Eclipse 2021: ಗ್ರಹಣ ದೋಷ ನಿವಾರಣೆಗೆ ಸೂರ್ಯ ಗ್ರಹಣ ತುಂಬಾ ಮಹತ್ವದ್ದು, ಈ ವಿಶೇಷ ಉಪಾಯ ಇಂದೇ ತಿಳಿದುಕೊಳ್ಳಿ

ಹಾವಭಾವ (Body language): ವ್ಯಕ್ತಿಯ ದೇಹ ಭಾಷೆ ಅವರ ಬಗ್ಗೆ ಬಹಳಷ್ಟು ಹೇಳಬಹುದು. ಸುಳ್ಳುಗಾರತಮ್ಮ ಕೈಗಳನ್ನು ಮರೆಮಾಡುತ್ತಾರೆ ಅಥವಾ ತಮ್ಮ ಪಾದಗಳನ್ನು ಆತಂಕದಿಂದ ಅಳುಗಾಡಿಸಬಹುದು. ವಿಚಿತ್ರವಾಗಿ ತುಟಿಗಳನ್ನು ನೆಕ್ಕುವುದು ಅಥವಾ ಕಚ್ಚುವುದು ವ್ಯಕ್ತಿಯು ಸತ್ಯವನ್ನು ಹೇಳುತ್ತಿಲ್ಲ ಎಂಬ ಇನ್ನೊಂದು ಸಂಕೇತವಾಗಿದೆ.

ವಿಷಯವನ್ನು ಬದಲಾಯಿಸುವುದು (Changing the subject): ಸುಳ್ಳುಗಾರ ಯಾವಾಗಲೂ ಪ್ರಸ್ತುತ ವಿಷಯವನ್ನು ಬದಲಾಯಿಸಲು ಪ್ರಯತ್ನಿಸುತ್ತಾನೆ. ಸುಳ್ಳು ಹೇಳುವಾಗ ಅವರು ದುರ್ಬಲರಾಗುತ್ತಾರೆ. ಆದ್ದರಿಂದ, ಅವರು ವಿಷಯವನ್ನು ಬದಲಾಯಿಸಲು ಪ್ರಯತ್ನಿಸುತ್ತಾರೆ.  

ರಕ್ಷಣಾತ್ಮಕ ಮನೋಭಾವ (Defensiveness): ಸಂಭವನೀಯ ಸತ್ಯದ ಬಗ್ಗೆ ನೀವು ಸುಳ್ಳುಗಾರನನ್ನು ಎದುರಿಸಿದಾಗ, ಅವರು ರಕ್ಷಣಾತ್ಮಕರಾಗುತ್ತಾರೆ. ಅವರಿಗಿಂತ ಹೆಚ್ಚಾಗಿ ನಿಮ್ಮ ಬಗ್ಗೆ ಪ್ರಶ್ನೆಗಳೊಂದಿಗೆ ನಿಮ್ಮ ಮೇಲೆ ದಾಳಿ ಮಾಡಲು ಪ್ರಾರಂಭಿಸುತ್ತಾರೆ. ಅವರು ಹೆಚ್ಚು ರಕ್ಷಣಾತ್ಮಕರಾಗುತ್ತಾರೆ. ಯಾವುದೇ ಪ್ರಶ್ನೆಗಳಿಗೆ ಉತ್ತರಿಸಲು ನಿರಾಕರಿಸುತ್ತಾರೆ. ಅವರು ನಿಮ್ಮ ಕಡೆಗೆ ಧ್ವನಿಯನ್ನು ಬದಲಾಯಿಸುವ ಮೂಲಕ ಸಂಭಾಷಣೆಯನ್ನು ಬೇರೆಡೆಗೆ ತಿರುಗಿಸಲು ಪ್ರಯತ್ನಿಸುತ್ತಾರೆ.

ಇದನ್ನೂ ಓದಿ: ಉದ್ದನೆಯ ಕಪ್ಪು ಕೂದಲಿಗಾಗಿ ಪೇರಳೆ ಎಲೆಯನ್ನು ಈ ರೀತಿ ಬಳಸಿ ನೋಡಿ

ಬೆವರುವುದು (Sweating): ಸುಳ್ಳುಗಾರನು ವಿಪರೀತವಾಗಿ ಬೆವರುತ್ತಾರೆ. ಏಕೆಂದರೆ ಅವರು ಸುಳ್ಳನ್ನು ಹೇಳುವಾಗ ಒತ್ತಡ ಮತ್ತು ಆತಂಕವನ್ನು ಅನುಭವಿಸುತ್ತಾರೆ. ಬೆವರುವಿಕೆಯು ವ್ಯಕ್ತಿಯು ತುಂಬಾ ಒತ್ತಡಕ್ಕೊಳಗಾಗಿದ್ದಾನೆ ಮತ್ತು ಬಹುಶಃ ಸುಳ್ಳು ಹೇಳುತ್ತಿದ್ದಾನೆ ಎಂಬುದರ ಸೂಚನೆಯಾಗಿದೆ.

ನಿಧಾನ ಉಸಿರಾಟ (Slow breathing): ಜನರು ಸುಳ್ಳು ಹೇಳಿದಾಗ ಹೆಚ್ಚು ಮತ್ತು ನಿಧಾನವಾಗಿ ಉಸಿರಾಡುತ್ತಾರೆ. ಏಕೆಂದರೆ ಅವರ  ಹೃದಯ ಬಡಿತವು ಹೆಚ್ಚಾಗುತ್ತದೆ. ಮತ್ತು ಇವುಗಳೊಂದಿಗೆ, ವ್ಯಕ್ತಿಯು ಸುಳ್ಳು ಹೇಳುತ್ತಿದ್ದಾನೆಯೇ ಅಥವಾ ಇಲ್ಲವೇ ಎಂಬುದನ್ನು ನೀವು ಸುಲಭವಾಗಿ ಗುರುತಿಸಬಹುದು.