Remedies For Mercury: ಜಾತಕದಲ್ಲಿ ಬುಧ ಗ್ರಹವನ್ನು ಬಲಪಡಿಸಲು ಸರಳ ಸಲಹೆಗಳು

Remedies For Mercury: ಜಾತಕದಲ್ಲಿ ಗ್ರಹಗಳ ರಾಜಕುಮಾರ ಬುಧನು ಬಲಶಾಲಿಯಾಗಿದ್ದರೆ ನೀವು ಹಿಡಿದ ಕೆಲಸಗಳು ಸರಾಗವಾಗಿ ನಡೆಯುತ್ತವೆ. ಅಂತೆಯೇ, ನಿಮ್ಮ ಜಾತಕದಲ್ಲಿ ಬುಧನು ದುರ್ಬಲನಾಗಿದ್ದರೆ ಅಥವಾ ಬುಧ ದೋಷವಿದ್ದರೆ ನಿಮ್ಮ ಕೆಲಸ ಕಾರ್ಯಗಳು ಕುಂಟಿತಗೊಳ್ಳಬಹುದು. ಆದರೆ, ನೀವು ಕೆಲವು ಸರಳ ಕ್ರಮಗಳನ್ನು ಅನುಸರಿಸುವುದರಿಂದ ನಿಮ್ಮ ಜಾತಕದಲ್ಲಿ ಬುಧ ಗ್ರಹವನ್ನು ಬಲಪಡಿಸಬಹುದು. ಅಂತಹ ಕೆಲವು ಸುಲಭ ಟಿಪ್ಸ್ ಇಲ್ಲಿದೆ.

Budh dosh parihar

Remedies For Mercury: ನವಗ್ರಹಗಳಲ್ಲಿ ಬುಧ ಗ್ರಹವನ್ನು ಗ್ರಹಗಳ ರಾಜಕುಮಾರ ಎಂದು ಕರೆಯಲಾಗುತ್ತದೆ. ಬುಧ ಗ್ರಹವು ಮಾತು, ಬುದ್ದಿ, ಗೌರವದ ಅಂಶವಾಗಿದೆ ಎಂದು ಹೇಳಲಾಗುತ್ತದೆ.  ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ವ್ಯಕ್ತಿಯ ಜಾತಕದಲ್ಲಿ ಬುಧನು ಪ್ರಬಲನಾಗಿದ್ದರೆ ಅಂತಹ ವ್ಯಕ್ತಿ ಉತ್ತಮ ಭಾಷಣಕಾರನಾಗಿರುತ್ತಾನೆ. ಆ ವ್ಯಕ್ತಿಯ ಮಾತು ಇತರರನ್ನು ಮೋಡಿ ಮಾಡುವ ಶಕ್ತಿಯನ್ನು ಹೊಂದಿರುತ್ತದೆ. ಅಂತಹವರು ವ್ಯಾಪಾರ-ವ್ಯವಹಾರದಲ್ಲಿ ಉತ್ತುಂಗದ ಶಿಖರವನ್ನು ಏರುತ್ತಾರೆ ಎಂದು ನಂಬಲಾಗಿದೆ. ಅದೇ ರೀತಿ ಯಾವುದೇ ವ್ಯಕ್ತಿಯ ಜಾತಕದಲ್ಲಿ ಬುಧನು ದುರ್ಬಲನಾಗಿದ್ದರೆ ಅಂತಹ ವ್ಯಕ್ತಿಯು ಜೀವನದಲ್ಲಿ ನಾನಾ ರೀತಿಯ ಸಂಕಷ್ಟಗಳನ್ನು ಅನುಭವಿಸಬೇಕಾಗುತ್ತದೆ ಎಂದು ಹೇಳಲಾಗುತ್ತದೆ. ಆದರೆ, ಈ ಬಗ್ಗೆ ಚಿಂತಿಸುವ ಅಗತ್ಯವಿಲ್ಲ, ನಿಮ್ಮ ಜಾತಕದಲ್ಲಿ ಬುಧನು ದುರ್ಬಲನಾಗಿದ್ದರೆ ಅಥವಾ ನಿಮ್ಮ ಕುಂಡಲಿಯಲ್ಲಿ ಬುಧ ದೋಷವಿದ್ದರೆ ನೀವು ಕೆಲವು ಸರಳ ಕ್ರಮಗಳನ್ನು ಕೈಗೊಳ್ಳುವ ಮೂಲಕ ಇದರಿಂದ ಸುಲಭ ಪರಿಹಾರ ಪಡೆಯಬಹುದು.  

ಬುಧ ಗ್ರಹ ಶಾಂತಿಗಾಗಿ ಈ ಕೆಳಗಿನ ಕ್ರಮಗಳನ್ನು ಅನುಸರಿಸಿ: 
ಬುಧ ಗ್ರಹದ ಶಾಂತಿಗಾಗಿ ಬುಧವಾರ ತುಂಬಾ ಪ್ರಾಶಸ್ತ್ಯವಾಗಿದೆ. ಬುಧವಾರದನ್ನು ಕೆಲವು ಕೆಲಸಗಳನ್ನು ಮಾಡುವ ಮೂಲಕ ಬುಧ ಗ್ರಹದ ದೋಷವನ್ನು ಕಡಿಮೆ ಮಾಡಬಹುದು ಎಂದು ಹೇಳಲಾಗುತ್ತದೆ. 

* ಬುಧ ದೋಷದಿಂದ ಪರಿಹಾರ ಪಡೆಯಲು ಬುಧವಾರದಂದು ಹಸುವಿಗೆ ಹಸಿರು ಮೇವನ್ನು ನೀಡಿ. ಇದಲ್ಲದೆ, ಅಗತ್ಯವಿರುವವರಿಗೆ ಹಸಿರು ಧಾನ್ಯಗಳನ್ನು ದಾನ ಮಾಡಿ. 

ಇದನ್ನೂ ಓದಿ- Shani Gochar: 2023ರಲ್ಲಿ 15 ದಿನಗಳಲ್ಲಿ ಎರಡು ಬಾರಿ ಶನಿಯ ಸ್ಥಾನ ಬದಲಾವಣೆ, ಈ ರಾಶಿಯವರಿಗೆ ಸಖತ್ ಲಾಭ

* ಬುಧವಾರದಂದು ತೃತೀಯ ಲಿಂಗಿಗಳನ್ನು ಕಂಡರೆ ನಿಮ್ಮ ಕೈಲಾದಷ್ಟು ಧನ ಸಹಾಯ ಮಾಡಿ. ಅವರಿಂದ ಆಶೀರ್ವಾದ ಪಡೆಯಿರಿ. ಆದರೆ, ನೆನಪಿಡಿ ಬುಧವಾರದಂದು ಸಾಧ್ಯವಾದಷ್ಟು ಇಂತಹವರಿಗೆ ಕೋಪ ಬರುವಂತೆ ಮಾಡಬೇಡಿ. 

* ಬುಧವಾರದಂದು ತುಳಸಿ ಗಿಡವನ್ನು ನೆಟ್ಟು ನಿತ್ಯ ತುಳಸಿ ಮಾತೆಗೆ ಪೂಜೆ ಸಲ್ಲಿಸಿ.

* ಬುಧವಾರದಂದು ಮನೆಯ ಮುಖ್ಯ ಬಾಗಿಲಿಗೆ ಪಂಚಪಲ್ಲವಿಯ ತೋರಣವನ್ನು ಕಟ್ಟುವುದರಿಂದಲೂ ಬುಧನ ಕೃಪೆಗೆ ಪಾತ್ರರಾಗಬಹುದು.

* ಬುಧವಾರದಂದು ಹಸಿರು ಬಟ್ಟೆಗಳನ್ನು ಧರಿಸಿ. ಇದು ಸಾಧ್ಯವಾಗದಿದ್ದರೆ, ಕನಿಷ್ಠ ಹಸಿರು ಕರವಸ್ತ್ರವನ್ನಾದರೂ ನಿಮ್ಮ ಬಳಿ ಇರಿಸಿಕೊಳ್ಳಿ. 

ಇದನ್ನೂ ಓದಿ- Budh Margi: 2023 ಪ್ರಾರಂಭವಾದ ತಕ್ಷಣ ಈ ರಾಶಿಯ ಜನರು ಇದ್ದಕ್ಕಿದ್ದಂತೆ ಬಹಳ ಹಣ ಗಳಿಸುತ್ತಾರೆ!

* ಬುಧಗ್ರಹಕ್ಕೆ ಸಂಬಂಧಿಸಿದ ದೋಷಗಳನ್ನು ತೊಡೆದುಹಾಕಲು, ಬುಧವಾರದಂದು ಹರಿಯುವ ನೀರಿನಲ್ಲಿ ಮಣ್ಣಿನ ಮಡಕೆಯನ್ನು ಬಿಡಿ.

* ಬುಧವಾರದಂದು 'ಓಂ ಬುಮ್ ಬುಧಾಯ ನಮಃ' ಅಥವಾ 'ಓಂ ಬ್ರಾಂ ಬ್ರಿಂ ಬ್ರೌನ್ ಎಸ್: ಬುಧಾಯ ನಮಃ' ಎಂಬ ಮಂತ್ರವನ್ನು ಪಠಿಸಿ.

* ಬುಧವಾರದಂದು ದುರ್ಗಾ ಮಾತೆಯ ದೇವಸ್ಥಾನಕ್ಕೆ ಹೋಗಿ ತಾಯಿಗೆ ಹಸಿರು ಬಳೆಗಳನ್ನು ಅರ್ಪಿಸಿ. ನಿಮ್ಮ ಕೈಲಾದರೆ ಬುಧವಾರದಂದು 5 ಜನ ಮುತ್ತೈದೆಯಾರಿಗೆ, 9 ಕನ್ಯೆಯರಿಗೆ  ಹಸಿರು ಬಟ್ಟೆ, ಹಸಿರು ಬಳೆಯನ್ನು ನೀಡಿ. ಈ ರೀತಿಯ ಪರಿಹಾರಗಳಿಂದ ಬುಧ ಗ್ರಹವನ್ನು ಬಲಪಡಿಸಬಹುದು ಎಂದು ಹೇಳಲಾಗುತ್ತದೆ. 

ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಧಾರ್ಮಿಕ ನಂಬಿಕೆಗಳು ಮತ್ತು ಸಾಮಾನ್ಯ ಮಾಹಿತಿಗಳನ್ನು ಆಧರಿಸಿದೆ. Zee ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.