ನವದೆಹಲಿ: ಬಜಾಜ್ ಆಟೋ ಮತ್ತೊಂದು ಪಲ್ಸರ್ ಅನ್ನು ತನ್ನ ಶ್ರೇಣಿಗೆ ಸೇರಿಸಿದೆ. ಕಂಪನಿಯು ಹೊಸ ಪಲ್ಸರ್ N150 ಅನ್ನು ಬಿಡುಗಡೆ ಮಾಡಿದೆ. ವಾಸ್ತವದಲ್ಲಿ, ಇತ್ತೀಚಿನ ಮಾಧ್ಯಮ ವರದಿಗಳ ಪ್ರಕಾರ, ಬಜಾಜ್ 2023-24 ರ ಆರ್ಥಿಕ ವರ್ಷದ ಅಂತ್ಯದ ವೇಳೆಗೆ ಭಾರತದಲ್ಲಿ 6 ಹೊಸ ಪಲ್ಸರ್ ಮಾದರಿಗಳನ್ನು ಬಿಡುಗಡೆ ಮಾಡಲು ಸಿದ್ಧತೆ ಪೂರ್ಣಗೊಳಿಸಿದೆ ಎನ್ನಲಾಗಿದೆ, ಅದರಲ್ಲಿ ಮೊದಲನೆಯದು ಪಲ್ಸರ್ N150. ಇದರ ಆರಂಭಿಕ ಬೆಲೆ ರೂ 1.18 ಲಕ್ಷ (ಎಕ್ಸ್ ಶೋ ರೂಂ) ಇರಿಸಲಾಗಿದೆ. ಇತ್ತೀಚಿನ ಬಿಡುಗಡೆಯು ಪಲ್ಸರ್ ಶ್ರೇಣಿಯಲ್ಲಿನ 13 ನೇ ಮಾದರಿಯಾಗಿದೆ ಮತ್ತು ಮೂಲ ಪಲ್ಸರ್ 150 ಮತ್ತು ಪಲ್ಸರ್ P150 ನಂತರ ಮೂರನೇ 150cc ಪಲ್ಸರ್ ಆಗಿದೆ ಎಂಬುದು ಗಮನಾರ್ಹ. ಈ ಪಲ್ಸರ್ ಅನ್ನು ಸೇರಿಸುವುದರಿಂದ ಕಂಪನಿಯು ತನ್ನ ಅಸ್ತಿತ್ವದಲ್ಲಿರುವ ಪಲ್ಸರ್ ಮಾದರಿಗಳಲ್ಲಿ ಒಂದನ್ನು ತೆಗೆದು ಹಾಕಲಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಬಜಾಜ್ ಇನ್ನೂ ಬಹಿರಂಗಪಡಿಸಿಲ್ಲ.
ಬಜಾಜ್ ಪಲ್ಸರ್ N150 ನ ವಿನ್ಯಾಸ
ಹೊಸ ಪಲ್ಸರ್ N150 ವಿನ್ಯಾಸವು ಪಲ್ಸರ್ 150 ಅನ್ನು ಹೋಲುತ್ತದೆ, ಇದು ವೂಲ್ಫ್ ಆಯಿಡ್ ಫ್ರಂಟ್ ಫೇಸ್ ಹೊಂದಿದೆ. ಎರಡೂ ಬದಿಗಳಲ್ಲಿ ಸಿಂಗಲ್-ಪಾಡ್ ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್ ಮತ್ತು ಎಲ್‌ಇಡಿ ಡಿಆರ್‌ಎಲ್‌ಗಳಿವೆ. ಫ್ಯೂಯೆಲ್ ಟ್ಯಾಂಕ್ ಸಾಕಷ್ಟು ಮಸ್ಕ್ಯೂಲಾರ್ ಕಾಣುತ್ತದೆ. N160 ಸ್ಪ್ಲಿಟ್-ಸ್ಟೈಲ್ ಸೀಟ್ ಮತ್ತು ಸ್ಪ್ಲಿಟ್ ಗ್ರ್ಯಾಬ್ ರೈಲ್ ಅನ್ನು ಹೊಂದಿದೆ, ಆದರೆ ಪಲ್ಸರ್ N150 ಸಿಂಗಲ್-ಪೀಸ್ ಗ್ರಾಬ್ ರೈಲ್‌ನೊಂದಿಗೆ ಸಿಂಗಲ್-ಪೀಸ್ ಸೀಟ್ ಅನ್ನು ಹೊಂದಿದೆ.
ಇದನ್ನೂ ಓದಿ-WhatsApp-Telegram ನೀವು ಬಳಸುತ್ತಿದ್ದರೆ ಈ ಸುದ್ದಿ ತಪ್ಪದೆ ಓದಿ... ಇಲ್ಡಿದ್ರೆ ಲಾಸ್ ಗ್ಯಾರಂಟಿ!
ಎಂಜಿನ್
ಬಜಾಜ್ N150 ಅನ್ನು ರೇಸಿಂಗ್ ರೆಡ್, ಎಬೊನಿ ಬ್ಲಾಕ್ ಮತ್ತು ಮೆಟಾಲಿಕ್ ಪರ್ಲ್ ವೈಟ್ ಸೇರಿದಂತೆ ಮೂರು ಬಣ್ಣಗಳಲ್ಲಿ ಪರಿಚಯಿಸಲಾಗಿದೆ. ಇತರ ಪ್ರಮುಖ ಮುಖ್ಯಾಂಶಗಳು ಹಿಂಭಾಗದ ಟೈರ್ ಹಗ್ಗರ್, ಅಂಡರ್ಬೆಲ್ಲಿ ಎಕ್ಸಾಸ್ಟ್ ಮಫ್ಲರ್ ಮತ್ತು ಅಂಡರ್ಬೆಲ್ಲಿ ಎಂಜಿನ್ ಕೌಲ್ ಅನ್ನು ಒಳಗೊಂಡಿವೆ. ಪಲ್ಸರ್ N150 149.68cc, ಸಿಂಗಲ್ ಸಿಲಿಂಡರ್, 4-ಸ್ಟ್ರೋಕ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ, ಇದು P150 ನಲ್ಲಿಯೂ ಬರುತ್ತದೆ. ಈ ಎಂಜಿನ್ 14.3 bhp ಶಕ್ತಿ ಮತ್ತು 13.5 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದು 5-ಸ್ಪೀಡ್ ಗೇರ್ ಬಾಕ್ಸ್ ಹೊಂದಿದೆ.
ಇದನ್ನೂ ಓದಿ-ಜೀ ಮೇಲ್ ಬಳಕೆದಾರರಿಗೊಂದು ಗುಡ್ ನ್ಯೂಸ್!
ಸಸ್ಪೆನ್ಷನ್
ಸಸ್ಪೆನ್ಷನ್ ಬಗ್ಗೆ ಹೇಳುವುದಾದರೆ, ಟೆಲಿಸ್ಕೋಪಿಕ್ ಫ್ರಂಟ್ ಫೋರ್ಕ್ಸ್ ಮತ್ತು ಹಿಂಭಾಗದ ಮೊನೊ-ಶಾಕ್ ಇವೆ. ಬ್ರೇಕಿಂಗ್ ಅನ್ನು 240 ಎಂಎಂ ಮುಂಭಾಗದ ಡಿಸ್ಕ್ ಮತ್ತು ಹಿಂಭಾಗದಲ್ಲಿ 130 ಎಂಎಂ ಡ್ರಮ್‌ನಿಂದ ಮಾಡಲಾಗುತ್ತದೆ, ಇದನ್ನು ಸಿಂಗಲ್-ಚಾನಲ್ ಎಬಿಎಸ್‌ಗೆ ಜೋಡಿಸಲಾಗಿದೆ. ಹೊಸ ಪಲ್ಸರ್ N150 ಸುಮಾರು 45-50 kmpl ಮೈಲೇಜ್ ಅನ್ನು ನೀಡುತ್ತದೆ ಎಂದು ಬಜಾಜ್ ಹೇಳಿಕೊಂಡಿದೆ. ಇದರ ತೂಕ ಪಲ್ಸರ್ N160 ಗಿಂತ 7 ಕೆಜಿ ಕಡಿಮೆ ಇದೆ.
ಇದನ್ನೂ ನೋಡಿ-
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/watch?v=q9auZ2eqeZo
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.
