Diwali 2023 ಹಬ್ಬಕ್ಕೆ ನೀವೂ 'ನೋ ಕಾಸ್ಟ್ ಇಎಂಐ' ಮೇಲೆ ಸರಕು ಖರೀದಿಸುತ್ತೀರಾ? ಬ್ಯಾಂಕ್ ಗಳ ಈ ಆಟ ನಿಮಗೆ ತಿಳಿದಿರಲಿ!

Diwali 2023 Shopping Tips: ಇತ್ತೀಚಿನ ದಿನಗಳಲ್ಲಿ, ಗ್ರಾಹಕರು ಆನ್‌ಲೈನ್ ಮತ್ತು ಆಫ್‌ಲೈನ್ ಶಾಪಿಂಗ್‌ಗಾಗಿ ನೋ ಕಾಸ್ಟ್ ಇಎಂಐ ಆಯ್ಕೆಯನ್ನು ಪಡೆದುಕೊಳ್ಳುವ ಪ್ರವೃತ್ತಿ ಸಾಕಷ್ಟು ಹೆಚ್ಚಾಗಿದೆ. ಈ ದೀಪಾವಳಿಯಲ್ಲಿ ನೀವೂ ಕೂಡ ನೋ ಕಾಸ್ಟ್ ಇಎಂಐನಲ್ಲಿ ಯಾವುದೇ ವಸ್ತುವನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ಅದಕ್ಕೂ ಮೊದಲು ಅದರ ವೈಶಿಷ್ಟ್ಯಗಳನ್ನು ಸರಿಯಾಗಿ ತಿಳಿದುಕೊಳ್ಳುವುದು ತುಂಬಾ ಮುಖ್ಯ (Business News In Kannada)

ಬೆಂಗಳೂರು: ಹಬ್ಬದ ಸೀಸನ್ ಶುರುವಾಗಿದೆ... ದೀಪಾವಳಿಗೆ ಇನ್ನೇನು ಕೆಲವೇ ದಿನಗಳು ಬಾಕಿ ಉಳಿದಿವೆ. ಹೆಚ್ಚಿನ ಜನರು ದೀಪಾವಳಿಯಂದು ತಮ್ಮ ಮನೆಗೆ ಹೊಸ ವಸ್ತುಗಳನ್ನು ತರುತ್ತಾರೆ. ಹೊಸ ವಿದ್ಯುತ್ ಮತ್ತು ಇತರ ಅನೇಕ ಉತ್ಪನ್ನಗಳನ್ನು ಖರೀದಿಸುತ್ತಾರೆ. ಇಂತಹ ಪರಿಸ್ಥಿತಿಯಲ್ಲಿ, ಶಾಪಿಂಗ್ ಮಾಡುವಾಗ, ಜನರು No Cost EMI ಆಯ್ಕೆಯನ್ನು ಆರಿಸಿಕೊಳ್ಳುತ್ತಾರೆ. ಇತ್ತೀಚಿನ ದಿನಗಳಲ್ಲಿ, ಗ್ರಾಹಕರು ಆನ್‌ಲೈನ್ ಮತ್ತು ಆಫ್‌ಲೈನ್ ಶಾಪಿಂಗ್‌ಗಾಗಿ ನೋ ಕಾಸ್ಟ್ ಇಎಂಐ ಆಯ್ಕೆಯನ್ನು ಪಡೆದುಕೊಳ್ಳುವ ಪ್ರವೃತ್ತಿ ಸಾಕಷ್ಟು ಹೆಚ್ಚಾಗಿದೆ. ಈ ದೀಪಾವಳಿಯಲ್ಲಿ ನೀವೂ ಕೂಡ ನೋ ಕಾಸ್ಟ್ ಇಎಂಐನಲ್ಲಿ ಯಾವುದೇ ವಸ್ತುವನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ಅದಕ್ಕೂ ಮೊದಲು ಅದರ ವಿವರಗಳನ್ನು ಎಚ್ಚರಿಕೆಯಿಂದ ಅರ್ಥಮಾಡಿಕೊಳ್ಳಿ... ನೀವು ನಿಜವಾಗಿಯೂ ಬಡ್ಡಿಯನ್ನು ಪಾವತಿಸದೆ ಐಟಂ ಅನ್ನು ಪಡೆಯುತ್ತೀರುವಿರಾ? ಎಂಬುದು ತಿಳಿದುಕೊಳ್ಳುವುದು ತುಂಬಾ ಮುಖವಾದ ಸಂಗತಿ. (Business News In Kannada)

ನೋ ಕಾಸ್ಟ್ ಇಎಂಐ ಉಚಿತ ಸೇವೆಯಲ್ಲ ಎಂಬುದು ನೀವು ಅರ್ಥಮಾಡಿಕೊಳ್ಳಬೇಕಾದ ಮೊದಲ ಸಂಗತಿ. ಹಲವು ಬ್ಯಾಂಕ್ ಗಳೂ ಇದರಲ್ಲಿ ಆಟ ಆಡಿ ಗ್ರಾಹಕರಿಂದ ಬಡ್ಡಿ ಹಣ ವಸೂಲಿ ಮಾಡುತ್ತವೆ. ಇದಲ್ಲದೆ, ನೋ ಕಾಸ್ಟ್ EMI ಅಡಿಯಲ್ಲಿ ಮಾರಾಟವಾಗುವ ಸರಕುಗಳ ಬೆಲೆಯನ್ನು ಹಲವು ಬಾರಿ ಹೆಚ್ಚಿಸಲಾಗುತ್ತದೆ. ಈ ಬಾರಿಯ ದೀಪಾವಳಿಯಂದು ಶಾಪಿಂಗ್ ಮಾಡುವ ಮೊದಲು ನೀವು ಯಾವ ವಿಷಯಗಳನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು ಎಂಬುದನ್ನು ಈ ಲೇಖನದ ಮೂಲಕ ತಿಳಿದುಕೊಳ್ಳಿ.

ನೋ ಕಾಸ್ಟ್ EMI ಎಂದರೇನು?
ನೋ ಕಾಸ್ಟ್ ಇಎಂಐ ಬಗ್ಗೆ ನೀವು ಸಾಕಷ್ಟು ಕೇಳಿರಬಹುದು. ಇದರರ್ಥ ನೀವು ಹೆಚ್ಚುವರಿ ಬಡ್ಡಿ ಅಥವಾ ಶುಲ್ಕವನ್ನು ಪಾವತಿಸಬೇಕಾಗಿಲ್ಲ. ನೀವು ಯಾವುದೇ ಉತ್ಪನ್ನದ ನಿಜವಾದ ಬೆಲೆಯನ್ನು ಮಾತ್ರ ಪಾವತಿಸಬೇಕಾಗುತ್ತದೆ. ನೀವು ಉತ್ಪನ್ನದ ಬೆಲೆಯನ್ನು ವಿವಿಧ ಕಂತುಗಳಲ್ಲಿ ಪಾವತಿಸಬಹುದು. ಇದರಲ್ಲಿ, ಉತ್ಪನ್ನದ ನಿಜವಾದ ಬೆಲೆಯನ್ನು EMI ಗಳಲ್ಲಿ ವಿಂಗಡಿಸಲಾಗುತ್ತದೆ.

ನೋ ಕಾಸ್ಟ್ ಇಎಂಐನಲ್ಲಿ ಹಲವು ಸೌಲಭ್ಯಗಳು ಲಭ್ಯವಿವೆ
ಹಲವು ಬ್ಯಾಂಕ್‌ಗಳು ಗ್ರಾಹಕರಿಗೆ ವಿವಿಧ ಆಯ್ಕೆಗಳಲ್ಲಿ ನೋ-ಕಾಸ್ಟ್-ಇಎಂಐ ಸೌಲಭ್ಯವನ್ನು ಒದಗಿಸುತ್ತವೆ. ಕೆಲವು ಬ್ಯಾಂಕುಗಳು ಗ್ರಾಹಕರಿಗೆ ಶೂನ್ಯ-ಡೌನ್ ಪಾವತಿ ಸೌಲಭ್ಯವನ್ನು ಒದಗಿಸುತ್ತವೆ. ಈ ಸೌಲಭ್ಯದಲ್ಲಿ ನೀವು ಆರಂಭದಲ್ಲಿ ಯಾವುದೇ ಮೊತ್ತವನ್ನು ಪಾವತಿಸಬೇಕಾಗಿಲ್ಲ. ಬದಲಿಗೆ, ನೀವು ಮಾಸಿಕ ಕಂತುಗಳಲ್ಲಿ ಪೆಮೆಂಟ್ ಬದಲಾಯಿಸಬಹುದು. ಇದೇ ವೇಳೆ ಕೆಲವು ಉತ್ಪನ್ನಗಳಲ್ಲಿ ನೀವು ಕನಿಷ್ಟ ಮೊತ್ತವನ್ನು ಡೌನ್ ಪೆಮೆಂಟ್ ಪಾವತಿಸಬೇಕಾಗುತ್ತದೆ.

ಅನೇಕ ಬ್ಯಾಂಕ್‌ಗಳು ನೋ-ಕಾಸ್ಟ್-ಇಎಂಐ ಹೆಸರಿನಲ್ಲಿ ಸಂಸ್ಕರಣಾ ಶುಲ್ಕವನ್ನು ವಿಧಿಸುತ್ತವೆ.
ಅನೇಕ ಬ್ಯಾಂಕ್‌ಗಳು ಗ್ರಾಹಕರಿಂದ ನೋ ಕಾಸ್ಟ್-ಇಎಂಐನಲ್ಲಿ ಸಂಸ್ಕರಣಾ ಶುಲ್ಕವನ್ನು ವಿಧಿಸುತ್ತವೆ. ಇದಲ್ಲದೇ ಬ್ಯಾಂಕ್‌ಗಳು ಬಡ್ಡಿ ಮೊತ್ತವನ್ನು ಸಂಸ್ಕರಣಾ ಶುಲ್ಕಕ್ಕೆ ಸೇರಿಸಿ ಗ್ರಾಹಕರಿಂದ ವಸೂಲಿ ಮಾಡುತ್ತವೆ.

No-Cost-EMI-ಯನ್ನು ಆಯ್ಕೆಮಾಡುವ ಮೊದಲು ಈ ವಿಷಯಗಳನ್ನು ನೆನಪಿನಲ್ಲಿಡಿ
>> ಯಾವುದೇ ವೆಚ್ಚವಿಲ್ಲದ EMI ಯ ಲಾಭವನ್ನು ಪಡೆಯಲು, ನಿಮ್ಮ ಕ್ರೆಡಿಟ್ ಸ್ಕೋರ್ ಉತ್ತಮವಾಗಿರಬೇಕು.
>>ಇಎಂಐ ಎಷ್ಟು ಸಮಯದವರೆಗೆ ಮಾಡಬೇಕು? ಇದನ್ನು ಸಾಕಷ್ಟು ಯೋಚಿಸಿದ ಬಳಿಕವೇ ನಿರ್ಧಾರ ಕೈಗೊಳ್ಳಬೇಕು.
>> ದೀರ್ಘಾವಧಿಯಲ್ಲಿ ನೀವು ಕಡಿಮೆ ಮಾಸಿಕ EMI ಪಾವತಿಸಬೇಕಾಗುತ್ತದೆ.
>> ಪ್ರತಿ ತಿಂಗಳು ನಿಮ್ಮ EMI ಅನ್ನು ಸಮಯಕ್ಕೆ ಪಾವತಿಸಿ.
>> ತಡವಾಗಿ ಪಾವತಿ ಮಾಡುವುದು ಪೆನಾಲ್ಟಿ ಅಥವಾ ಬಡ್ಡಿಗೆ ಕಾರಣವಾಗಬಹುದು.

ಇದನ್ನೂ ಓದಿ-ನಿಮ್ಮ ಹಳೆ ಸ್ಮಾರ್ಟ್ ಫೋನ್ ಬಳಸಿ ಮನೆಯಿಂದಲೇ ನೀವು ತಿಂಗಳಿಗೆ 40 ರಿಂದ 50 ಸಾವಿರ ಸಂಪಾದಿಸಬಹುದು!

ಉದಾಹರಣೆಯೊಂದಿಗೆ ಅರ್ಥಮಾಡಿಕೊಳ್ಳಿ
Amazon ಸೇಲ್ ನಲ್ಲಿ 30,000 ರೂಪಾಯಿ ಮೌಲ್ಯದ ಸ್ಮಾರ್ಟ್ ಫೋನ್ ಖರೀದಿಸಿದರೆ. ಇದಕ್ಕಾಗಿ, ನೀವು 3 ತಿಂಗಳ EMI ಅನ್ನು ಆಯ್ಕೆ ಮಾಡಿ, ಅಲ್ಲಿ ನೀವು 15 % ಬಡ್ಡಿಯನ್ನು ಪಾವತಿಸಬೇಕಾಗುತ್ತದೆ. ಆದ್ದರಿಂದ ನೀವು ಬಡ್ಡಿ ಮೊತ್ತವಾಗಿ 4500 ರೂಪಾಯಿಗಳನ್ನು ಪಾವತಿಸಬೇಕಾಗುತ್ತದೆ. ಒಂದು ವೇಳೆ ನೀವು ಸಂಪೂರ್ಣ ಮೊತ್ತವನ್ನು ಮುಂಗಡವಾಗಿ ಪಾವತಿಸಿ ಸ್ಮಾರ್ಟ್ ಫೋನ್ ಖರೀದಿಸಿದರೆ, ರೂ 30,000 ಮೌಲ್ಯದ ಫೋನ್ ಅನ್ನು ರೂ 25,500 ಗೆ ಖರೀದಿಸಬಹುದು. ಆದರೆ, ನೀವು ನೋ ಕಾಸ್ಟ್  EMI ಅನ್ನು ಆರಿಸಿದರೆ, ನೀವು ಸಂಪೂರ್ಣ ರೂ 30,000 ಪಾವತಿಸಬೇಕಾಗುತ್ತದೆ.

ಇದನ್ನೂ ಓದಿ-ಶೇ.50 ಅಲ್ಲ... ಶೇ.51ಕ್ಕೆ ತಲುಪಲಿದೆ ಸರ್ಕಾರಿ ನೌಕರರ ತುಟ್ಟಿಭತ್ಯೆ! ಜನವರಿ 2024ರಲ್ಲಿ ಸಿಗಲಿದೆ ಬಹುದೊಡ್ಡ ಉಡುಗೊರೆ!

ನೋ-ಕಾಸ್ಟ್-ಇಎಂಐ ಕುರಿತು RBI ಏನು ಹೇಳುತ್ತದೆ
ನೋ-ಕಾಸ್ಟ್-ಇಎಂಐ ಕುರಿತು ರಿಸರ್ವ್ ಬ್ಯಾಂಕ್ 2013 ರಲ್ಲಿ ಅಧಿಸೂಚನೆಯನ್ನು ಹೊರಡಿಸಿದೆ. ಶೂನ್ಯ ಶೇಕಡಾ ಬಡ್ಡಿ ಅಥವಾ ನೋ-ಕಾಸ್ಟ್ ಇಎಂಐ ಎಂಬುದಿಲ್ಲ ಎಂದು ಈ ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.

ಇದನ್ನೂ ನೋಡಿ-

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...