ಮಟನ್ ಕೀಮಾ ಇಷ್ಟಪಟ್ಟು ತಿಂತಿರಾ ? ಹಾಗಿದ್ದರೆ ಇಡ್ಲಿ ಕೀಮಾನೂ ಒಮ್ಮೆ ಟ್ರೈ ಮಾಡಿ ! ತಯಾರಿಸುವ ವಿಡಿಯೋ ಇಲ್ಲಿದೆ

ಬೆಂಗಳೂರು : ಭಾರತದಲ್ಲಿ ಹಲವು ರೀತಿಯ ಆಹಾರ ಮತ್ತು ಪಾನೀಯಗಳಿವೆ. ಬೇರೆ ಬೇರೆ ಪ್ರದೇಶಕ್ಕೆ ಅನುಸಾರವಾಗಿ ವಿವಿಧ ರೀತಿಯ ಸಾಂಪ್ರದಾಯಿಕ ಭಕ್ಷ್ಯಗಳಿರುತ್ತವೆ.  ಭಾರತ ಬೇರೆ ಬೇರೆ ರೀತಿಯ ಸಂಸ್ಕೃತಿಯನ್ನು ಹೊಂದಿದೆ. ಅದೆ ರೀತಿ ಪ್ರತಿಯೊಂದು ರಾಜ್ಯವೂ ತನ್ನದೇ ಆದ ಆಹಾರ ಪದ್ದತಿಯನ್ನು ಕೂಡಾ ಅನುಸರಿಸುತ್ತದೆ. ದಕ್ಷಿಣದ ರಾಜ್ಯಗಳಿಗೆ ಬಂದರೆ ಅಲ್ಲಿನ ಜನರು ಇಡ್ಲಿ ಮತ್ತು ದೋಸೆ ಸಾಮಾನ್ಯವಾಗಿ ಮಾಡುವ ತಿನಿಸು. ಅದೇ ಉತ್ತರ ಭಾರತೀಯರು ಕೀಮಾದಂತಹ ಭಕ್ಷ್ಯಗಳನ್ನು ಇಷ್ಟಪಡುತ್ತಾರೆ. ಇವುಗಳನ್ನು ಕೋಳಿ ಅಥವಾ ಮಟನ್ ನಿಂದ ತಯಾರಿಸಲಾಗುತ್ತದೆ. ನಮ್ಮ ರಾಜ್ಯದಲ್ಲಿಯೂ ಕೆಲವು ಜಿಲ್ಲೆಗಳಲ್ಲಿ ಕಿಮಾ ಪ್ರಿಯರಿದ್ದಾರೆ. 

ಇಡ್ಲಿ ಕೀಮಾ  ತಯಾರಿಸುವ ವಿಡಿಯೋ:
ವಾಸ್ತವವಾಗಿ, ಬೀದಿ ವ್ಯಾಪಾರಿಯೊಬ್ಬರು ಇಡ್ಲಿ ಕೀಮಾವನ್ನು ತಯಾರಿಸುವ ವೀಡಿಯೊ ಇಂಟರ್ನೆಟ್‌ನಲ್ಲಿ ವೈರಲ್ ಆಗುತ್ತಿದೆ. ಈ ವೀಡಿಯೊದಲ್ಲಿ, ಮಾರಾಟಗಾರನು ಮೊದಲು ಆರು ಇಡ್ಲಿಗಳನ್ನು ತೆಗೆದುಕೊಂಡು  ಕಾವಲಿ ಮೇಲೆ ಹಾಕುತ್ತಾನೆ. ಅದರ ಜೊತೆ ಚಟ್ನಿ ಪುಡಿ ಕೂಡಾ ಹಾಕಿ ಸ್ವಲ್ಪ ಹೊತ್ತು ಹುರಿಯುತ್ತಾನೆ. ಇಡ್ಲಿ ಹುರಿಯಲು ಪ್ರಾರಂಭಿಸಿದ ನಂತರ, ಅದಕ್ಕೆ ಮಸಾಲೆ ಸೇರಿಸಲಾಗುತ್ತದೆ. ನಂತರ, ಈರುಳ್ಳಿ, ಹಸಿರು ಮೆಣಸಿನಕಾಯಿಗಳು, ಬೆಣ್ಣೆ ಮತ್ತು ಕೆಲವು ಮಸಾಲೆಗಳನ್ನು ಸೇರಿಸಿ ಮತ್ತು ಬೇಯಿಸಲಾಗುತ್ತದೆ. ಇದರ ನಂತರ ಅದಕ್ಕೆ ಆಲೂಗಡ್ಡೆಯನ್ನು ಸೇರಿಸುವುದನ್ನು ಗಮನಿಸಬಹುದು. ಈ ಮಸಾಲೆ ಚೆನ್ನಾಗಿ ಬೆಂದ ನಂತರ  ಇಡ್ಲಿಯನ್ನು ಹಿಸುಕಿದ ಆಲೂಗಡ್ಡೆಯೊಂದಿಗೆ ಬೆರೆಸಲಾಗುತ್ತದೆ. ಅಲ್ಲಿಗೆ ಇಡ್ಲಿ ಕೀಮಾ ರೆಡಿ. ಹೀಗೆ ತಯಾರಾದ ಇಡ್ಲಿ ಕೀಮಾವನ್ನುತೆಂಗಿನಕಾಯಿ ಚಟ್ನಿ, ಸಾಂಬಾರ್ ಮತ್ತು ವಿವಿಧ ಚಟ್ನಿಗಳೊಂದಿಗೆ  ಸವಿಯಬಹುದು. 

ಇದನ್ನೂ ಓದಿ : ತಮಿಳುನಾಡಿನಿಂದ 34,300 ಕಿಮೀ ಸೈಕಲ್‌ಗಳನ್ನು ಓಡಿಸಿದ ಪುನೀತ್ ರಾಜ್‌ಕುಮಾರ್ ಫ್ಯಾನ್ : ನೆಚ್ಚಿನ ಸ್ಟಾರ್‌ಗೆ ಟ್ರಿಬ್ಯೂಟ್‌

ಕೀಮಾ ಇಡ್ಲಿ ಮಾಡುವ ವೀಡಿಯೊವನ್ನು ಇಲ್ಲಿ ನೋಡಿ:

View this post on Instagram

A post shared by Sukrit jain (@thegreatindianfoodie)

ಆದರೆ ವಿಡಿಯೋದಲ್ಲಿ ತೋರಿಸಲಾದ ಈ ಇಡ್ಲಿ ಕಿಮಾ ಜನರಿಗೆ ಇಷ್ಟವಾದಂತೆ ತೋರುತ್ತಿಲ್ಲ. ಈ ವಿಡಿಯೋಗೆ ಜನ ನಾನಾ ರೀತಿಯಲ್ಲಿ ಕಾಮೆಂಟ್ ಮಾಡಿದ್ದಾರೆ.  "ಆರೋಗ್ಯಕರ ಆಹಾರವನ್ನು ಅನಾರೋಗ್ಯಕರವಾಗಿ ಮಾಡಲು ಪರಿಪೂರ್ಣ ಮಾರ್ಗ ಎಂದು ಒಬ್ಬರು ಬರೆದರೆ, ಮತ್ತೊಬ್ಬರು "ಇದನ್ನು ನೋಡಿದರೆಯೇ ಹೊಟ್ಟೆಯಾ ಕಾಯಿಲೆ ಬಂದಂತೆ ಆಗುತ್ತದೆ ಎಂದಿದ್ದಾರೆ. 

ಇದನ್ನೂ ಓದಿ :“ಜಾತಿಗಣತಿಯಲ್ಲಿ ಉದ್ದೇಶಪೂರ್ವಕವಾಗಿ ಮುಸ್ಲಿಂರ ಜನಸಂಖ್ಯೆಯನ್ನು ಹೆಚ್ಚು ತೋರಿಸಲಾಗಿದೆ”- ಅಮಿತ್ ಶಾ ಗಂಭೀರ ಆರೋಪ

ಇತ್ತೀಚಿನ ದಿನಗಳಲ್ಲಿ ಬೀದಿ ವ್ಯಾಪಾರಿಗಳು ಕ್ಲಾಸಿಕ್ ಭಕ್ಷ್ಯಗಳನ್ನು ಪ್ರಯತ್ನಿಸುತ್ತಾ ಇರುತ್ತಾರೆ. ನೂರು ವಿಧದ ದೋಸೆ, ದೋಸೆಯಲ್ಲಿ ಎಲ್ಲಾ ಮಸಾಲೆಗಳನ್ನು ಬೆರೆಸುವುದು ಹೀಗೆ ನಾನಾ ರೀತಿಗಳನ್ನು ಟ್ರೈ ಮಾಡಲಾಗುತ್ತದೆ. ಹಾಗೆಯೇ ಇಡ್ಲಿ ಕೀಮಾ ಕೂಡಾ. ಟ್ರೈ ಮಾಡಿ ನೋಡಿದರೆ ಇಷ್ಟವಾಗಬಹುದೋ ಏನೋ? 

( ಸೂಚನೆ :  ಈ ಪೋಸ್ಟ್‌ನಲ್ಲಿ ಹಂಚಿಕೊಳ್ಳಲಾದ ವೀಡಿಯೊ ಮತ್ತು ನೀಡಿರುವ ಮಾಹಿತಿಯನ್ನು ಸಾಮಾಜಿಕ ಮಾಧ್ಯಮದಿಂದ ತೆಗೆದುಕೊಳ್ಳಲಾಗಿದೆ. Zee  ನ್ಯೂಸ್ ಇವುಗಳನ್ನು ಯಾವುದೇ ರೀತಿಯಲ್ಲಿ ಅನುಮೋದಿಸುವುದಿಲ್ಲ.)