Smartphone Tips: ನಿಮ್ಮ ಫೋನ್‌ನ್ನುಬೇರೆ ಚಾರ್ಜರ್‌ನಿಂದ ಚಾರ್ಜ್ ಮಾಡ್ತೀರಾ? ಇದರಿಂದ ಭಾರೀ ನಷ್ಟ

Smartphone Tips: ಸಾಮಾನ್ಯವಾಗಿ ನಮ್ಮಲ್ಲಿ ಕೆಲವರು ಸಿಕ್ಕ ಸಿಕ್ಕ ಚಾರ್ಜರ್‌ಗಳನ್ನು ಬಳಸಿ ತಮ್ಮ ಫೋನ್‌ಗಳನ್ನು ಚಾರ್ಜ್ ಮಾಡುತ್ತಾರೆ. ಇದಕ್ಕೆ ಕಾರಣ ಏನೇ ಇರಲಿ ಇದರಿಂದಾಗುವ ನಷ್ಟದ ಬಗ್ಗೆ ಎಂದಾದರೂ ಯೋಚಿಸಿದ್ದೀರಾ?

Smartphone Charging Tips: ಪ್ರಸ್ತುತ ಯುಗದಲ್ಲಿ ಸ್ಮಾರ್ಟ್‌ಫೋನ್‌ಗಳು ಪ್ರತಿಯೊಬ್ಬರ ಜೀವನದ ಅವಿಭಾಜ್ಯ ಅಂಗವಾಗಿದೆ. ಪ್ರತಿ ಕೆಲಸವನ್ನೂ ತುಂಬಾ ಸುಲಭಗೊಳಿಸಿರುವ ಸ್ಮಾರ್ಟ್‌ಫೋನ್‌ಗಳನ್ನು ಬಳಸಲು ಫೋನ್ ಚಾರ್ಜ್ ಆಗಿರುವುದು ಬಹಳ ಮುಖ್ಯ. ಆದರೆ, ವಿಡಿಯೋ, ರೀಲ್ಸ್ ವೀಕ್ಷಣೆ, ಗೇಮ್ ಆಡುವುದು ಹೀಗೆ ನಿರಂತರವಾಗಿ ಫೋನ್ ಬಳಸುವುದರಿಂದ ಸಹಜವಾಗಿಯೇ ಅದರ ಬ್ಯಾಟರಿ ಬೇಗನೆ ಖಾಲಿಯಾಗುತ್ತದೆ.

ನಮ್ಮಲ್ಲಿ ಕೆಲವರು ಸ್ಮಾರ್ಟ್‌ಫೋನ್‌ಗಳನ್ನು ಚಾರ್ಜ್ ಮಾಡಲು ಸಿಕ್ಕ ಸಿಕ್ಕ ಚಾರ್ಜರ್‌ಗಳನ್ನು ಬಳಸುತ್ತಾರೆ. ಆದರೆ, ನಿಮ್ಮ ಫೋನ್‌ಗೆ ನೀಡಿರುವ ಚಾರ್ಜರ್ ಬಿಟ್ಟು/ ಸ್ವಂತ ಚಾರ್ಜರ್  ಬಿಟ್ಟು ಸಿಕ್ಕ ಸಿಕ್ಕ ಚಾರ್ಜರ್‌ಗಳನ್ನು ಬಳಸಿ ಮೊಬೈಲ್ ಚಾರ್ಜ್ ಮಾಡುವುದರ ಅನಾನುಕೂಲತೆ ಬಗ್ಗೆ ಎಂದಾದರೂ ಯೋಚಿಸಿದ್ದೀರಾ? 

ಮೊಟ್ಟ ಮೊದಲನೆಯದಾಗಿ ನೀವು ಪದೇ ಪದೇ ಬೇರೆ ಚಾರ್ಜರ್‌ಗಳನ್ನು ಬಳಸಿ ಫೋನ್ ಚಾರ್ಜ್ ಮಾಡಿದರೆ ಇದು ನಿಮ್ಮ ಫೋನ್ ಬ್ಯಾಟರಿಯನ್ನು ಹಾನಿಗೊಳಿಸುತ್ತದೆ. ಫೋನ್‌ನ್ನು ಬೇರೆ ಚಾರ್ಜರ್‌ನಿಂದ ಚಾರ್ಜ್ ಮಾಡುವುದರಿಂದ ಆಗುವ ಐದು ಪ್ರಮುಖ ನಷ್ಟಗಳ ಬಗ್ಗೆ ನಾವಿಲ್ಲಿ ತಿಳಿಯೋಣ. 

ಇದನ್ನೂ ಓದಿ- ಫೋನ್ ಚಾರ್ಜ್ ಮಾಡುವಾಗ ನೆನಪಿರಲಿ 40-80 ನಿಯಮ

ನಿಮ್ಮ ಫೋನ್‌ನ್ನುಬೇರೆ ಚಾರ್ಜರ್‌ನಿಂದ ಚಾರ್ಜ್ ಮಾಡುವುದರ 5 ಪ್ರಮುಖ ಅನಾನುಕೂಲತೆಗಳೆಂದರೆ:- 
ಬ್ಯಾಟರಿ ಸಾಮರ್ಥ್ಯದ ಮೇಲೆ ನಕಾರಾತ್ಮಕ ಪರಿಣಾಮ: 
ನಿಮ್ಮ ಫೋನ್‌ನ್ನು ಬೇರೆ ಚಾರ್ಜರ್‌ನಿಂದ ಚಾರ್ಜ್ ಮಾಡುವುದರರಿಂದ ಬ್ಯಾಟರಿ ಸಾಮರ್ಥ್ಯ ಕಡಿಮೆಯಾಗಬಹುದು. ವಿಭಿನ್ನ ಫೋನ್ ಚಾರ್ಜರ್‌ಗಳು ವಿಭಿನ್ನ ವೋಲ್ಟೇಜ್ ಮತ್ತು ಕರೆಂಟ್ ಅನ್ನು ಒದಗಿಸುತ್ತವೆ. ನಿಮ್ಮ ಫೋನ್‌ಗೆ ಸರಿಯಾದ ವೋಲ್ಟೇಜ್ ಮತ್ತು ಕರೆಂಟ್‌ನ ಚಾರ್ಜರ್ ಅನ್ನು ನೀವು ಬಳಸದಿದ್ದರೆ, ಅದು ನಿಮ್ಮ ಬ್ಯಾಟರಿಯ ಸಾಮರ್ಥ್ಯವನ್ನು ಕುಗ್ಗಿಸುತ್ತದೆ. 

ಬ್ಯಾಟರಿ ಬೇಗ ಹಾಳಾಗಬಹುದು: 
ನೀವು ಪದೇ ಪದೇ ಬೇರೆ ಬೇರೆ ಚಾರ್ಜರ್‌ ಬಳಸಿ ಬ್ಯಾಟರಿ ಬೇಗನೆ ಕೆಡಬಹುದು: ನೀವು ನಿಮ್ಮ ಫೋನ್ ಅನ್ನು ಮತ್ತೊಂದು ಚಾರ್ಜರ್‌ನೊಂದಿಗೆ ಪದೇ ಪದೇ ಚಾರ್ಜ್ ಮಾಡಿದರೆ, ಇದರಿಂದ ನಿಮ್ಮ ಬ್ಯಾಟರಿ ಬಹುಬೇಗ ಹಾಳಾಗಬಹುದು. 

ಫೋನ್ ಹೀಟ್ ಆಗುವುದು: 
ನೀವು ಬೇರೆ ಚಾರ್ಜರ್‌ಗಳನ್ನು ಬಳಸಿ ಚಾರ್ಜ್ ಮಾಡುವುದರಿಂದ ಫೋನ್ ಅತಿಯಾಗಿ ಹೀಟ್ ಆಗಬಹುದು. ನಿಮ್ಮ ಫೋನ್‌ನ ಬ್ಯಾಟರಿಗೆ ನಿಮ್ಮ ಚಾರ್ಜರ್‌ನ ಔಟ್‌ಪುಟ್ ತುಂಬಾ ಹೆಚ್ಚಿದ್ದರೆ, ಅದು ನಿಮ್ಮ ಫೋನ್ ಅತಿಯಾಗಿ ಬಿಸಿಯಾಗಲು ಕಾರಣವಾಗಬಹುದು. ಹಲವು ಸಂದರ್ಭಗಳಲ್ಲಿ ಫೋನ್ ಬ್ಲಾಸ್ಟ್ ಆಗುವ ಸಾಧ್ಯತೆಯೂ ಇರುತ್ತದೆ. 

ಇದನ್ನೂ ಓದಿ- ಅತಿಯಾದ ಸ್ಮಾರ್ಟ್‌ಫೋನ್‌ ಬಳಕೆ ನಿಯಂತ್ರಿಸಲು ಈ ಟಿಪ್ಸ್ ಅನುಸರಿಸಿ

ಫೋನ್ ಅಸಮರ್ಪಕ ಕಾರ್ಯನಿರ್ವಹಣೆ: 
ನಿಮ್ಮ ಚಾರ್ಜರ್‌ನಲ್ಲಿ ದೋಷವಿದ್ದರೆ, ಅದು ನಿಮ್ಮ ಫೋನ್ ಅಸಮರ್ಪಕವಾಗಿ ಕಾರ್ಯನಿರ್ವಹಿಸಲು ಕಾರಣವಾಗಬಹುದು.

ಸುರಕ್ಷತೆಯ ಅಪಾಯ: 
ನಿಮ್ಮ ಚಾರ್ಜರ್ ಯಾವುದೇ ಸುರಕ್ಷತಾ ವೈಶಿಷ್ಟ್ಯಗಳನ್ನು ಹೊಂದಿಲ್ಲದಿದ್ದರೆ, ಅದು ಬೆಂಕಿ ಅಥವಾ ಇತರ ಸುರಕ್ಷತೆಯ ಅಪಾಯಗಳನ್ನು ಎದುರಿಸಬಹುದು.