Salaar 2: ಶೀಘ್ರದಲ್ಲೇ ಸಲಾರ್‌ 2 ಶೂಟಿಂಗ್‌ ಬಿಗಿನ್ಸ್:‌ ನೀಲ್‌ ಪ್ಲಾನ್‌ ಏನಿದೆ..??

Salaar 2 Update: ಪ್ಯಾನ್‌ ಇಂಡಿಯಾ ಸ್ಟಾರ್‌ ಪ್ರಭಾಸ್‌ ಅಭಿನಯದ ಸಲಾರ್‌ ಸಿನಿಮಾ ಕಲೇದ ವರ್ಷ ತೆರೆಕಂಡು ಬಹಳ ದೊಡ್ಡಮಟ್ಟದಲ್ಲಿ ಸಕ್ಸಸ್‌ ಕಂಡು, ಸದ್ಯ ಅತಿ ಶೀಘ್ರದಲ್ಲೇ ಸಲಾರ್‌ ಪಾರ್ಟ್‌ 2 ಸೆಟ್ಟಿಗೇರಲಿದೆ. ಹಾಗಾದ್ರೇ ಸಲಾರ್‌ 2 ಶೂಟಿಂಗ್‌ ಯಾವಾಗ ಪ್ರಾರಂಭವಾಗುತ್ತದೆ? ನಿರ್ದೇಶಕ ಪ್ರಶಾಂತ್‌ ನೀಲ್‌ ಮಾಡಿರುವ ಪ್ಲಾನ್‌ ಆದರೂ ಏನು? ಇಲ್ಲಿದೆ ಕಂಪ್ಲೀಟ್‌ ಡಿಟೇಲ್ಸ್.‌

Salaar 2 Shooting: ಟಾಲಿವುಡ್‌ ಇಂಟಸ್ಟ್ರೀಯಿಂದ ಇಂದು ಪ್ಯಾನ್‌ ಇಂಡಿಯಾ ಸ್ಟಾರ್‌ ಎಂದೇ ಪ್ರಖ್ಯಾತಿ ಪಡೆದಿರುವ ನಟ ಪ್ರಭಾಸ್‌ ಏಳು ವರ್ಷಗಳಿಂದ ಬ್ಯಾಕ್ ಟು ಬ್ಯಾಕ್ ಸೋಲು ಕಾಣುತ್ತಿದ್ದರು. ಇದೀಗ ಈ ನಟ ಸ್ಯಾಂಡಲ್‌ವುಡ್‌ನ ಕ್ರಿಯೇಟಿವ್‌ ಡೈರೆಕ್ಟರ್‌ ಪ್ರಶಾಂತ್‌ ನೀಲ್‌ ನಿರ್ದೇಶನದ ʻಸಲಾರ್‌ʼ ಸಿನಿಮಾದ ಮೂಲಕ ಸಕ್ಸಸ್‌ ನೋಡಿದ್ದಾರೆ. ಈ ಚಿತ್ರ ಪ್ರೇಕ್ಷಕರ ಮನಗೆದ್ದಿದ್ದು ಫ್ಯಾನ್ಸ್‌ ಸದ್ಯ ಸಲಾರ್‌ ಎರಡನೇ ಭಾಗಕ್ಕಾಗಿನ ಕಾಯುತ್ತಿದ್ದಾರೆ.

ಸದ್ಯಕ್ಕೆ ಎಲ್ಲರಲ್ಲೂ 'ಸಲಾರ್ 2' ಸಿನಿಮಾದ ಶೂಟಿಂಗ್‌ ಅನ್ನು ಯಾವಾಗ ಶುರು ಮಾಡುತ್ತಾರೆ ಅನ್ನೋ ಕುತೂಹಲವಿದ್ದು, ಅದರಲ್ಲೂ ಪ್ರಭಾಸ್‌ ಫ್ಯಾನ್ಸ್‌ ಈ ವಿಷಯದ ಬಗ್ಗೆ ತಿಳಿದು ಕೊಳ್ಳುವುದಕ್ಕೆ ತುದಿಗಾಲಿನಲ್ಲಿ ನಿಂತಿದ್ದಾರೆ. ಇದೀಗ ಪ್ರಭಾಸ್ ಅಭಿಮಾನಿಗಳ ಕುತೂಹಲಕ್ಕೆ ಉತ್ತರ ಸಿಕ್ಕಿದೆ. ಈಗಾಗಲೇ ಪ್ರಶಾಂತ್ ನೀಲ್ 'ಸಲಾರ್ 2' ಚಿತ್ರವನ್ನು ಶೀಘ್ರದಲ್ಲಿಯೇ ಆರಂಭ ಮಾಡಲಿದ್ದಾರೆ ಅನ್ನೋ ಸುದ್ದಿ ಟಾಲಿವುಡ್‌ನಲ್ಲಿ ಹರಿದಾಡುತ್ತಿದ್ದು, ಸದ್ಯ ಸಿನಿಮಾದಲ್ಲಿ ನಟಿಸಿರೋ ನಟನೊಬ್ಬರ ಇದರ ಮಾಹಿತಿಯನ್ನು  ಹೊರ ಹಾಕಿದ್ದಾರೆ.

ಇದನ್ನೂ ಓದಿ: Vijaylakshmi: ಸಾವೊಂದೆ ನನ್ನ ಕೊನೆಯ ಆಯ್ಕೆ.. ನಾನು ಸತ್ತರೆ ಆತನೇ ಕಾರಣ ಎಂದು ವಿಡಿಯೋ ಹರಿಬಿಟ್ಟ ಹಿರಿಯ ನಟಿ!

ಹೌದು.. 'ಸಲಾರ್' ಚಿತ್ರದಲ್ಲಿ ಪ್ರಭಾಸ್, ಪೃಥ್ವಿರಾಜ್ ಸುಕುಮಾರನ್ ಜೊತೆಗೆ ಹೈಲೈಟ್ ಆಗಿದ್ದ ಮತ್ತೊಬ್ಬ ನಟರಾದ ಬಾಬಿ ಸಿಂಹ, 'ಸಲಾರ್ 2' ಶೂಟಿಂಗ್ ಇದೇ ಏಪ್ರಿಲ್ ತಿಂಗಳಲ್ಲಿ ಪ್ರಾರಂಭವಾಗುತ್ತದೆ ಎಂದು ಹೇಳಿದ್ದಾರೆ. ಡೈರೆಕ್ಟರ್‌ ಪ್ರಶಾಂತ್‌ ನೀಲ್‌ ಈಗಾಗಲೇ ಜೂ.ಎನ್‌ಟಿಆರ್ ಸೇರಿದಂತೆ ಕೆಲವು ಪ್ರಾಜೆಕ್ಟ್‌ಗಳನ್ನು ಆದಷ್ಟು ಬೇಗ  ಮುಗಿಸಬೇಕಿರುವುದರಿಂದ 'ಸಲಾರ್ 2' ಸಿನಿಮಾವನ್ನು ಪ್ರಾರಂಭ ಮಾಡುತ್ತಾರೆ ಅನ್ನೋ ಮಾತು ಕೇಳಿ ಬರುತ್ತಿದೆ.

ಇನ್ನೊಂದೆಡೆ ನಟ ಪ್ರಭಾಸ್‌ ಕೂಡ ನಾಗ ಅಶ್ವಿನ್ ಆಕ್ಷನ್‌ ಕಟ್‌ ಹೇಳಿರುವ 'ಕಲ್ಕಿ 2898 ಎಡಿ' ಚಿತ್ರ ಇದೇ ವರ್ಷ ಬಿಡುಗಡೆಯಾಗಲಿರುವ ಕಾರಣ ರಿಲೀಸ್‌ಗಾಗಿ ಕಾಯುತ್ತಿದ್ದಾರೆ. ಸದ್ಯ ಈ ಸಿನಿಮಾದಲ್ಲಿ ನಟ ಪ್ರಭಾಸ್‌ ಸೂಪರ್ ಹೀರೊ ಲುಕ್‌ನಲ್ಲಿ ಕಾಣಿಸಿಕೊಂಡಿರುವುದರಿಂದ ಈ ಚಿತ್ರ ಕೂಡ ಬಾಕ್ಸಾಫೀಸ್‌ನಲ್ಲಿ ದೊಡ್ಡ ಮಟ್ಟಕ್ಕೆ ಸದ್ದು ಮಾಡಬಹುದು ಎಂದು ನಿರೀಕ್ಷೆ ಮಾಡಲಾಗಿದೆ.