ನವದೆಹಲಿ: ಬಾಲಿವುಡ್ ಸಿಂಗಿಂಗ್ ಸೂಪರ್ ಸ್ಟಾರ್ ಎಂದೇ ಖ್ಯಾತ ಸೋನಾ ಮಹಾಪಾತ್ರ ತಮ್ಮ ವಿಶಿಷ್ಟ ಧ್ವನಿಯ ಮೂಲಕ ತಮ್ಮ ಕೇಳುಗರನ್ನು ಮಂತ್ರಮುಗ್ಧಗೊಳಿಸುತ್ತಾರೆ. ತಮ್ಮ ಧ್ವನಿಗಾಗಿ ಖ್ಯಾತವಾಗಿರುವ ಸೋನಾ, ತಮ್ಮ ತೀಕ್ಷ ಸ್ವಭಾವದ ಮೂಲಕವೂ ಕೂಡ ಹೆಚ್ಚು ಸುದ್ದಿಯಲ್ಲಿರುತ್ತಾರೆ. #MeToo ಅಭಿಯಾನದ ವೇಳೆ ಭಾರಿ ಚರ್ಚೆ ಹುಟ್ಟುಹಾಕಿದ್ದ ಸೋನಾ ಮಹಾಪಾತ್ರ, ಇತ್ತೀಚೆಗಷ್ಟೇ ಬಾಲಿವುಡ್ 'ಭಾಯಿಜಾನ್' ಸಲ್ಮಾನ್ ಜೊತೆಗೂ ಕೂಡ ಪಂಗಾ ತೆಗೆದುಕೊಂಡಿದ್ದರು. ಆದರೆ, ಸದ್ಯ ಸೋನಾ ತಮ್ಮ ಬಿಕಿನಿ ಚಿತ್ರಗಳನ್ನು ಹರಿಬಿಡುವ ಮೂಲಕ ಸುದ್ದಿ ಮಾಡಿದ್ದಾರೆ.
ಸೋಮವಾರ ತಮ್ಮ ಬಿಕಿನಿ ಫೋಟೋ ಹರಿಬಿಟ್ಟ ಸೋನಾ
ಸೋನಾ ಸೋಮವಾರ ತಮ್ಮ ಫೇಸ್ ಬುಕ್ ಖಾತೆ ಮೂಲಕ ಎರಡು ಬಿಕಿನಿ ಫೋಟೋ ಗಳನ್ನು ಹರಿಬಿಟ್ಟಿದ್ದು, ಈ ಫೋಟೋಗಳು ಕ್ಷಣಾರ್ಧದಲ್ಲಿ ಸಾಮಾಜಿಕ ಮಾಧ್ಯಮಗಳ ಮೇಲೆ ವೈರಲ್ ಆಗಿವೆ.
ಅಭಿಮಾನಿಗಳಿಂದ ಟ್ರೊಲ್
ಸೋನಾ ಹರಿಬಿಟ್ಟಿರುವ ಫೋಟೋಗಳಿಗೆ ಪ್ರತಿಕ್ರಿಯೆ ನೀಡಿರುವ ನೆಟ್ಟಿಗರು ಇಂತಹ ಅಭದ್ರ ಉಡುಗೆ ತೊದುತ್ತಿರಿ ಮತ್ತು #MeToo ಕುರಿತು ಮಾತನಾಡುತ್ತಿರಿ ಎಂದು ಟ್ರೋಲ್ ಮಾಡಿದ್ದಾರೆ.
ಮಂಗಳವಾರವೂ ಕೂಡ ಬಿಕಿನಿ ಫೋಟೋ ಹರಿಬಿಟ್ಟ ಸೋನಾ
ನೆಟ್ಟಿಗರಿಗೆ ತೀಕ್ಷ ತಿರುಗೇಟು ನೀಡಿರುವ ಸೋನಾ ಮಂಗಳವಾರ ಮತ್ತೆ ತಮ್ಮ 7 ಬಿಕಿನಿ ತೊಟ್ಟ ಫೋಟೋಗಳನ್ನು ಹರಿಬಿಟ್ಟಿದ್ದಾರೆ.
ಟ್ರೋಲರ್ಸ್ ಗೆ ತೀಕ್ಷ ತಿರುಗೇಟು
ಮಂಗಳವಾರ ತನ್ನ 7 ಬಿಕಿನಿ ಛಾಯಾಚಿತ್ರಗಳನ್ನು ಶೇರ್ ಮಾಡಿರುವ ಸೋನಾ, ತನ್ನನ್ನು ಟ್ರೋಲ್ ಮಾಡಿರುವವರಿಗೆ ಧನ್ಯವಾದ ತಿಳಿಸಿದ್ದಾರೆ. ಈ ಕುರಿತು ಬರೆದುಕೊಂಡಿರುವ ಸೋನಾ "ನಾನು ನಿನ್ನೆ ನನ್ನ ಕೆಲ ಭಾವಚಿತ್ರಗಳನ್ನು ಶೇರ್ ಮಾಡಿದ್ದೆ, ಇವುಗಳಿಗೆ ಪ್ರತಿಕ್ರಿಯೆ ನೀಡಿರುವ ಕೆಲವರು ಮೊದಲು ಅಭದ್ರ ಉಡುಗೆ ತೊಟ್ಟು ನಂತರ ಮೀಟೂ ಎನ್ನುವಿರು ಎಂದಿದ್ದಾರೆ. ಮತ್ತೆ ಕೆಲವರು ನೀವು ವಿಶೇಷ ವ್ಯಕ್ತಿತ್ವದ ಗಾಯಕಿಯಾಗಿದ್ದೀರಿ ಅನಿಸುತ್ತಿತ್ತು, ನಿಮ್ಮಿಂದ ಈ ಅಪೇಕ್ಷೆ ಇರಲಿಲ್ಲ ಎಂದಿದ್ದಾರೆ. ಉಳಿದ ಕೆಲವರು ಫೈರ್ ಹಾಗೂ ಹಾರ್ಟ್ ಈಮೊಜಿ ನೀಡುವ ಮೂಲಕ ತಮ್ಮ ಪ್ರತಿಕ್ರಿಯೆ ನೀಡಿದ್ದಾರೆ. ಈ ಎಲ್ಲ ವರ್ಗದ ಅಭಿಮಾನಿಗಳಿಗೆ ನಾನು ಧನ್ಯವಾದ ಹೇಳುತ್ತೇನೆ " ಎಂದು ಸೋನಾ ಹೇಳಿದ್ದಾರೆ.
ಈ ಷೋನಿಂದ ಸಿಕ್ಕಿತ್ತು ಪ್ರಸಿದ್ಧಿ
ಭಾರತೀಯ ಗೀತರಚನೆಕಾರ್ತಿ, ಸಂಗೀತಗಾರ್ತಿ ಹಾಗೂ ಗಾಯಕಿ ಆಗಿರುವ ಸೋನಾ ಮಹಾಪಾತ್ರ, ಓಡಿಷಾದ ಕಟಕ್ ನಲ್ಲಿ ಜನಿಸಿದ್ದಾರೆ. ಇಂಜಿನಿಯರಿಂಗ್ ಪದವಿ ಪಡೆದಿರುವ ಸೋನಾ, ಬಳಿಕ ಗಾಯನ ಕ್ಷೇತ್ರವನ್ನು ತಮ್ಮ ಕಾರ್ಯಕ್ಷೇತ್ರವಾಗಿ ಆಯ್ದುಕೊಂಡಿದ್ದಾರೆ. ಆಮೀರ್ ಖಾನ್ ಅವರ ಷೋ 'ಸತ್ಯಮೇವ್ ಜಯತೆ' ಮೂಲಕ ಸೋನಾ ಬಾಲಿವುಡ್ ನಲ್ಲಿ ಖ್ಯಾತಿ ಪಡೆದಿದ್ದಾರೆ. ವಿಶ್ವಾದ್ಯಂತ ಅವರು ತಮ್ಮ ಸಂಗೀತ ಷೋಗಳನ್ನು ಅವರು ನಡೆಸಿಕೊಟ್ಟಿದ್ದಾರೆ. ಅಷ್ಟೇ ಅಲ್ಲ ಹಲವಾರು ಅಲ್ಬಮ್, ಸಿಂಗಲ್, ಸಂಗೀತ ಕಾರ್ಯಕ್ರಮ, ವೆಬ್ ಕಾಸ್ಟ್, ಸಂಗೀತ ವಿಡಿಯೋ, ಬಾಲಿವುಡ್ ಹಾಡು ಹಾಗೂ ಜಾಹೀರಾತುಗಳಿಗೆ ಸೋನಾ ಮಹಾಪಾತ್ರ ತಮ್ಮ ಧ್ವನಿ ನೀಡಿದ್ದಾರೆ. ಅವರ ಹಲವಾರು ಹಾಡುಗಳು ಹಿಟ್ ಕೂಡ ಆಗಿವೆ.(ಫೋಟೋ ಕೃಪೆ-ಈ ಎಲ್ಲ ಫೋಟೋಗಳನ್ನು ಸೋನಾ ಮಹಾಪಾತ್ರ ಅವರ ಅಧಿಕೃತ ಫೇಸ್ಬುಕ್ ಖಾತೆಯಿಂದ ಪಡೆಯಲಾಗಿದೆ)
