ಸ್ತನ ಕ್ಯಾನ್ಸರ್ ಮಹಿಳೆಯರಿಗೆ ಮಾತ್ರವಲ್ಲ.. ಗಂಡಸರಿಗೂ ಬರಬಹುದು..! ಇವೇ ಅದರ ಲಕ್ಷಣಗಳು

Male breast cancer : ಆಧುನಿಕ ಕಾಲದಲ್ಲಿ ಕ್ಯಾನ್ಸರ್ ಒಂದು ದೊಡ್ಡ ಸಮಸ್ಯೆಯಾಗಿ ಕಾಡುತ್ತಿದೆ.. ಈ ರೋಗವು ಚಿಕ್ಕವರಿಂದ ಹಿಡದು ಎಲ್ಲರನ್ನೂ ಬಾಧಿಸುತ್ತಿದೆ. ಇಲ್ಲಿಯವರೆಗೆ 200 ಕ್ಕೂ ಹೆಚ್ಚು ರೀತಿಯ ಕ್ಯಾನ್ಸರ್ ಅನ್ನು ಗುರುತಿಸಲಾಗಿದೆ. ಇವುಗಳಲ್ಲಿ ಪ್ರಮುಖವಾದದ್ದು ಸ್ತನ ಕ್ಯಾನ್ಸರ್. ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಸಾಮಾನ್ಯವಾಗಿದೆ. ಗಂಡಸರನ್ನೂ ಸಹ ಈ ಸಮಸ್ಯೆ ಕಾಡುತ್ತಿದೆ..

Male breast cancer symptoms : ಸ್ತನ ಕ್ಯಾನ್ಸರ್ ಪುರುಷರಲ್ಲೂ ಕಾಣಿಸಿಕೊಳ್ಳುತ್ತದೆ.. ಈ ವಿಚಾರ ಅನೇಕರಿಗೆ ತಿಳಿದಿಲ್ಲ. ಗಂಡಸರಲ್ಲಿ ಸ್ತನ ಕ್ಯಾನ್ಸರ್ ಕಾಣಿಸಿಕೊಳ್ಳುವುದು ಅಪರೂಪ. ಆದರೆ ಇದರ ರೋಗ ಲಕ್ಷಣಗಳನ್ನು ನಿರ್ಲಕ್ಷಿಸಿದರೆ.. ಮಹಿಳೆಯರಂತೆ ಪುರುಷರು ದೊಡ್ಡ ಅಪಾಯ ಎದುರಿಸಬೇಕಾಗುತ್ತದೆ.. 

ದೇಹದಲ್ಲಿ ಅಸಹಜ ಜೀವಕೋಶಗಳ ಬೆಳವಣಿಗೆಯಿಂದ ಕ್ಯಾನ್ಸರ್ ಉಂಟಾಗುತ್ತದೆ. ಸ್ತನದಲ್ಲಿ ಈ ಜೀವಕೋಶಗಳು ಬೆಳೆಯಲು ಪ್ರಾರಂಭಿಸಿದಾಗ ಅದನ್ನು ಸ್ತನ ಕ್ಯಾನ್ಸರ್ ಎಂದು ಕರೆಯಲಾಗುತ್ತದೆ. ಪುರುಷರು ಮಹಿಳೆಯರಿಗಿಂತ ಕಡಿಮೆ ಸ್ತನ ಅಂಗಾಂಶವನ್ನು ಹೊಂದಿರುತ್ತಾರೆ, ಆದ್ದರಿಂದ ಪುರುಷರಲ್ಲಿ, ಈ ಕ್ಯಾನ್ಸರ್ ಅಪಾಯ ಕಡಿಮೆ.. ಕೆಲವು ಸಂದರ್ಭಗಳಲ್ಲಿ ಈ ಜೀವಕೋಶಗಳು ಕೆಲವು ಪುರುಷರ ಸ್ತನಗಳ ಸುತ್ತಲೂ ರೂಪುಗೊಳ್ಳುತ್ತವೆ. ಈ ಕ್ಯಾನ್ಸರ್ ಪುರುಷರಲ್ಲಿ ಇಳಿ ವಯಸ್ಸಿನಲ್ಲಿ ಕಾಣಿಸಿಕೊಳ್ಳುತ್ತದೆ..

ಇದನ್ನೂ ಓದಿ:ಆಲೂಗಡ್ಡೆ ಜ್ಯೂಸ್ ಜೊತೆಗೆ ಈ ವಸ್ತುವನ್ನು ಬೆರೆಸಿ ಮುಖಕ್ಕೆ ಹಚ್ಚಿ, ಸುಕ್ಕಾಗಿರುವ ಮುಖ ಫಳಫಳ ಹೊಳೆಯುತ್ತದೆ..!

ಪುರುಷರಲ್ಲಿ ಸ್ತನ ಕ್ಯಾನ್ಸರ್ನ ಕಾರಣಗಳು:  ಆನುವಂಶಿಕ ಜೀನ್‌ಗಳಿಂದ ಸ್ತನ ಕ್ಯಾನ್ಸರ್ ಉಂಟಾಗುತ್ತದೆ. ಅಂದರೆ, ಜೆನೆಟಿಕ್ಸ್ ಪುರುಷರ ಸ್ತನ ಕ್ಯಾನ್ಸರ್ಗೆ ಕಾರಣವಾಗಬಹುದು. ನಿಮ್ಮ ಕುಟುಂಬದಲ್ಲಿ ಯಾರಿಗಾದರೂ ಕ್ಯಾನ್ಸರ್ ಇದ್ದರೆ, ನಿಮಗೆ ಈ ಕ್ಯಾನ್ಸರ್ ಬರುವ ಸಾಧ್ಯತೆ ಹೆಚ್ಚು. ಅಂತೆಯೇ, ಅತಿಯಾದ ಆಲ್ಕೊಹಾಲ್ ಸೇವನೆಯು ಪುರುಷರ ಸ್ತನ ಕ್ಯಾನ್ಸರ್ಗೆ ಕಾರಣವಾಗಬಹುದು.

ಸ್ತನ ಕ್ಯಾನ್ಸರ್ ಲಕ್ಷಣಗಳು: ಸ್ತನದ ಸುತ್ತಲೂ ನೋವುರಹಿತ ಗಡ್ಡೆ ಬೆಳೆಯುತ್ತದೆ. ಇದು ಸಾಮಾನ್ಯವಾಗಿ ಮೊಲೆತೊಟ್ಟುಗಳ ಸುತ್ತಲೂ ಇರುತ್ತದೆ. ಮೊಲೆತೊಟ್ಟುಗಳು ಕೆಂಪಾಗುತ್ತವೆ.. ಅವುಗಳಿಂದ ಸ್ವಲ್ಪ ದ್ರವ ಹೊರ ಬರುತ್ತದೆ.. ತೊಟ್ಟುಗಳ ಸುತ್ತ ಬಿರುಕುಗಳು ಅಥವಾ ಹುಣ್ಣುಗಳು ಉಂಟಾಗುತ್ತವೆ.. ನೀವು ಈ ರೀತಿಯ ಸಮಸ್ಯೆಗಳನ್ನು ಅನುಭವಿಸಿದರೆ, ತಕ್ಷಣ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.

ಇದನ್ನೂ ಓದಿ:ನಿಮಗೆ ಮೂಳೆ ಸಮಸ್ಯೆ ಇದ್ದಲ್ಲಿ ಚಿಂತಿಸಬೇಡಿ..! ಈ 3 ಪದಾರ್ಥಗಳನ್ನು ಸೇವಿಸಿ ಮೂಳೆಗಳು ಕಬ್ಬಿಣದಂತೆ ಗಟ್ಟಿಯಾಗುತ್ತವೆ..!

(ಸೂಚನೆ : ಈ ವಿವರಗಳನ್ನು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯ ಆಧಾರದ ಮೇಲೆ ನೀಡಲಾಗಿದೆ. ಈ ವಿಷಯಗಳು ಮಾಹಿತಿಗಾಗಿ ಮಾತ್ರ. ಇವುಗಳನ್ನು ಅಳವಡಿಸಿಕೊಳ್ಳುವ ಮೊದಲು ಸಂಬಂಧಿತ ತಜ್ಞರ ಸಲಹೆಯನ್ನು ತೆಗೆದುಕೊಳ್ಳಿ. ಯಾವುದೇ ಅಡ್ಡ ಪರಿಣಾಮಗಳಿಗೆ Zee Kannada News ಜವಾಬ್ದಾರನಾಗಿರುವುದಿಲ್ಲ.)