ನವದೆಹಲಿ: ಏಕದಿನ ಕ್ರಿಕೆಟ್ ನಲ್ಲಿ ಯಾರು ಶ್ರೇಷ್ಠ ಎನ್ನುವ ಚರ್ಚೆ ಮತ್ತೆ ಮುನ್ನಲೆಗೆ ಬಂದಿದೆ, ಈಗ ಈ ಚರ್ಚೆಯನ್ನು ಈಗ ಗೌತಮ್ ಗಂಭೀರ್ ಮುಂದುವರೆಸಿ ವಿರಾಟ್ ಗಿಂತಲೂ ಸಚಿನ್ ಶ್ರೇಷ್ಠ ಎಂದು ಹೇಳಿದ್ದಾರೆ.
ಸಚಿನ್ 2013 ರಲ್ಲಿ ಎಲ್ಲಾ ರೀತಿಯ ಕ್ರಿಕೆಟ್‌ನಿಂದ ನಿವೃತ್ತರಾದರು, ಅವರ ಹೆಸರಿನಲ್ಲಿ ಹಲವಾರು ದಾಖಲೆಗಳನ್ನು ದಾಖಲಿಸಲಾಗಿದೆ. 100 ಅಂತರರಾಷ್ಟ್ರೀಯ ಶತಕಗಳನ್ನು ದಾಖಲಿಸಿದ ಏಕೈಕ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಇತ್ತೀಚಿಗಿನ ದಶಕಗಳಲ್ಲಿ ಅತ್ಯುತ್ತಮ ಫಾರ್ಮ್ ನಲ್ಲಿರುವ ಕೊಹ್ಲಿ ಇಲ್ಲಿಯವರೆಗೆ 27 ಟೆಸ್ಟ್ ಶತಕ ಮತ್ತು 43 ಏಕದಿನ ಶತಕಗಳನ್ನು ದಾಖಲಿಸಿದ್ದಾರೆ. ಕೆಲವರು ಈಗಾಗಲೇ ಸಚಿನ್ ತೆಂಡೂಲ್ಕರ್ ಅವರ ಹಲವು ದಾಖಲೆಗಳನ್ನು ಮುರಿಯಬಹುದು ಎಂದು ಹೇಳುತ್ತಿದ್ದಾರೆ.
ವಿರಾಟ್ ಗಿಂತಲೂ ಸಚಿನ್ ಹೇಗೆ ಶ್ರೇಷ್ಠ ಎಂದು ಗಂಭೀರ್ ಹೇಳುತ್ತಾ ' ಏಕೆಂದರೆ ಬಹುಶಃ ಒಂದು ಬಿಳಿ ಚೆಂಡು ಮತ್ತು ನಾಲ್ಕು ಫೀಲ್ಡರ್‌ಗಳು ವೃತ್ತದೊಳಗೆ, ಹೊರಗೆ ಐದು ಫೀಲ್ಡರ್‌ಗಳಲ್ಲ, ಆದ್ದರಿಂದ ನನಗೆ ಸಚಿನ್ ತೆಂಡೂಲ್ಕರ್ ನನ್ನ ಆಯ್ಕೆ. ವಿರಾಟ್ ಕೊಹ್ಲಿ ಅದ್ಭುತ ಸಾಧನೆ ಮಾಡಿದ್ದಾರೆ ಆದರೆ ನಿಯಮಗಳು ಬದಲಾಗಿವೆ ಎಂದು ನಾನು ಭಾವಿಸುತ್ತೇನೆ, ಇದು ಬಹಳಷ್ಟು ಹೊಸ ಬ್ಯಾಟ್ಸಮನ್ ಗಳಿಗೆ ಸಹಾಯ ಮಾಡಿದೆ, ”ಎಂದು ಅವರು ವಿವರಿಸುತ್ತಾರೆ.
ಆಧುನಿಕ ಕ್ರಿಕೆಟ್ ಸಚಿನ್ ಯುಗಕ್ಕಿಂತಲೂ ಬ್ಯಾಟ್ಸ್‌ಮನ್‌ಗೆ ಸುಲಭವಾಗಿದೆ ಎಂದು ಗಂಭೀರ್ ಹೇಳಿದರು. "ಹೊಸ ತಲೆಮಾರಿನಲ್ಲಿ ಎರಡು ಹೊಸ ಚೆಂಡುಗಳು, ರಿವರ್ಸ್ ಸ್ವಿಂಗ್ ಇಲ್ಲ, ಫಿಂಗರ್ ಸ್ಪಿನ್‌ ಇಲ್ಲ, 50 ಓವರ್‌ಗಳಲ್ಲಿ ಐದು ಫೀಲ್ಡರ್‌ಗಳು, ಇದು ಬಹುಶಃ ಬ್ಯಾಟಿಂಗ್ ಹೆಚ್ಚು ಸುಲಭವಾಗುತ್ತದೆ.
ಸಚಿನ್ ತೆಂಡೂಲ್ಕರ್ ಹೇಗೆ ಆಡಿದ್ದಾರೆ ಎಂಬುದನ್ನು ನೋಡಿ, ವಿಭಿನ್ನ ನಿಯಮಗಳು, ಆ ಸಮಯದಲ್ಲಿ 230 ರಿಂದ 240 ರವರೆಗೆ ಗೆಲುವಿನ ಮೊತ್ತವಾಗಿದೆ. ಏಕದಿನ ಕ್ರಿಕೆಟ್ ಸ್ವರೂಪದ ದೀರ್ಘಾಯುಷ್ಯ ಮತ್ತು ಹರಿವನ್ನು ನಾವು ನೋಡಿದರೆ ಬಹುಶಃ ನಾನು ಸಚಿನ್ ತೆಂಡೂಲ್ಕರ್ ಅವರನ್ನು ಆಯ್ಕೆ ಮಾಡುತ್ತೇನೆ, ಎಂದು ಅವರು ಹೇಳಿದರು.
