ಟೆಕ್ಸಾಸ್:ಕೊರೊನಾ ವೈರಸ್ ಚಿಕಿತ್ಸೆಯೇ ಕುರಿತು ಮಹತ್ವದ ಸುದ್ದಿಯೊಂದು ಪ್ರಕಟಗೊಂಡಿದೆ. ಕರೋನಾ ವೈರಸ್‌ನಿಂದ ವಿಜ್ಞಾನಿಗಳು ಪ್ರಯೋಗಾಲಯದಲ್ಲಿ ವಿಶೇಷ ಪ್ರೋಟೀನ್ ವೊಂದನ್ನು ತಯಾರಿಸಿದ್ದಾರೆ, ಇದು ಮುಂಬರುವ ದಿನಗಳಲ್ಲಿ ಕೊವಿಡ್ ವ್ಯಾಕ್ಸಿನ್ ಅಭಿವೃದ್ಧಿಗೆ ತುಂಬಾ ಪರಿಣಾಮಕಾರಿ ಸಾಬೀತಾಗಲಿದೆ ಎನ್ನಲಾಗಿದೆ. ವಿಜ್ಞಾನಿಗಳು ಹೇಳುವ ಪ್ರಕಾರ, ಈ ಪ್ರೋಟೀನ್ ಲಸಿಕೆಯ ಕ್ಷಮತೆ ಹಾಗೂ ಉತ್ಪಾದನೆಯನ್ನು ಹೆಚ್ಚಿಸುವಲ್ಲಿ ಮಹತ್ವದ ಪಾತ್ರ ನಿರ್ವಹಿಸಲಿದೆ ಎಂದಿದ್ದಾರೆ. ಟೆಕ್ಸಾಸ್ ವಿಶ್ವವಿದ್ಯಾಲಯದ ವಿಜ್ಞಾನಿಗಳ ಪ್ರಕಾರ, ಬಹುತೇಕ COVID-19 ಲಸಿಕೆ ಉತ್ಪಾದಿಸುವ ಕಂಪನಿಗಳು ಕೊರೊನೊ ವೈರಸ್ SARS-CoV-2 ನ ಮೇಲ್ಮೈ ಮೇಲೆ ಕಂಡುಬರುವ ಪ್ರೋಟೀನ್ ಸೋಂಕುಗಳ ವಿರುದ್ಧ ಹೋರಾಡಲು ಸಹಕಾರಿಯಾಗಿದೆ ಎಂದಿವೆ.
ಮೊದಲಿಗಿಂತ 10 ಪಟ್ಟು ಹೆಚ್ಚು ಪರಿಣಾಮಕಾರಿಯಾಗಿದೆ
ಸೈನ್ಸ್ ಜರ್ನಲ್ ನಲ್ಲಿ ಪ್ರಕಟಗೊಂಡ ಇತ್ತೀಚಿನ ಒಂದು ಅಧ್ಯಯನದ ಪ್ರಕಾರ ವಿಜ್ಞಾನಿಗಳು ಈ ಪ್ರೋಟಿನ್ ನ ಒಂದು ನೂತನ ಸೋಂಕು ಪುನರ್ರಚಿಸಿದ್ದಾರೆ ಎನ್ನಲಾಗಿದೆ. ಈಗಾಗಲೇ ಸಿದ್ಧಪಡಿಸಲಾಗುತ್ತಿರುವ ಕೋವಿಡ್ 19 ಲಸಿಕೆಗಳಲ್ಲಿ ಸಿಂಥೆಟಿಕ್ ಎಸ್ ಪ್ರೋಟೀನ್ ಅನ್ನು ಬಳಸಲಾಗುತ್ತಿದೆ. ಹೊಸದಾಗಿ ವಿನ್ಯಾಸಗೊಳಿಸಲಾದ ಪ್ರೋಟೀನ್ ಅನ್ನು ಈ ಮೊದಲ ಪ್ರೋಟೀನ್‌ಗಿಂತ 10 ಪಟ್ಟು ಹೆಚ್ಚು ಜೀವಕೋಶಗಳಲ್ಲಿ ಉತ್ಪಾದಿಸಬಹುದು ಎನ್ನಲಾಗಿದೆ.
ವ್ಯಾಕ್ಸಿನ್ ಉತ್ಪಾದನೆ ಹೆಚ್ಚಾಗಲಿದೆ
ಪ್ರೋಟೀನ್‌ನ ಈ ಸುಧಾರಿತ ಆವೃತ್ತಿಯು ಪ್ರತಿ ಲಸಿಕೆಯ ಡೋಸ್ ಗಾತ್ರವನ್ನು ಕಡಿಮೆ ಮಾಡುತ್ತದೆ ಅಥವಾ ಲಸಿಕೆ ಉತ್ಪಾದನೆಯನ್ನು ವೇಗಗೊಳಿಸುತ್ತದೆ ಎಂದು ಟೆಕ್ಸಾಸ್ ವಿಶ್ವವಿದ್ಯಾಲಯದ ಹಿರಿಯ ಲೇಖಕ ಜೇಸನ್ ಮ್ಯಾಕ್ಲೆಲನ್ ಹೇಳುತ್ತಾರೆ. ಇದರರ್ಥ ಹೆಚ್ಚು ಹೆಚ್ಚು ರೋಗಿಗಳವರೆಗೆ ಈ ಲಸಿಕೆಯನ್ನು ತಲುಪಿಸಬಹುದಾಗಿದೆ. ನೂತನವಾಗಿ ವಿನ್ಯಾಸಗೊಳಿಸಲಾದ ಈ ಲಸಿಕೆ ಹಿಂದಿನ ಅಭಿವೃದ್ಧಿ ಹೊಂದಿದ ಪ್ರೋಟೀನ್‌ಗಳಿಗಿಂತ ಹೆಚ್ಚು ಸ್ಥಿರವಾಗಿರುತ್ತದೆ. ಅದನ್ನು ಸಂಗ್ರಹಿಸಲು ಅಥವಾ ಸಾಗಿಸಲು ಸಹ ತುಂಬಾ ಸುಲಭವಾಗಿದೆ ಎಂದಿದ್ದಾರೆ. ಹೊಸ ಎಸ್ ಪ್ರೋಟೀನ್ ಶಾಖದ ಒತ್ತಡದಲ್ಲಿದ್ದರೂ ಕೂಡ ರೂಮ್ ಟೆಂಪರೇಚರ್ ನಲ್ಲಿ ಶೇಖರಣೆಯ ಸಮಯದಲ್ಲಿ ಅದರ ಆಕಾರವನ್ನು ಕಾಯ್ದುಕೊಳ್ಳುತ್ತದೆ ಮತ್ತು ಇದು ಉತ್ತಮ ಲಸಿಕೆ ಅಭಿವೃದ್ಧಿಗೆ ಬೇಕಾಗುವ ಒಂದು ಒಳ್ಳೆಯ ಗುಣವಾಗಿದೆ ಎಂದು ಮೆಕ್ಲೆಲನ್ ಹೇಳಿದ್ದಾರೆ.
ಈ ನೂತನ ಪ್ರೋಟಿನ್ ಹೇಗೆ ಅಭಿವೃದ್ಧಿಗೊಳಿಸಲಾಗಿದೆ?
ಈ ಕುರಿತು ಸಂಶೋಧನೆ ಕೈಗೊಂಡ ಸಂಶೋಧಕರು ಎಸ್ ಪ್ರೋಟೀನ್‌ನ 100 ವಿಭಿನ್ನ ರೂಪಾಂತರಗಳನ್ನು ಗುರಿತಿಸಿದ್ದಾರೆ. ಇದು ಹೆಚ್ಚು ಸ್ಥಿರ ಮತ್ತು ಹೆಚ್ಚು ವ್ಯಕ್ತಪಡಿಸಲಾದ ಆವೃತ್ತಿಯೆಂದು ಅವರು ನಂಬಿದ್ದರು. ನಂತರ ಅವರು ಪ್ರತಿ ರೂಪಾಂತರದ ಆನುವಂಶಿಕ ನೀಲನಕ್ಷೆಯನ್ನು ಮಾನವ ಜೀವಕೋಶಗಳ ಪ್ರತ್ಯೇಕ ಸಂಸ್ಕೃತಿಗೆ ಸೇರಿಸುವ ಮೂಲಕ ಪ್ರೋಟೀನ್‌ನ 100 ವಿಭಿನ್ನ ಆವೃತ್ತಿಗಳನ್ನು ರಚಿಸಿದ್ದಾರೆ. ಈ 100 ಆವೃತ್ತಿಗಳಲ್ಲಿ, 26 ಹೆಚ್ಚು ಸ್ಥಿರವಾಗಿವೆ ಅಥವಾ ಜೀವಕೋಶಗಳಲ್ಲಿ ಹೆಚ್ಚಿನ ಉತ್ಪಾದನೆಯನ್ನು ಹೊಂದಿವೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಅದರಲ್ಲಿ ಅವರು ಬೆನಿಫಿಷಿಯಲ್ ರೂಪಾಂತರದಿಂದ 4 ಮತ್ತು ಅವರ ಒರಿಜಿನಲ್ ಸ್ಟೆಬಿಲೈಸ್ಡ್ ಎಸ್ ಪ್ರೋಟೀನ್‌ನಿಂದ 2 ತೆಗೆದುಕೊಂಡು ಅವುಗಳನ್ನು ಸಂಯೋಜಿಸಿ ಹೆಕ್ಸಾಪ್ರೊವನ್ನು ರಚಿಸಿದ್ದಾರೆ. ಎಸ್ ಪ್ರೋಟೀನ್‌ನ ಈ ರೂಪಾಂತರಕ್ಕೆ ಆನುವಂಶಿಕ ನೀಲನಕ್ಷೆಯನ್ನು ಮಾನವ ಜೀವಕೋಶದ ಸಂಸ್ಕೃತಿಗೆ ಸೇರಿಸಿದಾಗ, ಜೀವಕೋಶಗಳು ಅವುಗಳ ಮೂಲ ಪ್ರೋಟೀನ್‌ಗಿಂತ 10 ಪಟ್ಟು ಹೆಚ್ಚು ಪ್ರೋಟೀನ್‌ಗಳನ್ನು ಉತ್ಪಾದಿಸುತ್ತವೆ ಎಂದು ಬಳಿಕ ನಡೆದ ಅಧ್ಯಯನದಿಂದ ಕಂಡುಕೊಳ್ಳಲಾಗಿದೆ.
