ನವದೆಹಲಿ: ಕೊರೊನಾವೈರಸ್ ಸಾಂಕ್ರಾಮಿಕದ ಮಧ್ಯೆ ಕೋವಿಡ್ -19 ಲಸಿಕೆ ಬಗ್ಗೆ ಕೋಟ್ಯಂತರ ಭಾರತೀಯರಿಗೆ ಒಳ್ಳೆಯ ಸುದ್ದಿ ಇದೆ. ಭಾರತದಲ್ಲಿ ಕೋವಿಡ್ -19 ಗೆ ಲಸಿಕೆ (COVID-19 vaccine) 2021ರ ಆರಂಭದ ವೇಳೆಗೆ ಬರುವ ನಿರೀಕ್ಷೆಯಿದೆ ಎಂದು ಕೇಂದ್ರ ಆರೋಗ್ಯ ಸಚಿವ ಡಾ.ಹರ್ಷ್ ವರ್ಧನ್ (Dr Harsh Vardhan) ಮಂಗಳವಾರ ಹೇಳಿದ್ದಾರೆ. ಪ್ರಸ್ತುತ ದೇಶಾದ್ಯಂತ ಲಸಿಕೆ ವಿತರಿಸಲು ತಜ್ಞರು ಯೋಜಿಸುತ್ತಿದ್ದಾರೆ ಎಂದು ಕೇಂದ್ರ ಸಚಿವರು ಮಾಹಿತಿ ನೀಡಿದರು.
ಒಂದಕ್ಕಿಂತ ಹೆಚ್ಚು ಮೂಲಗಳಿಂದ ಲಸಿಕೆ ಪಡೆಯುವ ನಿರೀಕ್ಷೆಯಿದೆ!
ಸಚಿವರ ಸಭೆಯಲ್ಲಿ (Group of Ministers) ಡಾ.ಹರ್ಷ್ ವರ್ಧನ್ ಮುಂದಿನ ವರ್ಷದ ಆರಂಭದಲ್ಲಿ ದೇಶವು ಒಂದಕ್ಕಿಂತ ಹೆಚ್ಚು ಮೂಲಗಳಿಂದ ಲಸಿಕೆ ಪಡೆಯುತ್ತದೆ ಎಂದು ನಾವು ನಿರೀಕ್ಷಿಸುತ್ತಿದ್ದೇವೆ. ನಮ್ಮ ಪರಿಣಿತ ದೇಶದಲ್ಲಿ ಲಸಿಕೆ ವಿತರಣೆಯನ್ನು ಹೇಗೆ ಪ್ರಾರಂಭಿಸಬೇಕು ಎಂದು ಯೋಜಿಸಲು ತಂತ್ರವನ್ನು ಸಿದ್ಧಪಡಿಸುತ್ತಿದೆ ಎಂದವರು ತಿಳಿಸಿದರು.
ಜುಲೈ 2021ರವರೆಗೆ ಒಟ್ಟು 25 ಕೋಟಿ ಜನರಿಗೆ Corona Vaccine ನೀಡುವ ಯೋಜನೆ ಎಂದ ಡಾ. ಹರ್ಷವರ್ಧನ್
ಭಾರತದಲ್ಲಿ ಕರೋನಾ ರೋಗಿಗಳ ಸಂಖ್ಯೆ 71 ಲಕ್ಷ ದಾಟಿದೆ:-
ಭಾರತದಲ್ಲಿ ಒಟ್ಟು ಕೋವಿಡ್ -19 (COVID-19) ಪ್ರಕರಣಗಳ ಸಂಖ್ಯೆ 71 ಲಕ್ಷಗಳನ್ನು ಮೀರಿರುವ ಈ ಸಂದರ್ಭದಲ್ಲಿ ಡಾ. ಹರ್ಷ್ ವರ್ಧನ್ ಅವರ ಈ ಹೇಳಿಕೆಯು ಬಂದಿದ್ದು ಕರೋನಾ ಭೀತಿಯಲ್ಲಿರುವವರಿಗೆ ಇದೊಂದು ಸಂಜೀವಿನಿಯಂತೆ ಭಾಸವಾಗುತ್ತಿದೆ.
ಮಂಗಳವಾರ ಬಿಡುಗಡೆಯಾದ ಆರೋಗ್ಯ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ ಭಾರತದಲ್ಲಿ ಕರೋನಾವೈರಸ್ (Coronavirus) ಪ್ರಕರಣಗಳು 71 ಲಕ್ಷ 75 ಸಾವಿರ 881ಕ್ಕೆ ಏರಿಕೆಯಾಗಿದ್ದು, ಅದರಲ್ಲಿ 62 ಲಕ್ಷ 27 ಸಾವಿರ 296 ರೋಗಿಗಳು ಗುಣಮುಖರಾಗಿದ್ದಾರೆ ಮತ್ತು 8 ಲಕ್ಷ 38 ಸಾವಿರ 729 ಸಕ್ರಿಯ ಪ್ರಕರಣಗಳಿವೆ. 1 ಲಕ್ಷದ 9 ಸಾವಿರದ 856 ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಇದಲ್ಲದೆ ಕಳೆದ 24 ಗಂಟೆಗಳಲ್ಲಿ 55 ಸಾವಿರ ಹೊಸ ಪ್ರಕರಣಗಳು ಪತ್ತೆಯಾಗಿವೆ.
Coronavirus Vaccine Update: ಶೀಘ್ರದಲ್ಲೇ ಗುಡ್ ನ್ಯೂಸ್! ಕೇಂದ್ರ ಸರ್ಕಾರದಿಂದ ರಾಜ್ಯಗಳಿಗೆ ಪತ್ರ
ಆರೋಗ್ಯ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ ಮಂಗಳವಾರ (ಅಕ್ಟೋಬರ್ 13), ಸುಮಾರು 2 ತಿಂಗಳಲ್ಲಿ ಅತಿ ಕಡಿಮೆ ಪ್ರಕರಣಗಳು ವರದಿಯಾಗಿವೆ. ಕಳೆದ 24 ಗಂಟೆಗಳಲ್ಲಿ ಕೊರೊನಾವೈರಸ್ನ 55342 ಸಕಾರಾತ್ಮಕ ಪ್ರಕರಣಗಳು ದಾಖಲಾಗಿವೆ. ಈ ಮೊದಲು ಜುಲೈ 31 ರಂದು 55078, ಆಗಸ್ಟ್ 4 ರಂದು 52050 ಮತ್ತು ಆಗಸ್ಟ್ 18 ರಂದು 55079 ಪ್ರಕರಣಗಳು ದಾಖಲಾಗಿವೆ. ಕಳೆದ ಐದು ವಾರಗಳಲ್ಲಿ ಭಾರತದಲ್ಲಿ ಸರಾಸರಿ ದೈನಂದಿನ ಪ್ರಕರಣಗಳು ಸ್ಥಿರವಾಗಿ ಕುಸಿದಿವೆ ಮತ್ತು ಅಕ್ಟೋಬರ್ 9 ರಂದು ಸಕ್ರಿಯ ಪ್ರಕರಣಗಳು 9 ಲಕ್ಷಕ್ಕಿಂತ ಕಡಿಮೆಯಾಗಿದೆ ಎಂದು ತಿಳಿದುಬಂದಿದೆ.
