ಅಬ್ಬಾ ..! 99,999 ರೂಪಾಯಿಗೆ ಮಾರಾಟವಾಯಿತು ಒಂದು ಕಿಲೋ ಚಹಾ ಪುಡಿ..!

ಸಗಟು ವ್ಯಾಪಾರಿ ಸೌರಭ್ ಟೀ ಟ್ರೇಡರ್ಸ್ ಈ ಚಹಾವನ್ನು ಖರೀದಿಸಿದ್ದಾರೆ. ಅಸ್ಸಾಂನ ದಿಬ್ರುಗಢ್ ಜಿಲ್ಲೆಯಲ್ಲಿರುವ ಮನೋಹರಿ ಟೀ ಎಸ್ಟೇಟ್ ಈ ಚಹಾವನ್ನು ಉತ್ಪಾದಿಸುತ್ತದೆ. ಈ ಚಹಾವು ವಿಶ್ವಾದ್ಯಂತ 'ಮನೋಹರಿ ಗೋಲ್ಡ್' ಎಂದು ಪ್ರಸಿದ್ಧವಾಗಿದೆ.

ಈ ಚಹಾದ ಬೆಲೆ ಕೆಜಿಗೆ 99,999 ರೂ (file phpto)

ನವದೆಹಲಿ : Most Expensive Tea: ಅಸ್ಸಾಂನ ಗುವಾಹಟಿಯಲ್ಲಿ ಹರಾಜಾದ ಚಹಾ, ಪ್ರಪಂಚದಾದ್ಯಂತ ಚರ್ಚೆಗೆ ಗ್ರಾಸವಾಗಿದೆ. ಅಸ್ಸಾಂನ ತೋಟವೊಂದರ ಈ ಚಹಾ (Tea) ಕೆಜಿಗೆ 99,999 ರೂ.ಗೆ ಹರಾಜಾಗಿದೆ. 1 ಕೆಜಿಯ ಆರ್ಥೊಡಾಕ್ಸ್ ಗೋಲ್ಡನ್ ಟಿಪ್ ಟೀಯನ್ನು ಉತ್ಪಾದಿಸಿದ ಕಂಪನಿಯು 99,999 ರೂ.ಗೆ ಮಾರಾಟ ಮಾಡಿದೆ. ಈ ಚಹಾದ ಹರಾಜು ಗುವಾಹಟಿ ಟೀ ಹರಾಜು (Most Expensive Tea) ಕೇಂದ್ರದಲ್ಲಿ ನಡೆಯಿತು.

ಸಗಟು ವ್ಯಾಪಾರಿ ಸೌರಭ್ ಟೀ ಟ್ರೇಡರ್ಸ್ (Sourab tea traders) ಈ ಚಹಾವನ್ನು ಖರೀದಿಸಿದ್ದಾರೆ. ಅಸ್ಸಾಂನ ದಿಬ್ರುಗಢ್ ಜಿಲ್ಲೆಯಲ್ಲಿರುವ ಮನೋಹರಿ ಟೀ ಎಸ್ಟೇಟ್ ಈ ಚಹಾವನ್ನು ಉತ್ಪಾದಿಸುತ್ತದೆ. ಈ ಚಹಾವು ವಿಶ್ವಾದ್ಯಂತ 'ಮನೋಹರಿ ಗೋಲ್ಡ್' (Manohari gold) ಎಂದು ಪ್ರಸಿದ್ಧವಾಗಿದೆ. ಈ ಚಹಾಕ್ಕಾಗಿ ಪ್ರತಿ ವರ್ಷ ಬಿಡ್ಡಿಂಗ್ ಮಾಡಲಾಗುತ್ತದೆ. ಕಳೆದ ವರ್ಷ ಈ ಚಹಾ ಕೆಜಿಗೆ 75,000 ರೂ.ಗೆ ಮಾರಾಟವಾಗಿತ್ತು. ಅದೇ ವೇಳೆ ಅದಕ್ಕೂ ಒಂದು ವರ್ಷ ಮೊದಲು ಕೆ.ಜಿ.ಗೆ 50,000 ರೂ.ಗೆ ಚಹಾ ಮಾರಾಟವಾಗಿತ್ತು. 

ಇದನ್ನೂ ಓದಿ : Bank union strike : ಬ್ಯಾಂಕ್ ಗ್ರಾಹಕರೆ ಗಮನಿಸಿ : ಎರಡು ದಿನ ಬ್ಯಾಂಕ್‌ ಬಂದ್!

2018ರಲ್ಲಿ 39 ಸಾವಿರ ರೂ :
ಇದರಿಂದ ಪ್ರತಿ ವರ್ಷ ಚಹಾ (Tea) ಬೆಲೆ ಏರಿಕೆಯಾಗುತ್ತಿರುವುದು ಸ್ಪಷ್ಟವಾಗಿದೆ. ಈ ಚಹಾವು 2018 ರಲ್ಲಿ ಮೊದಲ ಬಾರಿಗೆ ಸುದ್ದಿ ಮಾಡಿತ್ತು.  ಅದು ಕೆಜಿಗೆ 39 ಸಾವಿರಕ್ಕೆ ಮಾರಾಟವಾಗುವ ಮೂಲಕ. ಇದರ ನಂತರ ಈ ಚಹಾ ಪ್ರಪಂಚದಾದ್ಯಂತ ಜನಪ್ರಿಯತೆಯನ್ನು ಗಳಿಸಿತು. ಸೌರಭ್ ಟೀ ಟ್ರೇಡರ್ಸ್ ನ ಸಿಇಒ ಎಂ.ಎಲ್.ಮಹೇಶ್ವರಿ ಮಾತನಾಡಿ, ಪ್ರಪಂಚದಾದ್ಯಂತ ಈ ಟೀಗೆ ಬೇಡಿಕೆ ಹೆಚ್ಚಿದೆ. ಹೆಚ್ಚಿನ ಬೇಡಿಕೆ ಮತ್ತು ಕಡಿಮೆ ಉತ್ಪಾದನೆಯಿಂದಾಗಿ ಅದರ ಬೆಲೆ ತುಂಬಾ ಹೆಚ್ಚಾಗಿದೆ ಎಂದು ಹೇಳಿದರು.

 ಈ ಚಹಾವನ್ನು ಖರೀದಿಸಲು ಬಹಳ ಸಮಯದಿಂದ ಪ್ರಯತ್ನಿಸುತ್ತಿದ್ದುದ್ದಾಗಿ ಸೌರಭ್ ಟೀ ಟ್ರೇಡರ್ಸ್ ಸಿಇಒ ತಿಳಿಸಿದ್ದಾರೆ.  ಇದಕ್ಕಾಗಿ ತೋಟದ ಮಾಲೀಕರನ್ನು ಸಂಪರ್ಕಿಸಿದಾಗ ಅವರು ಅದನ್ನು ಖಾಸಗಿಯಾಗಿ ಮಾರಾಟ ಮಾಡಲು ನಿರಾಕರಿಸಿದರು. ಈ ಚಹಾವನ್ನು ಹರಾಜಿನಲ್ಲಿಯೇ (Tea Auction) ಮಾರಾಟ ಮಾಡುವುದಾಗಿ ಚಹಾ ತೋಟದ ಮಾಲೀಕರು ಹೇಳಿದ್ದರು. ಇದಾದ ನಂತರ ನಾವು 99,999 ರೂ ಬಿಡ್‌ನಲ್ಲಿ ಚಹಾವನ್ನು ಖರೀದಿಸಿದ್ದೇವೆ. 2018ರಲ್ಲಿ ಕೆ.ಜಿ.ಗೆ ರೂ.39 ಸಾವಿರ ಹಾಗೂ 2019ರಲ್ಲಿ ರೂ.50 ಸಾವಿರಕ್ಕೆ ಬಿಡ್ ಮಾಡಿ ಈ ಚಹಾವನ್ನು ಖರೀದಿಸಿರುವುದಾಗಿಯೂ ತಿಳಿಸಿದ್ದಾರೆ. ಕಳೆದ ವರ್ಷ ಈ ಟೀಯನ್ನು ವಿಷ್ಣು ಟೀ ಕಂಪನಿ ಖರೀದಿಸಿತ್ತು. 

ಇದನ್ನೂ ಓದಿ : Varun Singh : ಹೆಲಿಕಾಪ್ಟರ್ ಅಪಘಾತದಲ್ಲಿ ಗಾಯಗೊಂಡಿದ್ದ ಗ್ರೂಪ್ ಕ್ಯಾಪ್ಟನ್ ವರುಣ್ ಸಿಂಗ್ ಇನ್ನಿಲ್ಲ

ವಿಶೇಷತೆ ಏನು ಗೊತ್ತಾ?
ಅಸ್ಸಾಂನ (Assam) ಈ ಚಹಾ ಪ್ರಪಂಚದಾದ್ಯಂತ ಪ್ರಸಿದ್ಧವಾಗಿದೆ. ಇದು ವಿಶೇಷ ರುಚಿಗೆ ಹೆಸರುವಾಸಿಯಾಗಿದೆ. ಇದರ ಸುವಾಸನೆ ಮತ್ತು ಬಣ್ಣವು ರುಚಿಯಂತೆ ಬಹಳ ಆಕರ್ಷಕವಾಗಿದೆ. ಇದನ್ನು ಮಾಡಲು ಗೋಲ್ಡನ್ ಟಿಪ್ (Golden tip) ಅನ್ನು ಚಹಾ ಎಲೆಗಳಲ್ಲಿ ಬಳಸಲಾಗುತ್ತದೆ.