EPFO Alert: ಹೊಸ ವರ್ಷಕ್ಕೆ ದಿನಗಣನೆ ಆರಂಭವಾಗಿದೆ. ಎಲ್ಲೆಡೆ ಹೊಸ ವರ್ಷವನ್ನು ಆಚರಿಸಲು ಸಿದ್ಧತೆಗಳು ಪ್ರಾರಂಭವಾಗಿವೆ. ಇಂತಹ ಪರಿಸ್ಥಿತಿಯಲ್ಲಿ ಉದ್ಯೋಗಿಗಳಿಗೊಂದು ಮಹತ್ವದ ಸುದ್ದಿಯಿದೆ. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ತನ್ನ ಚಂದಾದಾರರಿಗೆ ಡಿಸೆಂಬರ್ 31 ರ ಮೊದಲು ಇ-ನಾಮನಿರ್ದೇಶನ ಮಾಡಲು ಸಲಹೆ ನೀಡಿದೆ. ನೀವು ಇದನ್ನು ಮಾಡದಿದ್ದರೆ, ನಿಮಗೆ 7 ಲಕ್ಷ ರೂ.ಗಳ ನಷ್ಟವಾಗಬಹುದು. ಇಪಿಎಫ್ಒದ ಇ-ನಾಮನಿರ್ದೇಶನದ ಮೂಲಕ, ಖಾತೆದಾರರ ಕುಟುಂಬವು ಸಾಮಾಜಿಕ ಭದ್ರತೆಯನ್ನು ಪಡೆಯುತ್ತದೆ. EPF / EPS ಗಾಗಿ ಚಂದಾದಾರರು ಇ-ನಾಮನಿರ್ದೇಶನವನ್ನು (EPFO e nomination) ಹೇಗೆ ಸಲ್ಲಿಸಬಹುದು ಎಂಬುದನ್ನು ತಿಳಿಯಲು ಮುಂದೆ ಓದಿ.
ನಿಮ್ಮ ಹಣವು ಸಿಲುಕಿಕೊಳ್ಳಬಹುದು:
ಇಪಿಎಫ್ಒ (EPFO) ಪ್ರಕಾರ, ನೀವು ನಾಮಿನಿಯನ್ನು ಆಯ್ಕೆ ಮಾಡದಿದ್ದರೆ, ನಿಮ್ಮ ನಿಧಿಯು ಸಿಲುಕಿಕೊಳ್ಳಬಹುದು. EPFO ಕಳೆದ ವರ್ಷ ಈ ಸೇವೆಯನ್ನು ಪ್ರಾರಂಭಿಸಿದೆ. ಆದರೆ ಇನ್ನೂ ಕೂಡ ಹಲವು ಖಾತೆದಾರರು ನಾಮನಿರ್ದೇಶನ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿಲ್ಲ. ಆದರೆ, ಈಗ ಇಪಿಎಫ್ಒ ಇದರಲ್ಲಿ ಹೊಸ ಯೋಜನೆ ರೂಪಿಸುತ್ತಿದೆ. ಇದರ ಅಡಿಯಲ್ಲಿ, ಖಾತೆದಾರನು ತನ್ನ ಪಿಎಫ್ ಖಾತೆಗೆ ನಾಮಿನಿಯನ್ನು ಸೇರಿಸದಿದ್ದರೆ, ಅವರು ಪಿಎಫ್ ಮೊತ್ತವನ್ನು ಹಿಂಪಡೆಯಲು ಸಾಧ್ಯವಾಗುವುದಿಲ್ಲ. ಇದರೊಂದಿಗೆ, ಯಾವುದೇ ಕ್ಲೈಂ ಇತ್ಯರ್ಥವಾಗುವುದಿಲ್ಲ. ಹಾಗಾಗಿ ಕ್ಲೈಂ ಸಲ್ಲಿಸುವ ಮೊದಲು ಇ-ನಾಮನಿರ್ದೇಶನ ಕಡ್ಡಾಯವಾಗಿದೆ.
ಇದನ್ನೂ ಓದಿ- PM Kisan Update: ರೈತರಿಗೆ ಭರ್ಜರಿ ಸುದ್ದಿ! ಈ ದಿನ ಖಾತೆಗೆ ಬರಲಿದೆ ಪಿಎಂ ಕಿಸಾನ್‌ನ 10ನೇ ಕಂತಿನ ಹಣ
7 ಲಕ್ಷ ರೂ.ಗಳ ಸೌಲಭ್ಯ ಲಭ್ಯವಿದೆ:
EPFO ಸದಸ್ಯರು ಸಹ ಉದ್ಯೋಗಿ ಠೇವಣಿ ಲಿಂಕ್ಡ್ ಇನ್ಶುರೆನ್ಸ್ ಸ್ಕೀಮ್ (EDLI ಇನ್ಶುರೆನ್ಸ್ ಕವರ್) ಅಡಿಯಲ್ಲಿ ವಿಮಾ ರಕ್ಷಣೆಯ ಸೌಲಭ್ಯವನ್ನು ಪಡೆಯುತ್ತಾರೆ. ಈ ಯೋಜನೆಯಲ್ಲಿ, ನಾಮಿನಿಗೆ ಗರಿಷ್ಠ 7 ಲಕ್ಷ ರೂ. ವಿಮಾ ರಕ್ಷಣೆಯನ್ನು ಪಾವತಿಸಲಾಗುತ್ತದೆ. ಯಾವುದೇ ನಾಮನಿರ್ದೇಶನವಿಲ್ಲದೆ (EPFO e nomination) ಸದಸ್ಯರು ಮರಣಹೊಂದಿದರೆ, ನಂತರ ಹಕ್ಕು ಪ್ರಕ್ರಿಯೆಯಲ್ಲಿ ತೊಂದರೆಗಳು ಎದುರಾಗುತ್ತವೆ. ಹಾಗಾದರೆ ಆನ್‌ಲೈನ್‌ನಲ್ಲಿ ನಾಮಿನೇಷನ್ ಭರ್ತಿ ಮಾಡುವುದು ಹೇಗೆ ಎಂದು ತಿಳಿಯೋಣ.
ಇದನ್ನೂ ಓದಿ- EPF Account: ಎಚ್ಚರಿಕೆ! ಈ ತಪ್ಪುಗಳನ್ನು ಮಾಡಿದರೆ ನಿಮ್ಮ PF ಖಾತೆಯೂ ಬಂದ್ ಆಗಬಹುದು, EPFO ಪ್ರಮುಖ ನಿಯಮ ತಿಳಿಯಿರಿ
ಆನ್‌ಲೈನ್‌ನಲ್ಲಿ ಇ-ನಾಮನಿರ್ದೇಶನವನ್ನು ಹೀಗೆ ಪೂರ್ಣಗೊಳಿಸಬಹುದು :
1. ನೀವು ಮೊದಲು EPFO ನ ಅಧಿಕೃತ ವೆಬ್‌ಸೈಟ್ https://www.epfindia.gov.in/ ಗೆ ಹೋಗಬೇಕು.
2. ಇಲ್ಲಿ ನೀವು ಮೊದಲು 'ಸೇವೆಗಳು' ಆಯ್ಕೆಯನ್ನು ಕ್ಲಿಕ್ ಮಾಡಬೇಕು.
3. ಇದರ ನಂತರ ನೀವು ಇಲ್ಲಿ 'ಉದ್ಯೋಗಿಗಳಿಗಾಗಿ' (For Employees) ಆಯ್ಕೆಯನ್ನು ಕ್ಲಿಕ್ ಮಾಡಬೇಕು.
4. ಈಗ 'ಸದಸ್ಯ UAN/ಆನ್‌ಲೈನ್ ಸೇವೆ (OCS/OTCP)' ಮೇಲೆ ಕ್ಲಿಕ್ ಮಾಡಿ.
5. ಈಗ UAN ಮತ್ತು ಪಾಸ್‌ವರ್ಡ್ ನಮೂದಿಸುವ ಮೂಲಕ ಲಾಗ್ ಇನ್ ಮಾಡಿ.
6. ಇದರ ನಂತರ 'ಮ್ಯಾನೇಜ್' ಟ್ಯಾಬ್‌ನಲ್ಲಿ 'ಇ-ನಾಮನಿರ್ದೇಶನ' ಆಯ್ಕೆಮಾಡಿ.
7. ಇದರ ನಂತರ 'ವಿವರಗಳನ್ನು ಒದಗಿಸಿ' ಟ್ಯಾಬ್ ಪರದೆಯ ಮೇಲೆ ಕಾಣಿಸುತ್ತದೆ, 'ಉಳಿಸು' ಅಂದರೆ ಸೇವ್ ಆಯ್ಕೆಯನ್ನು ಕ್ಲಿಕ್ ಮಾಡಿ.
8. ಕುಟುಂಬದ ಘೋಷಣೆಯನ್ನು ನವೀಕರಿಸಲು 'ಹೌದು' ಎಂಬುದರ ಮೇಲೆ ಕ್ಲಿಕ್ ಮಾಡಿ.
9. ಈಗ 'ಕುಟುಂಬ ವಿವರಗಳನ್ನು ಸೇರಿಸಿ' ಕ್ಲಿಕ್ ಮಾಡಿ. ಒಂದಕ್ಕಿಂತ ಹೆಚ್ಚು ನಾಮಿನಿಗಳನ್ನು ಕೂಡ ಸೇರಿಸಬಹುದು.
10. ಯಾವ ನಾಮಿನಿಯ ಪಾಲು ಎಷ್ಟು ಮೊತ್ತ ಬರುತ್ತದೆ ಎಂಬುದನ್ನು ಪ್ರಕಟಿಸಲು 'ನಾಮನಿರ್ದೇಶನ ವಿವರಗಳು' ಕ್ಲಿಕ್ ಮಾಡಿ. ವಿವರಗಳನ್ನು ನಮೂದಿಸಿದ ನಂತರ 'ಸೇವ್' ಮಾಡಿ
11. ಇಪಿಎಫ್ ನಾಮನಿರ್ದೇಶನ' ಕ್ಲಿಕ್ ಮಾಡಿ .
13. OTP ರಚಿಸಲು 'e-Sign' ಮೇಲೆ ಕ್ಲಿಕ್ ಮಾಡಿ. ಆಧಾರ್‌ನೊಂದಿಗೆ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಗೆ OTP ಕಳುಹಿಸಲಾಗುತ್ತದೆ.
14. ನಿರ್ದಿಷ್ಟಪಡಿಸಿದ ಜಾಗದಲ್ಲಿ OTP ಅನ್ನು ನಮೂದಿಸಿ ಮತ್ತು ಸಲ್ಲಿಸು ಕ್ಲಿಕ್ ಮಾಡಿ.
ಈ ರೀತಿ ನೀವು ಕುಳಿತಲ್ಲಿಯೇ ಕೆಲವೇ ನಿಮಿಷಗಳಲ್ಲಿ ಆನ್‌ಲೈನ್‌ನಲ್ಲಿ ಇ-ನಾಮನಿರ್ದೇಶನವನ್ನು ಪೂರ್ಣಗೊಳಿಸಬಹುದು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
