ಫಿಫಾ ವಿಶ್ವಕಪ್ 2018: ಟಿವಿ ಆಂಕರ್ ಬಳಿ ಕ್ಷಮೆ ಕೋರಿದ ಫುಟ್ಬಾಲ್ ಅಭಿಮಾನಿ

FIFA ನೇರ ಪ್ರಸಾರದ ವರದಿ ಮಾಡುತ್ತಿದ್ದ ಪತ್ರಕರ್ತೆಯನ್ನು ಮುತ್ತಿಕ್ಕಿ, ಅಸಭ್ಯವಾಗಿ ವರ್ತಿಸಿದ್ದ ವ್ಯಕ್ತಿ ಕ್ಷಮೆ ಕೋರಿದ್ದಾನೆ.

FIFA ವಿಶ್ವಕಪ್ ಫುಟ್ಬಾಲ್ ಪಂದ್ಯಾವಳಿಯ ನೇರ ಪ್ರಸಾರದ ವರದಿ ಮಾಡುತ್ತಿದ್ದ ಪತ್ರಕರ್ತೆಯನ್ನು ಮುತ್ತಿಕ್ಕಿ, ಅಸಭ್ಯವಾಗಿ ವರ್ತಿಸಿದ್ದ ವ್ಯಕ್ತಿ ಕ್ಷಮೆ ಕೋರಿದ್ದಾನೆ. 

ಜರ್ಮನ್ ಚಾನೆಲ್ಗಾಗಿ ಕೆಲಸ ಮಾಡುತ್ತಿರುವ ಕೊಲಂಬಿಯಾದ ಪತ್ರಕರ್ತೆ ಜೂಲಿಯೆಟ್ ಗೊಂಜೆಲೆಜ್ ಥೆರಾನ್ ಈ ಘಟನೆಯ ವೀಡಿಯೊವನ್ನು ತನ್ನ ಸೋಶಿಯಲ್ ಮಿಡಿಯಾ ಅಕೌಂಟ್'ನಲ್ಲಿ ಶೇರ್ ಮಾಡಿದ್ದರು. ಈ ಘಟನೆ ವಿಶ್ವಾದ್ಯಂತ ತೀವ್ರ ಚರ್ಚೆಗೆ ಗ್ರಾಸವಾಗಿತ್ತು. ಈ ವೀಡಿಯೋದಲ್ಲಿ ರಷ್ಯಾದಲ್ಲಿ ನಡೆಯುತ್ತಾ ಫುಟ್ಬಾಲ್ ಪದ್ಯದ ನೇರಪ್ರಸಾರ ವರದಿ ಮಾಡುತ್ತಿದ್ದ ಪತ್ರಕರ್ತೆಗೆ ವ್ಯಕ್ತಿಯೋರ್ವ ಇದ್ದಕ್ಕಿದ್ದಂತೆ ಬಂದು ಮುತ್ತಿಕ್ಕಿ, ಅಸಭ್ಯವಾಗಿ ವರ್ತಿಸಿ ಮಾಯವಾಗಿದ್ದ. ಆದರೂ ವಿಚಲಿತಗೊಳ್ಳದ ಪತ್ರಕರ್ತೆ ವರದಿ ಮುಂದುವರೆಸಿ ಕರ್ತವ್ಯ ಪ್ರಜ್ಞೆ ಮೆರೆದಿದ್ದಳು. 

¡RESPETO! No merecemos este trato. Somos igualmente valiosas y profesionales. Comparto la alegría del fútbol, pero debemos identificar los límites del afecto y el acoso.

A post shared by Julieth Therán (@juliethgonzaleztheran) on Jun 15, 2018 at 8:20am PDT

ಆದರೆ, ಈ ಘಟನೆ ಬಗ್ಗೆ ಸ್ವತಃ ಆ ವ್ಯಕ್ತಿಯೇ ಬಹಿರಂಗವಾಗಿ ಕ್ಷಮೆ ಕೇಳಿ ವಿವರಣೆ ನೀಡಿದ್ದಾರೆ. ಫುಟ್ಬಾಲ್ ಅಭಿಮಾನಿಯಾಗಿರುವ ಆತ, ಟಿವಿ ಆಂಕರ್ ಕೆನ್ನೆಗೆ ಮುತ್ತಿಡುವುದಾಗಿ ತನ್ನ ಸ್ನೇಹಿತನೊಂದಿಗೆ ಬೆಟ್ ಕಟ್ಟಿದ್ದಾಗಿಯೂ, ಆ ಸಂದರ್ಭದಲ್ಲಿ ಆಕೆಯ ಭುಜ ಎಂದು ತಿಳಿದು ಎದೆ ಭಾಗವನ್ನು ಕೈತಪ್ಪಿ ಮುಟ್ಟಿದಾಗಿಯೂ ವಿವರಿಸಿದ್ದಾನೆ.