ಆಕ್ಷನ್ ಪ್ಯಾಕ್ಡ್ GodFather Teaser.. ಚಿರಂಜೀವಿ, ಸಲ್ಲು ಭಾಯ್‌ ಮೋಡಿಗೆ ಫ್ಯಾನ್ಸ್‌ ಫಿದಾ

GodFather Teaser: ಚಿರಂಜೀವಿ ಅಭಿನಯದ ಬಹು ನಿರೀಕ್ಷಿತ ಚಿತ್ರ ಗಾಡ್‌ಫಾದರ್‌ನ ಟೀಸರ್ ಇಂದು ರಿಲೀಸ್‌ ಆಗಿದೆ. ಆಕ್ಷನ್ ಪ್ಯಾಕ್ಡ್ ಫಸ್ಟ್ ಲುಕ್‌ನಲ್ಲಿ ಸಲ್ಮಾನ್ ಖಾನ್ ಮತ್ತು ಚಿರಂಜೀವಿ ಅವರ ಮೋಡಿಗೆ ಫ್ಯಾನ್ಸ್‌ ಫಿದಾ ಆಗಿದ್ದಾರೆ.

ಗಾಡ್‌ಫಾದರ್‌

GodFather Teaser: ಸಿನಿಪ್ರಿಯರಲ್ಲಿ ಸಾಕಷ್ಟು ನಿರೀಕ್ಷೆ ಮೂಡಿಸಿದ್ದ ಗಾಡ್‌ಫಾದರ್‌ ಸಿನಿಮಾದ ಟೀಸರ್‌ ಚಿರಂಜೀವಿ ಅವರ ಹುಟ್ಟುಹಬ್ಬದ ಪ್ರಯುಕ್ತ ಇಂದು ಬಿಡುಗಡೆಯಾಗಿದೆ. ಮೆಗಾಸ್ಟಾರ್‌ ಚಿರಂಜೀವಿ ಮತ್ತು ಸಲ್ಮಾನ್‌ ಖಾನ್‌ ಅಭಿನಯದ ಆಕ್ಷನ್ ಪ್ಯಾಕ್ಡ್ ಟೀಸರ್ ಅನ್ನು ರಿಲೀಸ್‌ ಮಾಡಲಾಗಿದೆ. ತೆಲುಗು ಮತ್ತು ಹಿಂದಿ ಭಾಷೆಯಲ್ಲಿ ಚಿತ್ರದ ಟೀಸರ್ ಬಿಡುಗಡೆಯಾಗಿದೆ. ಟೀಸರ್‌ನಲ್ಲಿ ಮೆಗಾಸ್ಟಾರ್ ಚಿರಂಜೀವಿ ಅವರ ಪಾತ್ರ ಮತ್ತು ಸಲ್ಮಾನ್ ಖಾನ್, ನಯನತಾರಾ, ಸತ್ಯ ದೇವ್ ಸೇರಿದಂತೆ ಇತರ ಪ್ರಮುಖ ಪಾತ್ರಗಳನ್ನು ಪರಿಚಯಿಸಲಾಗಿದೆ. ಮೆಗಾಸ್ಟಾರ್ ಅಲ್ಪಾವಧಿಯಲ್ಲಿ ಜನಸಾಮಾನ್ಯರ ಮನಗೆದ್ದವರು. ಒಂದು ನಿಮಿಷದ ಮೂವತ್ಮೂರು ಸೆಕೆಂಡುಗಳ ಈ ಟೀಸರ್ ನಲ್ಲಿ ಸಾಕಷ್ಟು ಅಂಶಗಳಿವೆ. ಸಿನಿಮಾದಲ್ಲಿ ಬರುವ ಪಾತ್ರಗಳ ಬಗ್ಗೆ ಒಂದು ಹೈಲೈಟ್‌ ಈ ಟೀಸರ್‌ನಲ್ಲಿ ಸಿಗುತ್ತದೆ.

ಇದನ್ನೂ ಓದಿ: ಆಗಸ್ಟ್‌ 26ಕ್ಕೆ ರಾಷ್ಟ್ರ ಪ್ರಶಸ್ತಿ ವಿಜೇತ ಡೊಳ್ಳು ಸಿನಿಮಾ ಬಿಡುಗಡೆ

ನಟ ಚಿರಂಜೀವಿ ಅವರ ಬಹು ನಿರೀಕ್ಷಿತ ಪ್ರಾಜೆಕ್ಟ್ ಗಾಡ್‌ಫಾದರ್‌ನ ತಯಾರಕರು ಮೆಗಾಸ್ಟಾರ್ 67 ನೇ ಹುಟ್ಟುಹಬ್ಬಕ್ಕೆ ಚಿತ್ರದ ಟೀಸರ್ ಅನ್ನು ಬಿಡುಗಡೆ ಮಾಡಿದ್ದಾರೆ. ಎಲ್ಲಾ ಚಿರಂಜೀವಿ ಅಭಿಮಾನಿಗಳಿಗೆ ಇದು ಪರಿಪೂರ್ಣ ಹುಟ್ಟುಹಬ್ಬದ ಟ್ರೀಟ್ ಆಗಿದೆ. ಚಿರಂಜೀವಿ ಜೊತೆಗೆ ನಾಕ್ಷತ್ರಿಕ ಪಾತ್ರವನ್ನು ಪರಿಚಯಿಸುತ್ತದೆ. ಸಲ್ಮಾನ್ ಖಾನ್, ನಯನತಾರಾ ಮತ್ತು ಸತ್ಯ ದೇವ್ ಸೇರಿದಂತೆ ರಾಜಕೀಯ ಥ್ರಿಲ್ಲರ್‌ನಲ್ಲಿ ಸಿನಿಮಾ ಇದಾಗಿದೆ. ಮಲಯಾಳಂ ಬ್ಲಾಕ್‌ಬಸ್ಟರ್ ಲೂಸಿಫರ್‌ನ ಅಧಿಕೃತ ರಿಮೇಕ್ ಆಗಿರುವ ಈ ಚಿತ್ರವು ಚಿರಂಜೀವಿಯನ್ನು “ದಿ ಬಾಸ್ ಆಫ್ ದಿ ಬಾಸ್” ಎಂದು ಪರಿಚಯಿಸುತ್ತದೆ. ಇಬ್ಬರು ಎದುರಾಳಿಗಳನ್ನು ಏಕಕಾಲದಲ್ಲಿ ಹೊಡೆದುರುಳಿಸುವುದು ಮತ್ತು ಅವರಲ್ಲಿ ಒಬ್ಬರನ್ನು ತಾತ್ಕಾಲಿಕ ಕುರ್ಚಿಯಾಗಿ ಬಳಸುವುದು ಕೂಡ 1 ನಿಮಿಷದ 34 ಸೆಕೆಂಡುಗಳ ಟೀಸರ್‌ನಲ್ಲಿದೆ.

ಬಾಲಿವುಡ್ ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್ ಸಹ ಸಖತ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಟೀಸರ್‌ನಲ್ಲಿನ ಪ್ರತಿಯೊಂದು ಅನುಕ್ರಮವು ಆಕ್ಷನ್‌ ಭರಿತವಾಗಿದೆ. ಪ್ರಮುಖ ಹೈಲೈಟ್ ಎಂದರೆ ಅದು ಚಿರಂಜೀವಿ ಮತ್ತು ಸಲ್ಮಾನ್ ಖಾನ್ ಜೀಪ್‌ನಲ್ಲಿ ಒಟ್ಟಿಗೆ ಬರುವ ಕೊನೆಯ ಭಾಗವಾಗಿದೆ. ಸಲ್ಮಾನ್ ಖಾನ್ ಅವರ ಉಪಸ್ಥಿತಿಯು ದೊಡ್ಡ ಪ್ರೇಕ್ಷಕರನ್ನು ಸೆಳೆಯುವ ಅಂಶಗಳಲ್ಲಿ ಒಂದಾಗಿದೆ. ನೀರವ್ ಷಾ ಅವರ ಕ್ಯಾಮೆರಾ ವರ್ಕ್‌ ಮತ್ತು ಎಸ್ ಥಮನ್ ಅವರ ಅದ್ಭುತ ಬಿಜಿಎಂ ಸಿನಿಮಾವನ್ನು ಶ್ರೀಮಂತಗೊಳಿಸಿವೆ. ನಿರ್ದೇಶಕ ಮೋಹನ್ ರಾಜಾ ನಿರ್ದೇಶನದ ಈ ಸಿನಿಮಾದ ಟೀಸರ್‌ ಚಿತ್ರದ ಮೇಲಿನ ಎಲ್ಲಾ ನಿರೀಕ್ಷೆಗಳನ್ನು ಹೆಚ್ಚಿಸಿದೆ. ಗಾಡ್‌ಫಾದರ್ ಸಿನಿಮಾ 2022 ರ ದಸರಾ ಸಮಯದಲ್ಲಿ ಅದ್ಧೂರಿ ಬಿಡುಗಡೆಗೆ ಸಜ್ಜಾಗುತ್ತಿದೆ.