ಕರೋನಾ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಲು ಭಾರತ ತನ್ನ ವ್ಯಾಕ್ಸಿನೇಷನ್ ಅಭಿಯಾನವನ್ನು ತೀವ್ರಗೊಳಿಸಲು ನಿರಂತರವಾಗಿ ಪ್ರಯತ್ನಿಸುತ್ತಿದೆ. ಇದಕ್ಕಾಗಿ ವಿದೇಶಗಳಿಂದಲೂ ಲಸಿಕೆಗಳನ್ನು ತರಿಸಿಕೊಳ್ಳಲಾಗುತ್ತಿದೆ.
ನವದೆಹಲಿ : ಇಲ್ಲಿಯವರೆಗೆ, ತಮ್ಮ ಎರಡು ಸ್ವದೇಶಿ ಲಸಿಕೆಗಳೊಂದಿಗೆ ಕೊರೊನಾವೈರಸ್ ವಿರುದ್ಧ ಸೆಣೆಸಾಟ ನಡೆಸಲಾಗುತ್ತಿತ್ತು. ಇದೀಗ ರಷ್ಯಾದ ಲಸಿಕೆ ಸ್ಪುಟ್ನಿಕ್-ವಿ ಕೂಡಾ ಭಾರತದಲ್ಲಿ ಲಭ್ಯವಿದೆ. ರಷ್ಯಾದೊಂದಿಗಿನ ಒಪ್ಪಂದದ ನಂತರ, ಈ ಲಸಿಕೆಯನ್ನು ಭಾರತಕ್ಕೆ ತರಿಸಲಾಗಿದೆ. ಈ ಲಸಿಕೆಯನ್ನು ಈಗ ಅನೇಕ ಖಾಸಗಿ ಆಸ್ಪತ್ರೆಗಳಲ್ಲಿ ನೀಡಲಾಗುತ್ತಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
ರಷ್ಯಾದಲ್ಲಿ ಅಭಿವೃದ್ಧಿಪಡಿಸಿದ ಸ್ಪುಟ್ನಿಕ್-ವಿ ಲಸಿಕೆ ಕರೋನಾ ವೈರಸ್ ವಿರುದ್ಧ ಶೇಕಡಾ 91 ರಷ್ಟು ಪರಿಣಾಮಕಾರಿ ಎನ್ನುವುದು ಸಾಬೀತಾಗಿದೆ. ಈ ಲಸಿಕೆ ಈಗ ಭಾರತದಲ್ಲಿಯೂ ಲಭ್ಯವಿದೆ. ಈ ಲಸಿಕೆ ಯಾವ ಆಸ್ಪತ್ರೆಗಳಲ್ಲಿ ಹಾಕಿಸಲಾಗುತ್ತಿದೆ ಎಂಬ ಮಾಹಿತಿ ಕೋವಿನ್ ಪೋರ್ಟಲ್‌ನಲ್ಲಿ ಸಿಗಲಿದೆ.
ರಷ್ಯಾದ ಸ್ಪುಟ್ನಿಕ್-ವಿ ಲಸಿಕೆಯನ್ನು ಭಾರತದಲ್ಲಿ ಡಾ. ರೆಡ್ಡಿ ಲ್ಯಾಬ್ಸ್ ಮೂಲಕ ನೀಡಲಾಗುತ್ತಿದೆ. ಒಪ್ಪಂದದ ಪ್ರಕಾರ, ರಷ್ಯಾದಲ್ಲಿ ತಯಾರಿಸಿದ ಈ ಲಸಿಕೆಯನ್ನು ಪ್ರಸ್ತುತ ಭಾರತಕ್ಕೆ ಆಮದು ಮಾಡಿಕೊಳ್ಳಲಾಗುತ್ತಿದೆ. ಇದರ ನಂತರ ಈ ಲಸಿಕೆಗಳನ್ನು ಡಾ. ರೆಡ್ಡಿ ಲ್ಯಾಬ್ಸ್‌ನಲ್ಲಿ ಉತ್ಪಾದಿಸಲಾಗುತ್ತದೆ. ಈ ಲಸಿಕೆಯ ಒಂದು ಡೋಸ್‌ 995 ರೂಗಳಿಗೆ ಖಾಸಗಿ ಆಸ್ಪತ್ರೆಗಳಲ್ಲಿ ಲಭ್ಯವಿರಲಿದೆ.
ಕರೋನಾ ವಿರುದ್ಧ ವಿಶ್ವದ ಅತ್ಯಂತ ಪರಿಣಾಮಕಾರಿ ಎಂದು ಹೇಳಲಾದ ಸ್ಪುಟ್ನಿಕ್-ವಿ ಯ ಮೊದಲ ಬ್ಯಾಚ್ ಮೇ 1 ರಂದು ಭಾರತ ತಲುಪಿತ್ತು. ಇದರ ನಂತರ, ಈ ಲಸಿಕೆಯ ಎರಡನೇ ಬ್ಯಾಚ್ ಮೇ14 ರಂದು ಭಾರತ ತಲುಪಿದೆ. ಈಗ ಈ ವಾರದಿಂದ ಈ ಲಸಿಕೆಯ ಬಳಕೆ ದೇಶದ ಅನೇಕ ಖಾಸಗಿ ಆಸ್ಪತ್ರೆಗಳಲ್ಲಿ ಪ್ರಾರಂಭವಾಗಿದೆ.
ನೀವು ಸಹ ಸ್ಪುಟ್ನಿಕ್-ವಿ ಲಸಿಕೆ ಪಡೆಯಲು ಬಯಸುವುದಾದರೆ, ನಿಮ್ಮ ಆಧಾರ್ ಸಂಖ್ಯೆಯನ್ನು ಕೋವಿನ್ ಪೋರ್ಟಲ್‌ನಲ್ಲಿ ನೋಂದಾಯಿಸಿಕೊಳ್ಳಬೇಕು. ಇದರ ನಂತರ, ಕೋವಿಶೀಲ್ಡ್ ಮತ್ತು ಕೊವಾಕ್ಸಿನ್ ಜೊತೆಗೆ ಸ್ಪುಟ್ನಿಕ್-ವಿ ಆಯ್ಕೆಯನ್ನು ಕೂಡಾ ನಿಮಗೆ ಕಾಣಲಿದೆ. ಇಲ್ಲಿ ಸ್ಪುಟ್ನಿಕ್-ವಿ ಕ್ಲಿಕ್ ಮಾಡಿದರೆ, ಪಿನ್‌ಕೋಡ್‌ನ ಆಯ್ಕೆ ಬರುತ್ತದೆ. ನಿಮ್ಮ ಪ್ರದೇಶದ ಪಿನ್ ಕೋಡ್ ಎಂಟರ್ ಮಾಡಿ. ಈಗ, ನಿಮ್ಮ ಸಮೀಪದ ಯಾವ ಆಸ್ಪತ್ರೆಗಳಲ್ಲಿ ಈ ಲಸಿಕೆ ಹಾಕಿಸುತ್ತಾರೆ ಎಂಬ ಮಾಹಿತಿ ಪಡೆಯಬಹುದು.
