Valentine 2023: ಪ್ರೀತಿಯು ಸಿಹಿಯಾಗಿದ್ದು ಅದು ಜೀವನದಲ್ಲಿ ಸಂತೋಷವನ್ನು ತುಂಬುತ್ತದೆ ಎಂದು ಹೇಳಲಾಗುತ್ತದೆ, ಆದರೆ ಕೆಲವು ಬಾಲಿವುಡ್ ಸೆಲೆಬ್ರಿಟಿಗಳ ಜೀವನದಲ್ಲಿ, ಪ್ರೀತಿಯು ಸಿಹಿಯಾಗಿರಲಿಲ್ಲ. ಬದಲಾಗಿ ಕಹಿಯ ಮಳೆಗರೆದಿತ್ತು. ಇಂದು ಒಬ್ಬರನ್ನ ಪ್ರೀತಿಸಿ ಮತ್ತೊಬ್ಬರನ್ನು ಮದುವೆಯಾದ ಬಾಲಿವುಡ್ ನ ಸ್ಟಾರ್ ನಟಿಯರಿವರ ಬಗ್ಗೆ ಮಾಹಿತಿ ನೀಡಲಿದ್ದೇವೆ.
ಸಲ್ಮಾನ್ ಖಾನ್-ಐಶ್ವರ್ಯಾ ರೈ: ಪ್ರತಿ ಸಂಬಂಧದಂತೆ, ಸಲ್ಮಾನ್-ಐಶ್ವರ್ಯಾ ಅವರ ಪ್ರೀತಿಯು ಸುಂದರವಾದ ಆರಂಭವನ್ನು ಹೊಂದಿತ್ತು. ಆದರೆ ಅಂತ್ಯವು ನೋವು ಮತ್ತು ಕುಟುಕಿನಿಂದ ತುಂಬಿತ್ತು. ಸಲ್ಮಾನ್ ಖಾನ್ ಐಶ್ವರ್ಯಾ ರೈ ಅವರನ್ನು ತುಂಬಾ ಪ್ರೀತಿಸುತ್ತಿದ್ದರು., ಕಾಲಾನಂತರದಲ್ಲಿ ಸಲ್ಮಾನ ಪ್ರೀತಿಯು ಐಶ್ವರ್ಯ ಕಣ್ಣಲ್ಲಿ ನೀರು ತರಿಸಿದ್ದಲ್ಲದೆ, ಮಾನಸಿಕವಾಗಿ ಕುಗ್ಗುವಂತೆ ಮಾಡಿತು. ಆ ಬಳಿಕ ಅಭಿಷೇಕ್ ಬಚ್ಚನ್ ರನ್ನು ಮದುವೆಯಾದರು.
ಅಕ್ಷಯ್ ಕುಮಾರ್-ಶಿಲ್ಪಾ ಶೆಟ್ಟಿ: ಅಕ್ಷಯ್ ಕುಮಾರ್ ಮತ್ತು ಶಿಲ್ಪಾ ಶೆಟ್ಟಿ ನಡುವಿನ ಸಂಬಂಧ ಪ್ರತಿಯೊಬ್ಬರಿಗೂ ತಿಳಿದಿತ್ತು. ಆದರೆ ಶಿಲ್ಪಾಗೆ ತಿಳಿಯದಂತೆ ಅಕ್ಷಯ್ ತನ್ನ ಸ್ನೇಹಿತೆ ಟ್ವಿಂಕಲ್ ಖನ್ನಾ ಜೊತೆ ಆತ್ಮೀಯತೆ ಬೆಳೆಸಿಕೊಂಡಿದ್ದರು ಎನ್ನಲಾಗಿದೆ. ಆ ಬಳಿಕ ಮದುವೆಯೂ ಆಗಿದ್ದು ಶಿಲ್ಪಾಗೆ ಮಾಡಿದ ಮಹಾ ಮೋಸ ಎನ್ನಲಾಗಿತ್ತು.
ದೀಪಿಕಾ ಪಡುಕೋಣೆ-ರಣಬೀರ್ ಕಪೂರ್: ದೀಪಿಕಾ ಪಡುಕೋಣೆ ಮತ್ತು ರಣಬೀರ್ ಕಪೂರ್ ತಮ್ಮ ವೃತ್ತಿಜೀವನದ ಆರಂಭಿಕ ಹಂತದಲ್ಲಿ ಒಟ್ಟಿಗೆ ಅನೇಕ ಚಲನಚಿತ್ರಗಳನ್ನು ಮಾಡಿದವರು. ಈ ಸಮಯದಲ್ಲಿ ಅವರ ಪ್ರೀತಿಯು ಪ್ರವರ್ಧಮಾನಕ್ಕೆ ಬಂದಿತು. ಆದರೆ ಅದೆಲ್ಲವೂ ಅರ್ಧಕ್ಕೆ ಕೊನೆಗೊಂಡಿತು. ಇದೀಗ ದೀಪಿಕಾ ರಣವೀರ್ ಜೊತೆ ಸುಖೀ ಸಂಸಾರ ನಡೆಸುತ್ತಿದ್ದಾರೆ.
ರಣಬೀರ್ ಕಪೂರ್-ಕತ್ರೀನಾ ಕೈಫ್: ರಣಬೀರ್ ಪ್ರೀತಿಯಲ್ಲಿ ದೀಪಿಕಾ ಮೋಸ ಹೋದ ನೋವನ್ನು ಕತ್ರಿನಾ ಕೈಫ್ ಕೂಡ ಅನುಭವಿಸಿದ್ದಾರೆ. ಅದೂ ಇಬ್ಬರ ಮದುವೆಯ ಸುದ್ದಿ ಬರುತ್ತಿರುವಾಗಲೇ ಈ ಸಂಬಂಧ ಮುರಿದುಬಿದ್ದಿತ್ತು. ಇದೀಗ ಕತ್ರಿನಾ ವಿಕ್ಕಿ ಕೌಶಲ್ ಅವರನ್ನು ವಿವಾಹವಾಗಿದ್ದಾರೆ.
ಹೃತಿಕ್ ರೋಷನ್-ಸುಝೇನ್ ಖಾನ್: ಇಬ್ಬರ ಪ್ರೇಮಕಥೆಯು ಚಲನಚಿತ್ರ ಕಥೆಗಿಂತ ಕಡಿಮೆಯಿಲ್ಲ. ಇವರಿಬ್ಬರು ಭೇಟಿಯಾದರು, ಪ್ರೀತಿಸಿದರು ಮತ್ತು ಮದುವೆಯಾದರು. ಆದರೆ ಇಬ್ಬರೂ 14 ವರ್ಷಗಳ ಬಳಿಕ ವಿಚ್ಛೇದನವನ್ನೂ ಸಹ ಪಡೆದರು. ಹೃತಿಕ್ ಮತ್ತೊಬ್ಬ ನಟಿ ಜೊತೆಗಿನ ಒಡನಾಟ ಹಾಗೂ ಆತನ ದಾಂಪತ್ಯ ದ್ರೋಹವನ್ನು ಸಹಿಸದ ಸುಸ್ಸಾನೆ ವಿಚ್ಛೇದನ ನೀಡಿದ್ದಾರೆ ಎನ್ನಲಾಗಿದೆ.
