Asia Cup 2022: ಮತೊಮ್ಮೆ ಭಾರತ V/S ಪಾಕಿಸ್ತಾನ ಮುಖಾಮುಖಿ! ಸೂಪರ್-4ರ ಸಂಪೂರ್ಣ ಮಾಹಿತಿ ಇಲ್ಲಿದೆ

ನಾಳೆ ಭಾರತ V/s ಪಾಕಿಸ್ತಾನ

ನವದೆಹಲಿ: ಏಷ್ಯಾಕಪ್ ಗ್ರೂಪ್ ಹಂತದ ಪಂದ್ಯಗಳು ಮುಕ್ತಾಯವಾಗಿವೆ. ಶುಕ್ರವಾರ ರಾತ್ರಿ ನಡೆದ ಪಂದ್ಯದಲ್ಲಿ ಹಾಂಗ್ ಕಾಂಗ್ ವಿರುದ್ಧ 155 ರನ್‍ಗಳ ಭರ್ಜರಿ ಗೆಲುವು ಸಾಧಿಸುವ ಮೂಲಕ ಪಾಕಿಸ್ತಾನ 4ನೇ ತಂಡವಾಗಿ ಸೂಪರ್-4ಕ್ಕೆ ಎಂಟ್ರಿ ಕೊಟ್ಟಿದೆ. ಟೀಂ ಇಂಡಿಯಾ ವಿರುದ್ಧ ಸೋಲು ಕಂಡಿದ್ದ ಪಾಕಿಸ್ತಾನಕ್ಕೆ ಈ ಪಂದ್ಯದ ಗೆಲುವು ತುಂಬಾ ಮುಖ್ಯವಾಗಿತ್ತು.

ಹಾಂಗ್ ಕಾಂಗ್ ವಿರುದ್ಧ ಗೆಲುವು ಸಾಧಿಸಿದ ಪಾಕಿಸ್ತಾನ ಇದೀಗ ಭಾನುವಾರ ಅಂದರೆ ನಾಳೆ ಟೀಂ ಇಂಡಿಯಾ ವಿರುದ್ಧ ಮತ್ತೊಮ್ಮೆ ಮುಖಾಮುಖಿಯಾಗುತ್ತಿದೆ. ಈ ಪಂದ್ಯದಲ್ಲಿ ಗೆಲುವು ಯಾರಿಗೆ ಸಿಗುತ್ತೆ ಅನ್ನೋ ಕುತೂಹಲ ಮೂಡಿದೆ. ಟಿ-20 ವಿಶ್ವಕಪ್ ಸೋಲಿನ ಸೇಡು ತೀರಿಸಿಕೊಂಡಿರುವ ಭಾರತದ ವಿರುದ್ಧ ಪಾಕ್ ಗೆಲುವು ಸಾಧಿಸುತ್ತಾ? ಅಥವಾ ಮತ್ತೆ ಸೋಲು ಕಾಣುತ್ತಾ..? ಅಂತಾ ಕ್ರಿಕೆಟ್ ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ: Legends League Cricket 2022 : ಲೆಜೆಂಡ್ಸ್ ಲೀಗ್ ಈ ಎರಡು ಟೀಂಗಳ ಕ್ಯಾಪ್ಟನ್ ಆಗಿ ಇರ್ಫಾನ್-ಹರ್ಭಜನ್!

ಸೂಪರ್-4ರ ಪಂದ್ಯಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ

ದಿನಾಂಕ	ಪಂದ್ಯ	ಸ್ಥಳ	ಸಮಯ
03-09-2022	ಶ್ರೀಲಂಕಾ V/s ಅಫ್ಘಾನಿಸ್ಥಾನ	ಶಾರ್ಜಾ	ಸಂಜೆ 7.30ಕ್ಕೆ
04-09-2022	ಭಾರತ V/s ಪಾಕಿಸ್ತಾನ	ದುಬೈ	ಸಂಜೆ 7.30ಕ್ಕೆ
06-09-2022	ಭಾರತ V/s ಶ್ರೀಲಂಕಾ	ದುಬೈ	ಸಂಜೆ 7.30ಕ್ಕೆ
07-09-2022	ಪಾಕಿಸ್ತಾನ V/s ಅಫ್ಘಾನಿಸ್ಥಾನ	ಶಾರ್ಜಾ	ಸಂಜೆ 7.30ಕ್ಕೆ
08-09-2022	ಭಾರತ V/s ಅಫ್ಘಾನಿಸ್ಥಾನ	ದುಬೈ	ಸಂಜೆ 7.30ಕ್ಕೆ
09-09-2022	ಶ್ರೀಲಂಕಾ V/s ಪಾಕಿಸ್ತಾನ	ದುಬೈ	ಸಂಜೆ 7.30ಕ್ಕೆ
11-09-2022	ಫೈನಲ್	ದುಬೈ	ಸಂಜೆ 7.30ಕ್ಕೆ

ಇದನ್ನೂ ಓದಿ: Ravindra Jadeja : ಏಷ್ಯಾಕಪ್‌ನಿಂದ ಜಡೇಜಾ ಔಟ್, ಟೀಂ ಇಂಡಿಯಾಗೆ ಈ ಆಟಗಾರ ಎಂಟ್ರಿ!

ಸೂಪರ್-4ರಲ್ಲಿ ಪ್ರತಿಯೊಂದು ತಂಡವು 3 ಪಂದ್ಯಗಳನ್ನು ಆಡಲಿದೆ. ಭಾರತ ಸೆ.4ರಂದು ಪಾಕಿಸ್ತಾನ ವಿರುದ್ಧ, ಸೆ.6ರಂದು ಶ್ರೀಲಂಕಾ ವಿರುದ್ಧ ಹಾಗೂ ಸೆ.8ರಂದು ಅಫ್ಘಾನಿಸ್ಥಾನ ವಿರುದ್ಧ ಸೆಣಸಾಟ ನಡೆಯಲಿದೆ. ಅತಿಹೆಚ್ಚು ಗೆಲುವು ಅಥವಾ ಅಂಕ ಗಳಿಸಿದ 2 ತಂಡಗಳು ಫೈನಲ್‍ಗೆ ಲಗ್ಗೆ ಇಡಲಿವೆ. ಸೆ.11ರಂದು ಫೈನಲ್ ಪಂದ್ಯವು ನಡೆಯಲಿದೆ.