ನಿವೃತ್ತಿ ಸುದ್ದಿ ಬೆನ್ನಲ್ಲೇ ಟಿ20 ವಿಶ್ವಕಪ್’ಗೆ ದಿನೇಶ್ ಕಾರ್ತಿಕ್ ಆಯ್ಕೆ: ಆದ್ರೆ ಆಟಗಾರನಾಗಿ ಅಲ್ಲ…

ICC T20 World Cup Commentary Panel List: ಐಪಿಎಲ್ 2024 ರಲ್ಲಿ ಅದ್ಭುತವಾಗಿ ಕಂಬ್ಯಾಕ್ ಮಾಡಿ ಅಬ್ಬರಿಸಿದ್ದ ಕಾರ್ತಿಕ್ ಅಮೆರಿಕಕ್ಕೆ ಹಾರಲು ಸಿದ್ಧರಾಗಿದ್ದಾರೆ. ದಿನೇಶ್ ಕಾರ್ತಿಕ್ ಈ ಹಿಂದೆಯೂ ಕಾಮೆಂಟರಿ ಪ್ಯಾನೆಲ್‌’ನ ಭಾಗವಾಗಿದ್ದರು.

Dinesh Karthik

ICC T20 World Cup Commentary Panel List: ಜೂನ್ 1, 2024 ರಿಂದ ಪ್ರಾರಂಭವಾಗುವ ICC T20 ವಿಶ್ವಕಪ್‌’ಗಾಗಿ ಕಾಮೆಂಟರಿ ಪ್ಯಾನೆಲ್ ಪ್ರಕಟಿಸಲಾಗಿದೆ. ಅಮೆರಿಕ ಮತ್ತು ವೆಸ್ಟ್ ಇಂಡೀಸ್ ಜಂಟಿಯಾಗಿ ಆಯೋಜಿಸಿರುವ ಈ ಮೆಗಾ ಈವೆಂಟ್‌’ನಲ್ಲಿ ಅನುಭವಿಗಳಾದ ರವಿಶಾಸ್ತ್ರಿ, ನಾಸರ್ ಹುಸೇನ್, ಇಯಾನ್ ಸ್ಮಿತ್, ಮೆಲ್ ಜೋನ್ಸ್, ಹರ್ಷಾ ಭೋಗ್ಲೆ ಮತ್ತು ಇಯಾನ್ ಬಿಷಪ್ ಕಾಮೆಂಟರಿ ಪ್ಯಾನೆಲ್‌’ನ ಭಾಗವಾಗಲಿದ್ದಾರೆ. ಈ ಪಟ್ಟಿಯಲ್ಲಿ ದಿನೇಶ್ ಕಾರ್ತಿಕ್ ಹೆಸರೂ ಇದೆ.

ಇದನ್ನೂ ಓದಿ: ಜಗತ್ತು ತೆವಳುತ್ತಿದ್ದರೆ ಮೋದಿ ಭಾರತ ಓಡುತ್ತಿದೆ: ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ

ಐಪಿಎಲ್ 2024 ರಲ್ಲಿ ಅದ್ಭುತವಾಗಿ ಕಂಬ್ಯಾಕ್ ಮಾಡಿ ಅಬ್ಬರಿಸಿದ್ದ ಕಾರ್ತಿಕ್ ಅಮೆರಿಕಕ್ಕೆ ಹಾರಲು ಸಿದ್ಧರಾಗಿದ್ದಾರೆ. ದಿನೇಶ್ ಕಾರ್ತಿಕ್ ಈ ಹಿಂದೆಯೂ ಕಾಮೆಂಟರಿ ಪ್ಯಾನೆಲ್‌’ನ ಭಾಗವಾಗಿದ್ದರು.

ಕಾಮೆಂಟರಿ ಪ್ಯಾನೆಲ್‌ ಲಿಸ್ಟ್ ಬಿಡುಗಡೆ ಮಾಡಿರುವ ಐಸಿಸಿ ಹೀಗೆ ಹೇಳಿದೆ. “ರವಿಶಾಸ್ತ್ರಿ, ನಾಸರ್ ಹುಸೇನ್, ಇಯಾನ್ ಸ್ಮಿತ್, ಮೆಲ್ ಜೋನ್ಸ್, ಹರ್ಷಾ ಭೋಗ್ಲೆ ಮತ್ತು ಇಯಾನ್ ಬಿಷಪ್ ಅವರಂತಹ ಅನುಭವಿಗಳು ಕಾಮೆಂಟರಿ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಇದೀಗ ಈ ಪಟ್ಟಿಯಲ್ಲಿ ಮಾಜಿ ಪುರುಷರ ಮತ್ತು ಮಹಿಳಾ ಟಿ 20 ವಿಶ್ವಕಪ್ ಚಾಂಪಿಯನ್‌’ಗಳಾದ ದಿನೇಶ್ ಕಾರ್ತಿಕ್, ಎಬೊನಿ ರೈನ್‌ಫೋರ್ಡ್-ಬ್ರೆಂಟ್, ಸ್ಯಾಮ್ಯುಯೆಲ್ ಬದ್ರಿ, ಕಾರ್ಲೋಸ್ ಬ್ರಾಥ್‌ವೈಟ್, ಸ್ಟೀವ್ ಸ್ಮಿತ್, ಆರೋನ್ ಫಿಂಚ್ ಮತ್ತು ಲೀಸಾ ಸ್ಥಾಲೇಕರ್ ಅವರ ಹೆಸರು ಸಹ ಒಳಗೊಂಡಿರುತ್ತದೆ.

ಕಾಮೆಂಟರಿ ಪ್ಯಾನೆಲ್ ಪಟ್ಟಿಯಲ್ಲಿ ಪಾಕಿಸ್ತಾನಿ ಶ್ರೇಷ್ಠರ ಹೆಸರುಗಳನ್ನು ಸಹ ಸೇರಿಸಲಾಗಿದೆ. ಮಾಜಿ ODI ವಿಶ್ವಕಪ್ ವಿಜೇತರಾದ ರಿಕಿ ಪಾಂಟಿಂಗ್, ಸುನಿಲ್ ಗವಾಸ್ಕರ್, ಮ್ಯಾಥ್ಯೂ ಹೇಡನ್, ರಮೀಜ್ ರಾಜಾ, ಇಯಾನ್ ಮಾರ್ಗನ್, ಟಾಮ್ ಮೂಡಿ ಮತ್ತು ವಾಸಿಮ್ ಅಕ್ರಂ ಮುಂಬರುವ ಪಂದ್ಯಾವಳಿಯಲ್ಲಿ ತಮ್ಮ ಪರಿಣಿತ ವಿಶ್ಲೇಷಣೆಯನ್ನು ನೀಡಲಿದ್ದಾರೆ. ಇವರಲ್ಲದೆ, ಡೇಲ್ ಸ್ಟೇಯ್ನ್, ಗ್ರೇಮ್ ಸ್ಮಿತ್, ಮೈಕೆಲ್ ಅಥರ್ಟನ್, ವಕಾರ್ ಯೂನಿಸ್, ಸೈಮನ್ ಡೌಲ್, ಶಾನ್ ಪೊಲಾಕ್ ಮತ್ತು ಕೇಟೀ ಮಾರ್ಟಿನ್ ಹೆಸರುಗಳು ಸಹ ಈ ಪಟ್ಟಿಯಲ್ಲಿವೆ.

ಇದನ್ನೂ ಓದಿ: ಅಕಾಲಿಕವಾಗಿ ಬಿಳಿಯಾದ ಕೂದಲನ್ನು ಕಡುಕಪ್ಪಾಗಿಸುತ್ತೆ ವೀಳ್ಯದೆಲೆ: ಈ ಎಣ್ಣೆಯ ಜೊತೆ ಬೆರೆಸಿ ಹಚ್ಚಿದರೆ ಸಾಕು!

ಕಾಮೆಂಟರಿ ಪ್ಯಾನೆಲ್‌’ಗೆ ಸೇರ್ಪಡೆಗೊಂಡಿದ್ದಕ್ಕೆ ಸಂತೋಷ ವ್ಯಕ್ತಪಡಿಸಿದ ದಿನೇಶ್ ಕಾರ್ತಿಕ್, “ಈ ಪಂದ್ಯಾವಳಿಯು ಹಲವು ರೀತಿಯಲ್ಲಿ ವಿಭಿನ್ನವಾಗಿರುತ್ತದೆ, ಇನ್ನಷ್ಟು ರೋಮಾಂಚನಕಾರಿ. 20 ತಂಡಗಳು, 55 ಪಂದ್ಯಗಳು ಮತ್ತು ಕೆಲವು ಹೊಸ ಸ್ಥಳಗಳೊಂದಿಗೆ, ಅತ್ಯಾಕರ್ಷಕ ಸಂಯೋಜನೆಯಾಗಿದೆ. ಉನ್ನತ ಮಟ್ಟದ ಕಾಮೆಂಟರಿ ತಂಡದ ಭಾಗವಾಗಿರುವುದು ಉತ್ತಮ ಭಾವನೆ” ಎಂದಿದ್ದಾರೆ.