ರಾಹುಲ್ ದ್ರಾವಿಡ್ ಭಾರತ ತಂಡದ ಅದ್ಬುತ ನಾಯಕ, ಆದರೆ ಅವರನ್ನು ಕಡೆಗಣಿಸಲಾಗಿದೆ- ಇರ್ಫಾನ್ ಪಠಾಣ್

ಯಶಸ್ವಿ ಭಾರತ ನಾಯಕರ ಬಗ್ಗೆ ಚರ್ಚಿಸುವಾಗ, 1983 ರಲ್ಲಿ ಭಾರತವನ್ನು ವಿಶ್ವಕಪ್ ಗೆಲುವಿಗೆ ಕಾರಣರಾದ ಕಪಿಲ್ ದೇವ್ ಅವರ ಹೆಸರನ್ನು ಒಬ್ಬರು ಉಲ್ಲೇಖಿಸುತ್ತಾರೆ. ಮೂರು ಐಸಿಸಿ ಟ್ರೋಫಿಗಳನ್ನು ನಾಯಕನಾಗಿ ಪಡೆದ ಎಂ.ಎಸ್. ಧೋನಿ, ಇಡೀ ತಲೆಮಾರಿನ ಭಾರತೀಯ ಕ್ರಿಕೆಟಿಗರನ್ನು ಮರು ವ್ಯಾಖ್ಯಾನಿಸಿದ ಸೌರವ್ ಗಂಗೂಲಿ ಮತ್ತು  ಆಧುನಿಕ ಯುಗದ ಮಾಸ್ಟರ್ ಮೈಂಡ್ ಆಗಿ ಕಾಣುವ ವಿರಾಟ್ ಕೊಹ್ಲಿ, ಇವರು ಚರ್ಚೆಯಲ್ಲಿ ಬರುವ ಹೆಸರುಗಳು.ಆದರೆ ರಾಹುಲ್ ದ್ರಾವಿಡ್  ಸಾಕಷ್ಟು ಪರಿಣಾಮಕಾರಿಯಾಗಿ ನಾಯಕತ್ವ ನಿರ್ವಹಿಸಿದರೂ ಕೂಡ ಅವರನ್ನು ಅಷ್ಟಾಗಿ ಗುರುತಿಸಿಲ್ಲ. 

Updated: Jun 28, 2020 , 03:43 PM IST
ರಾಹುಲ್ ದ್ರಾವಿಡ್ ಭಾರತ ತಂಡದ ಅದ್ಬುತ ನಾಯಕ, ಆದರೆ ಅವರನ್ನು ಕಡೆಗಣಿಸಲಾಗಿದೆ- ಇರ್ಫಾನ್ ಪಠಾಣ್
Photo Courtsey : AFP(FILE PHOTO)

ನವದೆಹಲಿ: ಯಶಸ್ವಿ ಭಾರತ ನಾಯಕರ ಬಗ್ಗೆ ಚರ್ಚಿಸುವಾಗ, 1983 ರಲ್ಲಿ ಭಾರತವನ್ನು ವಿಶ್ವಕಪ್ ಗೆಲುವಿಗೆ ಕಾರಣರಾದ ಕಪಿಲ್ ದೇವ್ ಅವರ ಹೆಸರನ್ನು ಒಬ್ಬರು ಉಲ್ಲೇಖಿಸುತ್ತಾರೆ. ಮೂರು ಐಸಿಸಿ ಟ್ರೋಫಿಗಳನ್ನು ನಾಯಕನಾಗಿ ಪಡೆದ ಎಂ.ಎಸ್. ಧೋನಿ, ಇಡೀ ತಲೆಮಾರಿನ ಭಾರತೀಯ ಕ್ರಿಕೆಟಿಗರನ್ನು ಮರು ವ್ಯಾಖ್ಯಾನಿಸಿದ ಸೌರವ್ ಗಂಗೂಲಿ ಮತ್ತು  ಆಧುನಿಕ ಯುಗದ ಮಾಸ್ಟರ್ ಮೈಂಡ್ ಆಗಿ ಕಾಣುವ ವಿರಾಟ್ ಕೊಹ್ಲಿ, ಇವರು ಚರ್ಚೆಯಲ್ಲಿ ಬರುವ ಹೆಸರುಗಳು.ಆದರೆ ರಾಹುಲ್ ದ್ರಾವಿಡ್  ಸಾಕಷ್ಟು ಪರಿಣಾಮಕಾರಿಯಾಗಿ ನಾಯಕತ್ವ ನಿರ್ವಹಿಸಿದರೂ ಕೂಡ ಅವರನ್ನು ಅಷ್ಟಾಗಿ ಗುರುತಿಸಿಲ್ಲ. 

ದ್ರಾವಿಡ್ 79 ಏಕದಿನ ಪಂದ್ಯಗಳಲ್ಲಿ ಭಾರತಕ್ಕೆ ನಾಯಕತ್ವ ವಹಿಸಿದ್ದಾರೆ, ಅದರಲ್ಲಿ ಭಾರತ 42 ಪಂದ್ಯಗಳನ್ನು ಗೆದ್ದಿದೆ, ಮತ್ತು 33 ಪಂದ್ಯಗಳಲ್ಲಿ ಸೋತಿದೆ, 56 ರ ಗೆಲುವಿನ ಶೇಕಡಾವಾರು. ಅವರು 25 ಟೆಸ್ಟ್ ಪಂದ್ಯಗಳಲ್ಲಿ ಭಾರತವನ್ನು ಮುನ್ನಡೆಸಿದರು, ಇದರಲ್ಲಿ ಅವರು 8 ಪಂದ್ಯಗಳನ್ನು ಗೆದ್ದರು ಮತ್ತು 6 ರಲ್ಲಿ ಸೋತರು, 32.00 ರಷ್ಟು ಗೆಲುವಿನ ಶೇಕಡಾವಾರು. ಒಂದು ಹಂತದಲ್ಲಿ ನಾಯಕನಾಗಿ ಬೆನ್ನಟ್ಟುವಾಗ ಭಾರತವನ್ನು 17 ನೇರ ಏಕದಿನ ಗೆಲುವುಗಳತ್ತ ಕೊಂಡೊಯ್ದರು.

ಇದನ್ನೂ ಓದಿ: ನಾನು ಸಾರ್ವಕಾಲಿಕ ಶ್ರೇಷ್ಠ ಆಲ್ ರೌಂಡರ್ ಆಗಬಹುದಿತ್ತು, ಆದರೆ ನನ್ನನ್ನು ಕಡೆಗಣಿಸಲಾಯಿತು-ಇರ್ಫಾನ್ ಪಠಾಣ್

ಇಎಸ್‌ಪಿಎನ್‌ಕ್ರಿನ್‌ಫೊ ಪ್ರೆಸೆಂಟರ್ ರೌನಾಕ್ ಕಪೂರ್ ಅವರೊಂದಿಗಿನ ಇನ್‌ಸ್ಟಾಗ್ರಾಮ್ ಲೈವ್ ವಿಡಿಯೋ ಚಾಟ್ ಶೋನಲ್ಲಿ, ಭಾರತದ ಮಾಜಿ ವೇಗಿ ಇರ್ಫಾನ್ ಪಠಾಣ್  ದ್ರಾವಿಡ್ ಬಗ್ಗೆ ಕೇಳಲಾಯಿತು. ಇದಕ್ಕೆ ಉತ್ತರಿಸಿದ ಅವರು  'ವಿಶ್ವದ ಅತಿ ಹೆಚ್ಚು, ಕಡಗನೆಣೆಗೆ ಒಳಗಾದ ಆಟಗಾರ ಎಂದರು. ಇದೇ ಸಂದರ್ಭದಲ್ಲಿ ಅವರಿಗೆ ನಾಯಕತ್ವದ ಬಗ್ಗೆ ಪ್ರಶ್ನಿಸಿದಾಗ ಉತ್ತರಿಸಿದ ಇರ್ಫಾನ್ ಪಠಾಣ್“ದ್ರಾವಿಡ್ ಶೇಕಡಾ 100 ರಷ್ಟು ಶ್ರೇಷ್ಠ ನಾಯಕ. ತಂಡದಿಂದ ತನಗೆ ಬೇಕಾದುದನ್ನು ಅವರು ಸ್ಪಷ್ಟವಾಗಿ ಹೊಂದಿದ್ದರು. ”

"ಪ್ರತಿಯೊಬ್ಬ ನಾಯಕನಿಗೂ ಅವರ ದಾರಿ ಇದೆ - ವಿಭಿನ್ನವಾಗಿ ಯೋಚಿಸುವ ನಾಯಕರು ಇದ್ದಾರೆ, ಮತ್ತು ರಾಹುಲ್ ದ್ರಾವಿಡ್ ಕೂಡ ವಿಭಿನ್ನವಾಗಿ ಯೋಚಿಸಿದ ಒಬ್ಬ ನಾಯಕ, ಆದರೆ ಅವರ ಸಂವಹನದಲ್ಲಿ ಅವರು ಬಹಳ ಸ್ಪಷ್ಟರಾಗಿದ್ದರು. ಅವರು ಹೇಳುತ್ತಿದ್ದರು.ಇದು ನಿಮ್ಮ ಪಾತ್ರ ಮತ್ತು ಅದಕ್ಕೆ ತಕ್ಕಂತೆ ನೀವು ಕೆಲಸ ಮಾಡಬೇಕು'

ಇದನ್ನೂ ಓದಿ: ಜಸ್ಪ್ರಿತ್ ಬುಮ್ರಾ ಭಾರತ ತಂಡದಲ್ಲಿರುವುದು ಅದೃಷ್ಟದ ಸಂಗತಿ - ಇರ್ಫಾನ್ ಪಠಾಣ್

ನೀವು ಎಲ್ಲವನ್ನೂ ಮಾಡಬೇಕೆಂದು ಅವರು ಬಯಸಿದರು. ಅವರು ಹಾಗೆ ಕ್ರಿಕೆಟ್ ಆಡಿದ್ದಾರೆ. ಅವರು ವಿಕೆಟ್ ಕೀಪರ್ ಕೈಗವಸುಗಳನ್ನು ಧರಿಸಿದ್ದಾರೆ, ಅವರು ಬ್ಯಾಟಿಂಗ್ ತೆರೆಯಲು ಸಿದ್ಧರಾಗಿದ್ದರು, ಅವರು 3 ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಲು ಸಿದ್ಧರಾಗಿದ್ದರು. ಅವರು ಮಹಾನ್ ಏಕದಿನ ಕ್ರಿಕೆಟಿಗ ಅಲ್ಲ ಎಂದು ಜನರು ಹೇಳುತ್ತಿದ್ದರು, ಆದರೆ ಅವರು 50 ಓವರ್‌ಗಳ ಕ್ರಿಕೆಟ್‌ನಲ್ಲಿ 10,000+ ರನ್ ಗಳಿಸಿದ್ದಾರೆ. ಅವರು ಅಂತಹ ಅತ್ಯುತ್ತಮ ತಂಡದ ಆಟಗಾರರಾಗಿದ್ದರು. ಅವರ ನಾಯಕತ್ವದ ಶೈಲಿಯು ತಂಡಕ್ಕೂ ಇತ್ತು ”ಎಂದು ಪಠಾಣ್ ಹೇಳಿದರು.

'ಸಮಸ್ಯೆ ಬಂದಾಗಲೆಲ್ಲಾ ಅವರು ಯಾವಾಗಲೂ ಇರುತ್ತಾರೆ. ಕೆಲವೊಮ್ಮೆ ಕ್ಯಾಪ್ಟನ್‌ನೊಂದಿಗೆ ಸಂವಹನ ಮಾಡುವುದು ಕಷ್ಟವಾಗುತ್ತದೆ, ಏಕೆಂದರೆ ಅವರು ಯಾವಾಗಲೂ ವಿಷಯಗಳಿಂದ ಸುತ್ತುವರೆದಿರುತ್ತಾರೆ. ಆದರೆ ದ್ರಾವಿಡ್ ಅಂತಹ ಒಬ್ಬ ಕ್ಯಾಪ್ಟನ್ ಆಗಿದ್ದರು, ನೀವು ಸಮಸ್ಯೆಯೊಂದಿಗೆ ರಾತ್ರಿ 2 ಗಂಟೆಗೆ ಅವರನ್ನು ಸಂಪರ್ಕಿಸಬಹುದು. ಎಲ್ಲಾ ಆಟಗಾರರೊಂದಿಗೆ ಸಂವಹನ ನಡೆಸುವುದು ನಾಯಕನ ಪಾತ್ರ, ಮತ್ತು ಅವರು ಅದನ್ನು ಮಾಡಿದರು, ”ಎಂದು ಪಠಾಣ್ ಹೇಳಿದರು.