ಲಾಕ್ ಡೌನ್ ನಂತರ ತರಬೇತಿಗೆ ಮರಳಿದ ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡ

file photo

ನವದೆಹಲಿ: ಜುಲೈನಲ್ಲಿನ ಇಂಗ್ಲೆಂಡ್ ಪ್ರವಾಸಕ್ಕೆ ನಾಯಕ ಜೇಸನ್ ಹೋಲ್ಡರ್ ನೇತೃತ್ವದ ವೆಸ್ಟ್ ಇಂಡೀಸ್ ಟೆಸ್ಟ್ ತಂಡದ ಸಿದ್ದವಾಗುವ ಸಿಟ್ಟಿನಲ್ಲಿ ತಂಡದ ಕೆಲವು ಸದಸ್ಯರು ಕರೋನವೈರಸ್ ವಿರಾಮದ ನಂತರ ತರಬೇತಿಗೆ ಮರಳಿದ್ದಾರೆ. ಕೊರೊನಾ 19 ಲಾಕ್‌ಡೌನ್ ಕಾರಣದಿಂದಾಗಿ ದೀರ್ಘಕಾಲದವರೆಗೆ ನೆಟ್ಸ್ ನಿಂದ ದೂರ ಇದ್ದ ,ಕ್ರೇಗ್ ಬ್ರಾಥ್‌ವೈಟ್, ಶೈ ಹೋಪ್, ಕೆಮರ್ ರೋಚ್, ಶೇನ್ ಡೌರಿಚ್, ಶಮರ್ ಬ್ರೂಕ್ಸ್ ಮತ್ತು ರೇಮನ್ ರೀಫರ್ ಸೇರಿದಂತೆ ಆಟಗಾರರು ಸೋಮವಾರ ಕೆನ್ಸಿಂಗ್ಟನ್ ಓವಲ್‌ನಲ್ಲಿ ತರಬೇತಿ ಪಡೆದರು.

ಸಾಮಾಜಿಕ ದೂರವಿಡುವಿಕೆಯ ಕಠಿಣ ನಿಯಮಾವಳಿಗಳೊಂದಿಗೆ ತರಬೇತಿಗೆ ಮರಳುವ ಉಪಕ್ರಮಕ್ಕೆ ಸ್ಥಳೀಯ ಸರ್ಕಾರದ ಅನುಮೋದನೆ ನೀಡಿದೆ,ಅಧಿಕಾರಿಗಳು ಮತ್ತು ಸಿಡಬ್ಲ್ಯುಐನ ವೈದ್ಯಕೀಯ ಸಲಹಾ ಸಮಿತಿಯು ನಿಗದಿಪಡಿಸಿದ ಮಾರ್ಗಸೂಚಿಗಳ ಆಧಾರದ ಮೇಲೆ ತರಬೇತಿ ನಡೆಸಲಾಯಿತು" ಎಂದು ದೇಶದ ಕ್ರಿಕೆಟ್ ಮಂಡಳಿ ತಿಳಿಸಿದೆ.

ವೆಸ್ಟ್ ಇಂಡೀಸ್ ಸಹಾಯಕ ಕೋಚ್ ರೊಡ್ಡಿ ಎಸ್ಟ್ವಿಕ್ ಮತ್ತು ಬಾರ್ಬಡೋಸ್ ಕ್ರಿಕೆಟ್ ಅಸೋಸಿಯೇಶನ್‌ನ ಇತರ ತರಬೇತುದಾರರ ಗಮನದಲ್ಲಿಟ್ಟುಕೊಂಡು ಆಟಗಾರರು ತರಬೇತಿ ಪಡೆದರು. "ಕಳೆದ ಕೆಲವು ವಾರಗಳಿಂದ ಮನೆಯಲ್ಲಿ ಫಿಟ್‌ನೆಸ್ ಮತ್ತು ಕಂಡೀಷನಿಂಗ್ ಕೆಲಸಗಳಿಗೆ ಸೀಮಿತವಾಗಿದ್ದರಿಂದ ಆಟಗಾರರು ತಮ್ಮ ಕ್ರಿಕೆಟ್ ತರಬೇತಿಯನ್ನು ಪ್ರಾರಂಭಿಸಲು ಸಮರ್ಥರಾಗಿದ್ದಾರೆ ಎಂಬುದು ನಿಜಕ್ಕೂ ದೊಡ್ಡ ಸುದ್ದಿಯಾಗಿದೆ, ಎಂದು ಜಾನಿ ಗ್ರೇವ್ ಹೇಳಿದರು.

ಮೂರು ಟೆಸ್ಟ್ ಪಂದ್ಯಗಳನ್ನು ಒಳಗೊಂಡ ಪ್ರವಾಸದ ಬಗ್ಗೆ ಸಿಡಬ್ಲ್ಯುಐ ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿಯೊಂದಿಗೆ (ಇಸಿಬಿ) ನಿಯಮಿತವಾಗಿ ಚರ್ಚಿಸುತ್ತಿದೆ ಮತ್ತು ಯೋಜಿಸಿದಂತೆ ಮುಂದುವರಿಯುವ ಬಗ್ಗೆ ವಿಶ್ವಾಸ ಹೊಂದಿದೆ.