ನವದೆಹಲಿ: ವಾಟ್ಸಾಪ್ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್‌ಗಿಂತ ಹೆಚ್ಚಿನದಾಗಿದೆ. ಈ ಮಾಧ್ಯಮದಲ್ಲಿ ವೀಡಿಯೊ ಕರೆಗಳನ್ನು ಮಾಡಲು, ಸುದ್ದಿಗೆ ಚಂದಾದಾರರಾಗಲು, ವ್ಯವಹಾರ ಕ್ಯಾಟಲಾಗ್‌ಗಳನ್ನು ಪರಿಶೀಲಿಸಲು ಸಾಧ್ಯವಾಗುತ್ತಿತ್ತು. ಇತ್ತೀಚಿಗೆ ಹಣ ವಿನಿಮಯ ಮಾಡುವ ಸೌಲಭ್ಯವನ್ನು ಕೂಡ ಕಲ್ಪಿಸಲಾಗಿತ್ತು. ಆದರೆ ನೀವು ವಾಟ್ಸಾಪ್ (Whatsapp) ಮೂಲಕ ಚಿನ್ನವನ್ನು ಸಹ ಕಳುಹಿಸಬಹುದು ಎಂದು ನಿಮಗೆ ತಿಳಿದಿದೆಯೇ? ಡಿಜಿಟಲ್ ಚಿನ್ನವನ್ನು ಖರೀದಿಸಲು ಅಥವಾ ಹೂಡಿಕೆ ಮಾಡಲು ಹಲವಾರು ಆಯ್ಕೆಗಳಿವೆ. ಅಂತಹ ಒಂದು ವೇದಿಕೆ ಸೇಫ್‌ಗೋಲ್ಡ್.
ಪ್ರತಿಯೊಬ್ಬರೂ ಸುರಕ್ಷಿತ ಚಿನ್ನದ (Gold) ಮೇಲೆ ಹೂಡಿಕೆ ಮಾಡಲು ಬಯಸುತ್ತಾರೆ. ಚಿನ್ನವನ್ನು ಖರೀದಿಸಲು ಮತ್ತು ಸಂಗ್ರಹಿಸಲು ಬಯಸುವ ಗ್ರಾಹಕರಿಗೆ ಸೇಫ್‌ಗೋಲ್ಡ್ ಚಿನ್ನದ ಕ್ರೋಢೀಕರಣ ಯೋಜನೆಯನ್ನು ನೀಡುತ್ತದೆ. ಡಿಜಿಟಲ್ ಚಿನ್ನವನ್ನು ಒದಗಿಸಲು ಇದು Paytm ಮತ್ತು PhonePe ನಂತಹ ಹೂಡಿಕೆ ಪ್ಲಾಟ್‌ಫಾರ್ಮ್‌ಗಳೊಂದಿಗೆ ಪಾಲುದಾರಿಕೆ ಹೊಂದಿದೆ.
ಈಗ ನೀವು WhatsApp ಮೂಲಕವೂ ಪೇಮೆಂಟ್ ಮಾಡಬಹುದು
ಇದರೊಂದಿಗೆ ವಾಟ್ಸಾಪ್ ಪ್ಲಾಟ್‌ಫಾರ್ಮ್ ತನ್ನ ಬಳಕೆದಾರರಿಗೆ ತಮ್ಮ ಸಂಪರ್ಕಗಳಿಗೆ ಹಣವನ್ನು ಕಳುಹಿಸಲು ಅನುಮತಿಸುತ್ತದೆ. ಮಾತ್ರವಲ್ಲ ಚಿನ್ನವನ್ನು ಕಳುಹಿಸಲು ಸಾಧ್ಯವಾಗುತ್ತದೆ. ಇದು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದು ಇಲ್ಲಿದೆ:
- ನಿಮ್ಮ ಖಾತೆಗೆ ಲಾಗ್ ಇನ್ ಮಾಡಿ ಮತ್ತು ಡ್ಯಾಶ್‌ಬೋರ್ಡ್‌ನಲ್ಲಿರುವ ಉಡುಗೊರೆ (Gift) ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ
- ನೀವು ಉಡುಗೊರೆ ನೀಡಲು ಬಯಸುವ ಸ್ವೀಕರಿಸುವವರ ಮೊಬೈಲ್ ಸಂಖ್ಯೆ ಮತ್ತು ಚಿನ್ನದ ಮೊತ್ತವನ್ನು ನಮೂದಿಸಿ.
- ಈ ಸಂದರ್ಭಕ್ಕಾಗಿ ನೀವು ಸೇರಿಸಲು ಬಯಸುವ ಯಾವುದೇ ಸಂದೇಶ ಅಥವಾ ಸ್ಟಿಕ್ಕರ್ ಅನ್ನು ಸಹ ಸೇರಿಸಿ.
- ನೀವು ಇನ್ನೂ ಚಿನ್ನವನ್ನು ಖರೀದಿಸದಿದ್ದರೆ ನಿಮ್ಮ ಉಡುಗೊರೆಯನ್ನು ಆಯ್ಕೆ ಮಾಡುವ ಮೊದಲು ನೀವು ಸ್ವಲ್ಪ ಚಿನ್ನವನ್ನು ಖರೀದಿಸಬೇಕಾಗುತ್ತದೆ.
ಸ್ವೀಕರಿಸುವವರಿಗೆ ಚಿನ್ನ ಹೇಗೆ ಸಿಗುತ್ತದೆ?
ಚಿನ್ನವನ್ನು ಸ್ವೀಕರಿಸುವವರಿಗೆ ನಿಗದಿತ ಅವಧಿಯಲ್ಲಿ ಚಿನ್ನವನ್ನು ಪುನಃ ಪಡೆದುಕೊಳ್ಳಲು ಲಿಂಕ್‌ನೊಂದಿಗೆ ಎಸ್‌ಎಂಎಸ್ ಕಳುಹಿಸಲಾಗುತ್ತದೆ. ಸ್ವೀಕರಿಸುವವರು ತಮ್ಮ ಸೇಫ್‌ಗೋಲ್ಡ್ ಖಾತೆಯೊಂದಿಗೆ ಲಾಗಿನ್ ಆಗಬಹುದು ಮತ್ತು ಆ ಅವಧಿಯಲ್ಲಿ ಚಿನ್ನವನ್ನು ಪಡೆಯಬಹುದು. ನೀವು ಯಾರಿಗೆ ಬೇಕಾದರೂ ವಾಟ್ಸಾಪ್ ಅಥವಾ ಇನ್ನಾವುದೇ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ಮೂಲಕ ಲಿಂಕ್ ಕಳುಹಿಸಬಹುದು, ಅದು ಸ್ವೀಕರಿಸುವವರಿಗೆ ಉಡುಗೊರೆಯಾಗಿ ಲಭ್ಯವಾಗುತ್ತದೆ.
Facebook Messenger, ಇನ್‌ಸ್ಟಾಗ್ರಾಮ್‌ನಲ್ಲಿ ಹೊಸ ವೈಶಿಷ್ಟ್ಯ
ಸೇಫ್‌ಗೋಲ್ಡ್ ಖಾತೆಯನ್ನು ಹೊಂದಿರದ ವ್ಯಕ್ತಿಗೆ ಕೂಡ ಲಿಂಕ್ ಮೂಲಕ ಚಿನ್ನವನ್ನು ಕಳುಹಿಸಲು ಸೇಫ್‌ಗೋಲ್ಡ್ ಅನುಮತಿಸುತ್ತದೆ. ಸ್ವೀಕರಿಸುವವರು ಉಡುಗೊರೆಯನ್ನು ಕಳುಹಿಸಿದ ಮೊಬೈಲ್ ಸಂಖ್ಯೆಯನ್ನು ನಮೂದಿಸಬೇಕಾಗುತ್ತದೆ ಮತ್ತು ಚಿನ್ನವನ್ನು ಉಡುಗೊರೆಯಾಗಿ ಪಡೆಯಲು ಒಟಿಪಿ ನಮೂದಿಸಬೇಕಾಗುತ್ತದೆ.
