Good News: Jio ಬಳಕೆದಾರರಿಗೊಂದು ಬಂಬಾಟ್ ಸುದ್ದಿ, ನಾಳೆಯಿಂದ Jio True 5G ಸೇವೆ ಆರಂಭ

Reliance Jio ಕಂಪನಿಯ True-5G ಸೇವೆಯ ಬೀಟಾ ಪ್ರಯೋಗ ದಸರಾದಿಂದ ಪ್ರಾರಂಭವಾಗುತ್ತಿದೆ. ಪ್ರಸ್ತುತ ದೆಹಲಿ, ಮುಂಬೈ, ಕೋಲ್ಕತ್ತಾ ಮತ್ತು ವಾರಣಾಸಿಯಲ್ಲಿ ಈ ಸೇವೆ ಆರಂಭವಾಗಲಿದೆ. ಆದರೆ, ಇದು ಆಹ್ವಾನದ ಮೇರೆಗೆ ಸೇವೆಯಾಗಿರಲಿದೆ, ಅಂದರೆ ಬಳಕೆದಾರರನ್ನು ಇದಕ್ಕಾಗಿ ಆಹ್ವಾನಿಸಲಾಗುವುದು.

Reliance Jio True 5g service launch

Jio True  5G Service: ಜಿಯೋ ಬಳಕೆದಾರರಿಗೆ ಮಹಾ ಸಂತಸದ ಸುದ್ದಿಯೊಂದಿದೆ. Reliance Jio ನ True-5G ಸೇವೆಯ ಬೀಟಾ ಪ್ರಯೋಗ ದಸರಾದಿಂದ ಪ್ರಾರಂಭವಾಗುತ್ತಿದೆ. ಈ ಸೇವೆಯನ್ನು ದೇಶದ ನಾಲ್ಕು ನಗರಗಳಾದ ದೆಹಲಿ, ಮುಂಬೈ, ಕೋಲ್ಕತ್ತಾ ಮತ್ತು ವಾರಣಾಸಿಯಲ್ಲಿ ಪ್ರಾರಂಭಿಸಲಾಗುವುದು. ಪ್ರಸ್ತುತ ಈ ಸೇವೆಯು ಆಹ್ವಾನದ ಮೇರೆಗೆ ಇರಲಿದೆ, ಅಂದರೆ, ಅಸ್ತಿತ್ವದಲ್ಲಿರುವ ಜಿಯೋ ಬಳಕೆದಾರರಿಂದ ಆಯ್ದ ಕೆಲವು ಬಳಕೆದಾರರನ್ನು ಈ ಸೇವೆಯನ್ನು ಬಳಸಲು ಆಹ್ವಾನಿಸಲಾಗುವುದು ಎನ್ನಲಾಗಿದೆ.

ಇದರೊಂದಿಗೆ, ಬಳಕೆದಾರರು ವೆಲ್ ಕಂ ಆಫರ್ ಅನ್ನು ಸಹ ಪಡೆಯಲಿದ್ದಾರೆ, ಇದರ ಅಡಿಯಲ್ಲಿ ಬಳಕೆದಾರರು 1Gbps ವೇಗವನ್ನು ಮತ್ತು ಅನಿಯಮಿತ 5G ಡೇಟಾವನ್ನು ಪಡೆಯಲಿದ್ದಾರೆ. ಆಹ್ವಾನಿತ ಬಳಕೆದಾರರು Jio True 5G ಸೇವೆಯನ್ನು ಅನುಭವಿಸಲಿದ್ದಾರೆ ಮತ್ತು ಅವರ ಅನುಭವಗಳ ಆಧಾರದ ಮೇಲೆ, ಕಂಪನಿಯು ತನ್ನ ಸಮಗ್ರ 5G ಸೇವೆಯನ್ನು ಆರಂಭಿಸಲಿದೆ.

Jio ಟ್ರೂ 5ಜಿ ವೆಲ್ ಕಮ್ ಆಫರ್ ನಲ್ಲಿ ಏನಿದೆ?
>> ದೆಹಲಿ, ಮುಂಬೈ, ಕೋಲ್ಕತ್ತಾ ಮತ್ತು ವಾರಣಾಸಿಯ ಜಿಯೋ ಬಳಕೆದಾರರಿಗೆ ಆಹ್ವಾನದ ಮೂಲಕ Jio True 5G ವೆಲ್ಕಮ್ ಆಫರ್ ಅನ್ನು ನೀಡಲಾಗುತ್ತಿದೆ.
>> ಈ ಗ್ರಾಹಕರು 1 Gbps+ ವೇಗದೊಂದಿಗೆ ಅನಿಯಮಿತ 5G ಡೇಟಾ ಪಡೆಯಲಿದ್ದಾರೆ.
>> ಉಳಿದ ನಗರಗಳು ಸಿದ್ಧವಾಗುತ್ತಿದ್ದಂತೆ, ಇತರ ನಗರಗಳಿಗೆ ಬೀಟಾ ಪರೀಕ್ಷಾ ಸೇವೆಯನ್ನು ಘೋಷಿಸಲಾಗುವುದು.
>> ನಗರದ ನೆಟ್‌ವರ್ಕ್ ಕವರೇಜ್ ಸಾಕಷ್ಟು ಪ್ರಬಲವಾಗುವವರೆಗೆ ಬಳಕೆದಾರರು ಈ ಬೀಟಾ ಪರೀಕ್ಷೆಯ ಲಾಭವನ್ನು ಪಡೆಯಲು ಸಾಧ್ಯವಾಗಲಿದೆ.
>> ಆಹ್ವಾನಿತ 'ಜಿಯೋ ವೆಲ್ಕಮ್ ಆಫರ್' ಬಳಕೆದಾರರು ತಮ್ಮ ಅಸ್ತಿತ್ವದಲ್ಲಿರುವ ಜಿಯೋ ಸಿಮ್ ಅನ್ನು ಬದಲಾಯಿಸಬೇಕಾಗಿಲ್ಲ. ಅವರ ಮೊಬೈಲ್ 5ಜಿ ಆಗಿರಬೇಕು ಅಷ್ಟೇ. Jio True 5G ಸೇವೆಯನ್ನು ಸ್ವಯಂಚಾಲಿತವಾಗಿ ಅಪ್‌ಗ್ರೇಡ್ ಮಾಡಲಾಗುತ್ತದೆ.
>> ಜಿಯೋ ಎಲ್ಲಾ ಹ್ಯಾಂಡ್‌ಸೆಟ್ ಬ್ರಾಂಡ್‌ಗಳೊಂದಿಗೆ ಸಹ ಇದು ಕಾರ್ಯನಿರ್ವಹಿಸುತ್ತಿದೆ. ಇದರಿಂದ ಗ್ರಾಹಕರು ಆಯ್ಕೆ ಮಾಡಲು ವ್ಯಾಪಕ ಶ್ರೇಣಿಯ 5G ಸಾಧನಗಳನ್ನು ಹೊಂದಿದ್ದಾರೆ.

ಪ್ರತಿಯೊಬ್ಬ ಭಾರತೀಯರ ಹಕ್ಕು
ಈ ಸಂದರ್ಭದಲ್ಲಿ, ಮಾತನಾಡಿರುವ ರಿಲಯನ್ಸ್ ಜಿಯೋ ಇನ್ಫೋಕಾಮ್‌ನ ಅಧ್ಯಕ್ಷ ಆಕಾಶ್ ಅಂಬಾನಿ, “ನಮ್ಮ ಪ್ರಧಾನಿಯವರ ಕರೆಯ ಮೇರೆಗೆ, ಭಾರತದಂತಹ ದೊಡ್ಡ ದೇಶಕ್ಕೆ ವೇಗವಾಗಿ 5G ರೋಲ್-ಔಟ್ ಮಾಡಲು ಜಿಯೋ ಯೋಜನೆಯನ್ನು ಸಿದ್ಧಪಡಿಸಿದೆ. Jio 5G ನಿಜವಾದ 5G ಆಗಿರುತ್ತದೆ ಮತ್ತು ಭಾರತವು TRUE-5G ಗಿಂತ ಕಡಿಮೆ ಯಾವುದಕ್ಕೂ ಅರ್ಹವಾಗಿಲ್ಲ ಎಂದು ನಾವು ನಂಬುತ್ತೇವೆ. Jio 5G ವಿಶ್ವದ ಅತ್ಯಾಧುನಿಕ 5G ನೆಟ್‌ವರ್ಕ್ ಆಗಿದ್ದು, ಇದು ಪ್ರತಿಯೊಬ್ಬ ಭಾರತೀಯನ ಹಕ್ಕಾಗಿದೆ" ಎಂದಿದ್ದಾರೆ.

“5ಜಿ ಕೆಲವು ವಿಶೇಷ ಜನರಿಗೆ ಅಥವಾ ದೊಡ್ಡ ನಗರಗಳಿಗೆ ಮಾತ್ರ ಲಭ್ಯವಿರುವ ಸೇವೆಯಾಗಲು ಸಾಧ್ಯವಿಲ್ಲ. ಇದು ಭಾರತದಾದ್ಯಂತ ಪ್ರತಿಯೊಬ್ಬ ನಾಗರಿಕರಿಗೆ ಖಂಡಿತ ತಲುಪಲಿದೆ, ಪ್ರತಿ ಕುಟುಂಬಕ್ಕೆ ಮತ್ತು ಪ್ರತಿ ವ್ಯವಹಾರಕ್ಕೆ ಇದು ಲಭ್ಯವಿರಬೇಕು. ಆಗ ಮಾತ್ರ ನಾವು ನಮ್ಮ ಆರ್ಥಿಕತೆಯಾದ್ಯಂತ ಉತ್ಪಾದಕತೆ, ಗಳಿಕೆ ಮತ್ತು ಜೀವನಮಟ್ಟದಲ್ಲಿ ಮೂಲಭೂತ ಬದಲಾವಣೆಗಳನ್ನು ತರಬಹುದು" ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ-Reliance Jio Laptop: 20 ಸಾವಿರಕ್ಕೂ ಕಡಿಮೆ ಬೆಲೆಗೆ ಭಾರತದಲ್ಲಿ ಬಿಡುಗಡೆಯಾಗಿದೆ ಜಿಯೋಬುಕ್, ಖರೀದಿಸುವುದು ಹೇಗೆ?

JIO TRUE 5G ಸೇವೆಯ 3 ದೊಡ್ಡ ವಿಶೇಷತೆಗಳು
ಸ್ಟಾಂಡ್ ಅಲೋನ್ 5ಜಿ - ಇದೊಂದು ಅದ್ವಿತೀಯ ಜಾಲವಾಗಿರಲಿದೆ. ಅಂದರೆ, ಮುಂದುವರಿದ ಈ 5G ನೆಟ್‌ವರ್ಕ್‌ಗೂ 4G ನೆಟ್‌ವರ್ಕ್‌ಗೂ ಯಾವುದೇ ಸಂಬಂಧವಿಲ್ಲ. ಇತರ ನಿರ್ವಾಹಕರು 4G ಆಧಾರಿತ ನೆಟ್‌ವರ್ಕ್‌ಗಳನ್ನು ಪ್ರಾರಂಭಿಸಲು ಪ್ರಯತ್ನಿಸುತ್ತಿರುವಾಗ. Jio ನ True 5G ಅದರ ನೇರ ಲಾಭವನ್ನು ಪಡೆಯಲಿದೆ. ಇದು ಕಡಿಮೆ ಸುಪ್ತತೆ, ಬೃಹತ್ ಯಂತ್ರದಿಂದ ಯಂತ್ರದ ಸಂವಹನ, 5G ಧ್ವನಿ, ಎಡ್ಜ್ ಕಂಪ್ಯೂಟಿಂಗ್ ಮತ್ತು ನೆಟ್‌ವರ್ಕ್ ಸ್ಲೈಸಿಂಗ್‌ನಂತಹ ಉತ್ತಮ ವೈಶಿಷ್ಟ್ಯಗಳನ್ನು ಹೊಂದಿದೆ.

ಇದನ್ನೂ ಓದಿ-ಒಂಟಿಯಾಗಿರುವಾಗ ಹೆಣ್ಣು ಮಕ್ಕಳು ಗೂಗಲ್ ನಲ್ಲಿ ಈ ವಿಷಯಗಳ ಬಗ್ಗೆ ಹುಡುಕುತ್ತಾರಂತೆ ! ವರದಿಯಲ್ಲಿ ಬಹಿರಂಗವಾದ ಸತ್ಯ

ಸ್ಪೆಕ್ಟ್ರಮ್ ನ ಅತಿ ದೊಡ್ಡ ಹಾಗೂ ಉತ್ತಮ ಮಿಶ್ರಣ
700 MHz, 3500 MHz ಮತ್ತು 26 GHz 5G ಸ್ಪೆಕ್ಟ್ರಮ್ ಬ್ಯಾಂಡ್‌ಗಳ ಅತಿ ದೊಡ್ಡ ಮತ್ತು ಅತ್ಯಂತ ಸೂಕ್ತವಾದ ಮಿಶ್ರಣವು Jio True 5G ಗೆ ಇತರ ಆಪರೇಟರ್‌ಗಳಿಗಿಂತ ಭಿನ್ನವಾಗಿಸುತ್ತವೆ. ಎರಡನೆಯದು ಮತ್ತು ಮುಖ್ಯವಾಗಿ, 700 MHz ಲೋ-ಬ್ಯಾಂಡ್ ಸ್ಪೆಕ್ಟ್ರಮ್ ಹೊಂದಿರುವ ಏಕೈಕ ಆಪರೇಟರ್ ಜಿಯೋ ಆಗಿದೆ. ಇದು ಗ್ರಾಹಕರಿಗೆ ಉತ್ತಮ ಒಳಾಂಗಣ ವ್ಯಾಪ್ತಿಯನ್ನು ನೀಡುತ್ತದೆ. ಯುರೋಪ್, US ಮತ್ತು UK ನಲ್ಲಿ, ಈ ಬ್ಯಾಂಡ್ ಅನ್ನು 5G ಗಾಗಿ ಪ್ರೀಮಿಯಂ ಬ್ಯಾಂಡ್ ಎಂದು ಪರಿಗಣಿಸಲಾಗುತ್ತದೆ.

ಇದನ್ನೂ ನೋಡಿ-