D2M Technology: ಸಿಮ್ ಕಾರ್ಡ್, ಇಂಟರ್ನೆಟ್ ಎರಡೂ ಇಲ್ಲದೆ ಮೊಬೈಲ್ ನಲ್ಲಿ ನೋಡಬಹುದು live TV

Direct-To-Mobile Technology: ಇದರ ದೊಡ್ಡ ಅನುಕೂಲವೆಂದರೆ ಇದಕ್ಕಾಗಿ ಫೋನ್‌ನಲ್ಲಿ ಸಿಮ್ ಕಾರ್ಡ್ ಅಥವಾ ಇಂಟರ್ನೆಟ್ಇರುವ ಅಗತ್ಯವಿಲ್ಲ.

Direct-To-Mobile Technology : ಇತ್ತೀಚಿನ ದಿನಗಳಲ್ಲಿ ಪ್ರತಿಯೊಬ್ಬರೂ ತಮ್ಮ ಫೋನ್‌ನಲ್ಲಿ ಟಿವಿ ವೀಕ್ಷಿಸಲು ಇಷ್ಟಪಡುತ್ತಾರೆ. ಆದರೆ ಆಗಾಗ ಲೋ ಇಂಟರ್ನೆಟ್ ಸ್ಪೀಡ್  ಅಥವಾ ಸಿಮ್ ಕಾರ್ಡ್ ಸಮಸ್ಯೆಯಿಂದ ಟಿವಿ ನೋಡುವಲ್ಲಿ ತೊಂದರೆ ಉಂಟಾಗುತ್ತದೆ.  ಈ ಸಮಸ್ಯೆಗೆ ಪರಿಹಾರವಾಗಿ ಹೊಸ ತಂತ್ರಜ್ಞಾನ ಬೆಳಕಿಗೆ ಬಂದಿದೆ. ಅದರ ಸಹಾಯದಿಂದ  ಸಿಮ್ ಮತ್ತು ಇಂಟರ್ನೆಟ್ ಇಲ್ಲದೆ ನಿಮ್ಮ ಫೋನಿನಲ್ಲಿ ಲೈವ್ ಟಿವಿ ವೀಕ್ಷಿಸಬಹುದು.ಈ ತಂತ್ರಜ್ಞಾನದ ಹೆಸರು D2M (ಡೈರೆಕ್ಟ್-ಟು-ಮೊಬೈಲ್) ತಂತ್ರಜ್ಞಾನ. 

D2M ಟೆಕ್ನಾಲಜಿ ಹೇಗೆ ಕೆಲಸ ಮಾಡುತ್ತದೆ? : 
ಮಾಹಿತಿಯ ಪ್ರಕಾರ, D2M ತಂತ್ರಜ್ಞಾನದಲ್ಲಿ, ಟಿವಿ ಚಾನೆಲ್‌ಗಳ ಸಂಕೇತಗಳನ್ನು ನೇರವಾಗಿ ಮೊಬೈಲ್ ಫೋನ್‌ಗೆ ಕಳುಹಿಸಲಾಗುತ್ತದೆ.ಇದಕ್ಕಾಗಿ ವಿಶೇಷ ಆಂಟೆನಾವನ್ನು ಬಳಸಲಾಗುತ್ತದೆ.ಈ ಆಂಟೆನಾ ಟಿವಿ ಚಾನೆಲ್‌ಗಳ ಸಂಕೇತಗಳನ್ನು ಸ್ವೀಕರಿಸಿ ಅವುಗಳನ್ನು ಮೊಬೈಲ್ ಫೋನ್‌ಗೆ ರವಾನಿಸುತ್ತದೆ. ಈ ಆಂಟೆನಾವನ್ನು ಫೋನ್‌ನ ಬಳಿ ಇರಿಸಲಾಗುತ್ತದೆ ಅಥವಾ ಫೋನ್‌ನಲ್ಲಿಯೇ ಇನ್ಸ್ಟಾಲ್ ಮಾಡಲಾಗುತ್ತದೆ. ಇದಕ್ಕಾಗಿ ಫೋನ್‌ನಲ್ಲಿ ಸಿಮ್ ಕಾರ್ಡ್ ಅಥವಾ ಇಂಟರ್ನೆಟ್ ಇರುವ ಅಗತ್ಯವಿಲ್ಲ.

ಇದನ್ನೂ ಓದಿ : Incognito ಮೋಡ್‌ನಲ್ಲಿಯೂ ಬ್ರೌಸಿಂಗ್ ಚಟುವಟಿಕೆಗಳನ್ನು ಟ್ರ್ಯಾಕ್ ಮಾಡುತ್ತಿದೆ ಗೂಗಲ್

D2M ತಂತ್ರಜ್ಞಾನದ ಪ್ರಯೋಜನಗಳು: 
D2M ತಂತ್ರಜ್ಞಾನದ ಹಲವು ಪ್ರಯೋಜನಗಳಿವೆ. ಇದರ ದೊಡ್ಡ ಅನುಕೂಲವೆಂದರೆ ಇದಕ್ಕಾಗಿ ಫೋನ್‌ನಲ್ಲಿ ಸಿಮ್ ಕಾರ್ಡ್ ಅಥವಾ ಇಂಟರ್ನೆಟ್ಇರುವ  ಅಗತ್ಯವಿಲ್ಲ. ದೂರದ ಪ್ರದೇಶಗಳಲ್ಲಿ ಹಲವು ಬಾರಿ ಸಿಗ್ನಲ್‌ಗಳು ಬರುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ಜನರು ತಮ್ಮ ಫೋನ್‌ಗಳಲ್ಲಿ ಇಂಟರ್ನೆಟ್ ಬಳಸಲು ಅಥವಾ ಟಿವಿ ವೀಕ್ಷಿಸಲು ಕಷ್ಟಪಡಬೇಕಾಗುತ್ತದೆ. ಈ ತಂತ್ರಜ್ಞಾನದ ಸಹಾಯದಿಂದ ನೀವು ಯಾವುದೇ ತೊಂದರೆಯಿಲ್ಲದೆ ಎಲ್ಲಿ ಬೇಕಾದರೂ ಟಿವಿ ವೀಕ್ಷಿಸಬಹುದು. ಇದಲ್ಲದೇ, ಡಿ2ಎಂ ತಂತ್ರಜ್ಞಾನದಲ್ಲಿ ಟಿವಿ ಸಿಗ್ನಲ್‌ನ ಗುಣಮಟ್ಟವೂ ಉತ್ತಮವಾಗಿರುತ್ತದೆ. 

D2M ತಂತ್ರಜ್ಞಾನದ ಬಳಕೆಯು ಇನ್ನೂ ಆರಂಭಿಕ ಹಂತದಲ್ಲಿದೆ. ಆದರೆ ಭಾರತ ಸೇರಿದಂತೆ ಹಲವು ದೇಶಗಳಲ್ಲಿ ಈ ತಂತ್ರಜ್ಞಾನದ ಕೆಲಸ ನಡೆಯುತ್ತಿದೆ. ಶೀಘ್ರದಲ್ಲೇ ಈ ತಂತ್ರಜ್ಞಾನ ಜನಸಾಮಾನ್ಯರಿಗೂ ಲಭ್ಯವಾಗುವ ನಿರೀಕ್ಷೆ ಇದೆ. ಭಾರತದಲ್ಲಿ D2M ತಂತ್ರಜ್ಞಾನವನ್ನು ಜನಪ್ರಿಯಗೊಳಿಸಲು ಸರ್ಕಾರ ಹಲವು ಪ್ರಯತ್ನಗಳನ್ನು ಮಾಡುತ್ತಿದೆ. D2M ತಂತ್ರಜ್ಞಾನದ ಆಗಮನವು ಭಾರತದಲ್ಲಿ ಟಿವಿ ನೋಡುವ ವಿಧಾನವನ್ನು ಬದಲಾಯಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ. 

ಇದನ್ನೂ ಓದಿ :  Zontes India: ಐಷಾರಾಮಿ ಬೈಕ್ ಗಳ ಮೇಲೆ ಭಾರೀ ರಿಯಾಯಿತಿ..! ಇಂತಹ ಆಫರ್ ಮತ್ತೆ ಬರುವುದಿಲ್ಲ!