Tecno ಬಿಡುಗಡೆ ಮಾಡಿದೆ 8 ಸಾವಿರಕ್ಕಿಂತ ಕಡಿಮೆ ಬೆಲೆಯ ಸ್ಮಾರ್ಟ್ ಫೋನ್ ! ಅತ್ಯದ್ಭುತವಾಗಿದೆ ಇದರ ವೈಶಿಷ್ಟ್ಯಗಳು

8 ಸಾವಿರಕ್ಕಿಂತ ಕಡಿಮೆ ಬೆಲೆಯ ಸ್ಮಾರ್ಟ್ ಫೋನ್ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಇನ್ನು ಕೆಲವೇ ದಿನಗಳಲ್ಲಿ ಭಾರತದ ಮಾರುಕಟ್ಟೆಯಲ್ಲಿ ಈ ಫೋನ್ ಮಾರಾಟಕ್ಕೆ ಲಭ್ಯವಿರಲಿದೆ.

ಬೆಂಗಳೂರು : Tecno Spark Go 1 ಭಾರತದಲ್ಲಿ ಹೊಸ ಬಜೆಟ್ ಫೋನ್ ಆಗಿದ್ದು,  ಶೀಘ್ರದಲ್ಲೇ ಮಾರಾಟಕ್ಕೆ ಬರಲಿದೆ. ಇದರಲ್ಲಿ ಹಲವು ಅತ್ಯಾಕರ್ಷಕ ಫೀಚರ್‌ಗಳಿದ್ದು , 8000 ರೂ.ಗಿಂತ ಕಡಿಮೆ ಬೆಲೆಗೆ ಲಭ್ಯವಿವೆ.ಇದು 120Hz ಸ್ಕ್ರೀನ್, "4 ವರ್ಷಗಳ ಲ್ಯಾಗ್-ಫ್ರೀ ಅನುಭವ", ಇನ್ಫ್ರಾರೆಡ್ ಸೆನ್ಸರ್, 8GB ವರೆಗಿನ ಮೆಮೊರಿ, DTS-ಸಹಾಯದ ಡ್ಯುಯಲ್-ಸ್ಪೀಕರ್ ಸೆಟಪ್ ಮತ್ತು ಸಾಫ್ಟ್‌ವೇರ್-ಆಧಾರಿತ ಡೈನಾಮಿಕ್ ಪೋರ್ಟ್ ಅನ್ನು ಒಳಗೊಂಡಿದೆ.

ಟೆಕ್ನೋ ಸ್ಪಾರ್ಕ್ ಗೋ 1 ವಿಶೇಷಣಗಳು:
ಭಾರತೀಯ ಆವೃತ್ತಿಯ ಸಂಪೂರ್ಣ ವಿಶೇಷಣಗಳನ್ನು ಬಹಿರಂಗಪಡಿಸಲಾಗಿಲ್ಲವಾದರೂ, ಅಮೆಜಾನ್ ಲಿಸ್ಟ್ ಕೆಲವು ವೈಶಿಷ್ಟ್ಯಗಳನ್ನು ಹೈಲೈಟ್ ಮಾಡುತ್ತದೆ. Spark Go 1 120Hz ರಿಫ್ರೆಶ್ ರೇಟ್ ಡಿಸ್ಪ್ಲೇ ಅನ್ನು ಒಳಗೊಂಡಿದೆ. ಇದು ಸ್ಮೂತ್ ವಿಸ್ಯುಲ್ ನೀಡುತ್ತದೆ.ಇತ್ತೀಚೆಗೆ ಪರಿಚಯಿಸಲಾದ ಜಾಗತಿಕ ಮಾದರಿಯು 6.67-ಇಂಚಿನ IPS LCD ಡಿಸ್ಪ್ಲೇ ಜೊತೆಗೆ HD+ ರೆಸಲ್ಯೂಶನ್ ಅನ್ನು ಇದು ಹೊಂದಿದೆ.ಸ್ಪಷ್ಟ ಆಡಿಯೋ, ಡ್ಯುಯಲ್ ಸ್ಪೀಕರ್‌ಗಳು ಮತ್ತು ಇನ್ಫ್ರಾರೆಡ್ ಸೆನ್ಸರ್ ನೊಂದಿಗೆ ಬರುತ್ತದೆ.

ಇದನ್ನೂ ಓದಿ : ಕಂಪನಿ ಇಂಟರ್ನ್‌ಶಿಪ್ ನಲ್ಲಿ ನಿದ್ದೆ ಮಾಡಬೇಕು ಅಷ್ಟೇ !ದಿನಕ್ಕೆ 9 ಗಂಟೆ ನಿದ್ದೆ ಮಾಡಿದರೆ ಸಿಗುವುದು 10 ಲಕ್ಷ !ಬೆಂಗಳೂರಿನಲ್ಲಿಯೇ ಇದೆ ಈ ಸಂಸ್ಥೆ

ವಿನ್ಯಾಸದ ವಿಷಯದಲ್ಲಿ,ಸ್ಪಾರ್ಕ್ ಗೋ 1 ಫ್ಲಾಟ್ ಡಿಸ್ಪ್ಲೇಯನ್ನು ಹೊಂದಿದೆ.  ಕೇಂದ್ರೀಯವಾಗಿ ಇರಿಸಲಾದ ಪಂಚ್-ಹೋಲ್ ಕಟೌಟ್ ಮತ್ತು ಸ್ಲಿಮ್ ಬೆಜೆಲ್‌ಗಳನ್ನು ಹೊಂದಿದೆ. ಫೋನ್‌ನ ಹಿಂಭಾಗದಲ್ಲಿ ಸರ್ಕ್ಯುಲರ್ ಕ್ಯಾಮೆರಾ ಐಲ್ಯಾಂಡ್ ಎರಡು ಸೆನ್ಸಾರ್ ಮತ್ತು LED ಫ್ಲ್ಯಾಷ್ ಇದೆ.

ಸ್ಮಾರ್ಟ್ಫೋನ್ ಮೂರು ಬಣ್ಣಗಳಲ್ಲಿ ಲಭ್ಯವಿದೆ :
ಲೈಮ್ ಗ್ರೀನ್, ಗ್ಲಿಟರಿ ವೈಟ್ ಮತ್ತು ಸ್ಟಾರ್ಟ್ರೈಲ್ ಬ್ಲಾಕ್ ಎನ್ನುವ ಮೂರು  ಬಣ್ಣಗಳಲ್ಲಿ ಸ್ಮಾರ್ಟ್ಫೋನ್ ಲಭ್ಯವಿದೆ. ಕಾರ್ಯಕ್ಷಮತೆಗೆ ಸಂಬಂಧಿಸಿದಂತೆ,Spark Go 1 ನ ಜಾಗತಿಕ ಆವೃತ್ತಿಯು Unisoc T615 ಪ್ರೊಸೆಸರ್‌ನಿಂದ ಚಾಲಿತವಾಗಿದೆ.  ಇದು 4GB ಯ RAM ಮತ್ತು 128GB ಸ್ಟೋರೇಜ್ ನೊಂದಿಗೆ ಬರುತ್ತದೆ. ಭಾರತೀಯ ಆವೃತ್ತಿಯು ಒಂದೇ ರೀತಿಯ ಅಥವಾ ಸ್ವಲ್ಪ ನವೀಕರಿಸಿದ ವಿಶೇಷಣಗಳನ್ನು ಹೊಂದಿದೆ ಎಂದು ನಿರೀಕ್ಷಿಸಲಾಗಿದೆ.

ಇದನ್ನೂ ಓದಿ : ಗೂಗಲ್‌ನಲ್ಲಿ ಅಪ್ಪಿತಪ್ಪಿಯೂ ಈ 'ಐದು' ವಿಷಯಗಳನ್ನು ಸರ್ಚ್ ಮಾಡಲೇಬೇಡಿ! ಇಲ್ಲವೇ ಜೈಲೂಟ ಫಿಕ್ಸ್!

ಟೆಕ್ನೋ ಸ್ಪಾರ್ಕ್ ಗೋ 1 ಕ್ಯಾಮೆರಾ ಮತ್ತು ಬ್ಯಾಟರಿ : 
ಕ್ಯಾಮೆರಾ ಸೆಟಪ್ 13MP ಮೇನ್ ರಿಯರ್ ಕ್ಯಾಮೆರಾ ಮತ್ತು 8MP ಫ್ರಂಟ್  ಕ್ಯಾಮೆರಾವನ್ನು ಒಳಗೊಂಡಿದೆ. ಇವೆರಡೂ ಯೋಗ್ಯ-ಗುಣಮಟ್ಟದ ಫೋಟೋಗಳು ಮತ್ತು ವೀಡಿಯೊಗಳನ್ನು ತೆಗೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿವೆ. ಟೈಪ್-ಸಿ ಪೋರ್ಟ್ ಮೂಲಕ 15W ಚಾರ್ಜಿಂಗ್ ಅನ್ನು ಬೆಂಬಲಿಸುವ 5,000mAh ಬ್ಯಾಟರಿಯನ್ನು ಸಹ ಫೋನ್ ಪ್ಯಾಕ್ ಮಾಡುತ್ತದೆ.