ವಾಷಿಂಗ್ಟನ್: ಭಾರತವು ಕಳೆದ ಐದು ವರ್ಷಗಳಲ್ಲಿ ಹಲವಾರು ಪ್ರಮುಖ ಸುಧಾರಣೆಗಳನ್ನು ನಡೆಸಿದೆ ಎಂದು ಪ್ರತಿಪಾದಿಸಿದ ಅಂತರರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ವಿಶ್ವದ ಅತಿ ವೇಗವಾಗಿ ಬೆಳೆಯುತ್ತಿರುವ ದೊಡ್ಡ ಆರ್ಥಿಕ ವ್ಯವಸ್ಥೆಗಳಲ್ಲಿ ಒಂದಾಗಿದೆ ಎಂದು ಹೇಳಿದೆ.
ಕಳೆದ ಐದು ವರ್ಷಗಳಲ್ಲಿ ಭಾರತದ ಆರ್ಥಿಕ ಅಭಿವೃದ್ಧಿಯ ಬಗ್ಗೆ ಪ್ರಶ್ನೆಯೊಂದಕ್ಕೆ ಪ್ರತಿಕ್ರಿಯಿಸಿ ಐಎಂಎಫ್ ಕಮ್ಯುನಿಕೇಷನ್ಸ್ ನಿರ್ದೇಶಕ ಗೆರ್ರಿ ರೈಸ್, "ಕಳೆದ ಐದು ವರ್ಷಗಳಿಂದ ಭಾರತ ಆರ್ಥಿಕತೆ ಶೇಕಡಾ ಏಳು ರಷ್ಟು ಏರಿಕೆಯಾಗುತ್ತಿದೆ ಎಂಬ ಕಾರಣದಿಂದಾಗಿ, ಭಾರತವು ವಿಶ್ವದ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ದೊಡ್ಡ ಆರ್ಥಿಕ ವ್ಯವಸ್ಥೆಗಳಲ್ಲಿ ಒಂದಾಗಿದೆ" ಎಂದು ಗುರುವಾರ ಹೇಳಿದ್ದಾರೆ.
"ಸದ್ಯ ಹಲವು ಪ್ರಮುಖ ಸುಧಾರಣೆಗಳನ್ನು ಅಳವಡಿಸಲಾಗಿದೆ ಮತ್ತು ಭಾರತವು ಹೊಂದಿರುವ ಜನಸಂಖ್ಯಾ ಡಿವಿಡೆಂಡ್ ಅವಕಾಶವನ್ನು ಬಳಸಿಕೊಳ್ಳುವುದು ಸೇರಿದಂತೆ, ಈ ಹೆಚ್ಚಿನ ಬೆಳವಣಿಗೆಯನ್ನು ಉಳಿಸಿಕೊಳ್ಳಲು ಹೆಚ್ಚಿನ ಸುಧಾರಣೆಗಳು ಅಗತ್ಯವೆಂದು ನಾವು ಭಾವಿಸುತ್ತೇವೆ" ಎಂದು ಅವರು ಹೇಳಿದರು.
ಮುಂಬರುವ ವರ್ಲ್ಡ್ ಎಕನಾಮಿಕ್ ಔಟ್ಲುಕ್ (WEO) ಸಮೀಕ್ಷೆಯ ವರದಿಯಲ್ಲಿ ಭಾರತೀಯ ಆರ್ಥಿಕತೆಯ ಬಗ್ಗೆ ವಿವರಗಳನ್ನು ವಿಶ್ವ ಬ್ಯಾಂಕ್ನ ಮುಂದಿನ ವಾರ್ಷಿಕ ಸಭೆಯ ಮುಂದೆ IMF ಬಿಡುಗಡೆಗೊಳಿಸುತ್ತದೆ ಎಂದು ಅವರು ತಿಳಿಸಿದ್ದಾರೆ. ಈ ಸಭೆ ಐಎಂಎಫ್ ಮುಖ್ಯ ಅರ್ಥಶಾಸ್ತ್ರಜ್ಞರಾದ ಭಾರತೀಯ ಅಮೆರಿಕನ್ ಅರ್ಥಶಾಸ್ತ್ರಜ್ಞ ಗೀತಾ ಗೋಪಿನಾಥ್ ಅವರ ಅಡಿಯಲ್ಲಿ ಮೊದಲನೆಯದು.
"WEO ಹೆಚ್ಚಿನ ವಿವರಗಳಿಗೆ ಹೋಗುತ್ತದೆ. ಆದರೆ ನೀತಿ ಆದ್ಯತೆಗಳ ನಡುವೆ, ಬ್ಯಾಂಕುಗಳು ಮತ್ತು ಕಾರ್ಪೋರೆಟ್ ಬ್ಯಾಲೆನ್ಸ್ ಶೀಟ್ಗಳ ಸ್ವಚ್ಛಗೊಳಿಸುವಿಕೆ, ಕೇಂದ್ರ ಏಕೀಕರಣ ಮತ್ತು ಆರ್ಥಿಕ ಸ್ಥಿತಿಯನ್ನು ಮುಂದುವರೆಸುವುದು ಮತ್ತು ಫ್ಯಾಕ್ಟರ್ ಮಾರುಕಟ್ಟೆಗಳು, ಕಾರ್ಮಿಕ, ಭೂ ಸುಧಾರಣೆಗಳು ಮತ್ತು ರಚನಾತ್ಮಕ ಸುಧಾರಣೆಗಳ ವಿಷಯದಲ್ಲಿ ಸುಧಾರಣಾ ಆವೇಗವನ್ನು ವಿಶಾಲವಾಗಿ ನಿರ್ವಹಿಸುತ್ತೇವೆ. ಮತ್ತಷ್ಟು ವೇಗವಾಗಿ ಮತ್ತು ಹೆಚ್ಚು ಅಂತರ್ಗತ ಬೆಳವಣಿಗೆ ಸಾಧಿಸಲು ವ್ಯಾಪಾರದ ವಾತಾವರಣವನ್ನು ಹೆಚ್ಚಿಸುತ್ತದೆ" ಎಂದು ರೈಸ್ ಹೇಳಿದರು.
