Pakistan: ಪಾಕಿಸ್ತಾನದಲ್ಲಿ ಇತಿಹಾಸ ಸೃಷ್ಟಿಸಿದ ಹಿಂದೂ ಹುಡುಗಿ

ಪಾಕಿಸ್ತಾನದಲ್ಲಿ ವಾಸಿಸುತ್ತಿರುವ ಡಾ.ಸನಾ ರಾಮಚಂದ್ ಗುಲ್ವಾನಿ (Dr Sana Ramchand Gulwani) ಎಂಬ 27 ವರ್ಷದ ವೈದ್ಯೆ ಇತಿಹಾಸ ಸೃಷ್ಟಿಸಿದ್ದಾರೆ. ಅವರು ಈಗಾಗಲೇ 'ಸೆಂಟ್ರಲ್ ಸುಪೀರಿಯರ್ ಸರ್ವೀಸಸ್' ಅಂದರೆ ಸಿಎಸ್‌ಎಸ್ ಅನ್ನು ಪಾಸು ಮಾಡಿದ್ದಾರೆ, ಇದು ಪಾಕಿಸ್ತಾನದ ಕಠಿಣ ಪರೀಕ್ಷೆಯೆಂದು ಪರಿಗಣಿಸಲಾಗಿದೆ, ಈಕೆ ಮೊದಲ ಪ್ರಯತ್ನದಲ್ಲೇ ಉತ್ತೀರ್ಣರಾಗಿದ್ದಾರೆ. ಪಾಕಿಸ್ತಾನದ ಇತಿಹಾಸದಲ್ಲಿ ಒಬ್ಬ ಹಿಂದೂ ಈ ಯಶಸ್ಸನ್ನು ಸಾಧಿಸಿದ್ದು ಇದೇ ಮೊದಲು.

Photo Credit: Express Tribune

ಇಸ್ಲಾಮಾಬಾದ್: ಪಾಕಿಸ್ತಾನದಲ್ಲಿ ಹಿಂದೂ ಹುಡುಗಿ ಇತಿಹಾಸ ಸೃಷ್ಟಿಸಿದ್ದಾಳೆ. ಡಾ.ಸನಾ ರಾಮಚಂದ್ ಗುಲ್ವಾನಿ (Dr Sana Ramchand Gulwani) ಎಂಬ 27 ವರ್ಷದ ಯುವತಿ ಸೆಂಟ್ರಲ್ ಸುಪೀರಿಯರ್ ಸರ್ವೀಸಸ್ (CSS) ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದುವಲ್ಲಿ ಯಶಸ್ವಿಯಾಗಿದ್ದಾರೆ. ಪಾಕಿಸ್ತಾನದ ಇತಿಹಾಸದಲ್ಲಿ ಈ ಪರೀಕ್ಷೆಯಲ್ಲಿ ಒಬ್ಬ ಹಿಂದೂ ಹುಡುಗಿ (Hindu Girl In Pakistan) ಯಶಸ್ವಿಯಾಗಿದ್ದು ಇದೇ ಮೊದಲು. ವಿಶೇಷವೆಂದರೆ  ಇದು ಪಾಕಿಸ್ತಾನದ ಕಠಿಣ ಪರೀಕ್ಷೆಯೆಂದು ಪರಿಗಣಿಸಲಾಗಿದೆ, ಈಕೆ ಮೊದಲ ಪ್ರಯತ್ನದಲ್ಲೇ ಉತ್ತೀರ್ಣರಾಗಿದ್ದಾರೆ. ಇದೀಗ ಆಕೆಯ ನೇಮಕಾತಿಯನ್ನೂ ಅನುಮೋದಿಸಲಾಗಿದೆ.

2% ಕ್ಕಿಂತ ಕಡಿಮೆ ಅಭ್ಯರ್ಥಿಗಳು ಉತ್ತೀರ್ಣರಾಗಿದ್ದಾರೆ :
'ಎಕ್ಸ್‌ಪ್ರೆಸ್ ಟ್ರಿಬ್ಯೂನ್' ವರದಿಯ ಪ್ರಕಾರ, ಪಾಕಿಸ್ತಾನದ  (Pakistan) ಈ ಪರೀಕ್ಷೆಯು ಎಷ್ಟು ಕಷ್ಟಕರವಾಗಿದೆ ಎಂದರೆ, 2% ಕ್ಕಿಂತ ಕಡಿಮೆ ಅಭ್ಯರ್ಥಿಗಳು ಯಶಸ್ಸನ್ನು ಗಳಿಸಿದ್ದಾರೆ ಎಂಬುದರಲ್ಲಿ ಇದರ ಕಠಿಣತೆಯನ್ನು ಅಳೆಯಬಹುದು. ಸೆಂಟ್ರಲ್ ಸುಪೀರಿಯರ್ ಸರ್ವೀಸಸ್ (ಸಿಎಸ್ಎಸ್) ಮೂಲಕ ಪಾಕಿಸ್ತಾನದಲ್ಲಿ ಆಡಳಿತಾತ್ಮಕ ಸೇವೆಗಳಲ್ಲಿ ನೇಮಕಾತಿಗಳಿವೆ. ಸರಳವಾಗಿ ಹೇಳುವುದಾದರೆ, ಇದು ಭಾರತದ ನಾಗರಿಕ ಸೇವೆಗಳ ಪರೀಕ್ಷೆಯಂತೆ.

ಇದನ್ನೂ ಓದಿ- SpaceX Tour: ಕಕ್ಷೆಯಲ್ಲಿ ಯಶಸ್ವಿಯಾಗಿ 3 ದಿನ ಕಳೆದು ಭೂಮಿಗೆ ಮರಳಿದ ಪ್ರವಾಸಿಗರು..!

ಪೋಷಕರ ಬಯಕೆ ಬೇರೆಯೇ ಇತ್ತು:  
ಡಾ.ಸನಾ ರಾಮಚಂದ್ ಗುಲ್ವಾನಿ (Dr Sana Ramchand Gulwani) ಈ ಪರೀಕ್ಷೆಯಲ್ಲಿ ಸಿಂಧ್ ಪ್ರಾಂತ್ಯದ ಗ್ರಾಮೀಣ ಸೀಟಿನಿಂದ ಹಾಜರಾಗಿದ್ದರು. ಈ ಆಸನವು ಪಾಕಿಸ್ತಾನ ಆಡಳಿತ ಸೇವೆಯ ಅಡಿಯಲ್ಲಿ ಬರುತ್ತದೆ. ಈ ಸ್ಥಾನವನ್ನು ದೇಶದ ನಾಗರಿಕ ಸೇವೆಯ ಅತ್ಯಂತ ಗಣ್ಯ ಮತ್ತು ಪ್ರತಿಷ್ಠಿತ ಕೇಡರ್ ಎಂದು ಪರಿಗಣಿಸಲಾಗಿದೆ. ಹಿಂದೂ ಸಮುದಾಯದ ಅನೇಕ ಕಾರ್ಯಕರ್ತರ ಪ್ರಕಾರ, ಡಾ. ಗುಲ್ವಾನಿ, ವಿಭಜನೆಯ ನಂತರ ಈ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಸಮುದಾಯದ ಮೊದಲ ಪಾಕಿಸ್ತಾನಿ ಮಹಿಳೆ.

ತನ್ನ ಯಶಸ್ಸಿನ ಬಗ್ಗೆ ಸಂತಸ ವ್ಯಕ್ತಪಡಿಸಿದ ಸನಾ, 'ಇದು ನನ್ನ ಮೊದಲ ಪ್ರಯತ್ನ ಮತ್ತು ನಾನು ಬಯಸಿದ್ದನ್ನು ಸಾಧಿಸಿದ್ದೇನೆ' ಎಂದು ಹೇಳಿದರು. ಸನಾ ಪ್ರಕಾರ, ಆಕೆಯ ಪೋಷಕರು ಆಕೆ ಆಡಳಿತಕ್ಕೆ ಹೋಗುವುದನ್ನು ಬಯಸಲಿಲ್ಲ. ಏಕೆಂದರೆ ಹೆತ್ತವರ ಕನಸು ಆಕೆಯನ್ನು ವೈದ್ಯಕೀಯ ಕ್ಷೇತ್ರದಲ್ಲಿ ನೋಡುವುದು. 

ಇದನ್ನೂ ಓದಿ- Watch Video: ಅಪರಿಚಿತನ ಗುಂಡಿನ ದಾಳಿಗೆ 8 ಬಲಿ, ಜೀವ ಉಳಿಸಿಕೊಳ್ಳಲು ಕಟ್ಟಡದಿಂದ ಹಾರಿದ ವಿದ್ಯಾರ್ಥಿಗಳು!

ಎರಡೂ ಕನಸುಗಳನ್ನು ಪೂರೈಸಿದ್ದೇನೆ​:
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಡಾ. ಸನಾ, 'ನನ್ನ ಪೋಷಕರು ಮತ್ತು ನನ್ನ ಇಬ್ಬರ ಕನಸನ್ನು ನಾನು ಪೂರೈಸಿದ್ದೇನೆ. ನಾನು ಆಡಳಿತದ ಭಾಗವಾಗಿ ಮತ್ತು ವೈದ್ಯಳಾಗುತ್ತೇನೆ' ಎಂದು ತಿಳಿಸಿದ್ದಾರೆ. ಸನಾ ಐದು ವರ್ಷಗಳ ಹಿಂದೆ ಶಹೀದ್ ಮೊಹತರ್ಮ ಬೆನಜೀರ್ ಭುಟ್ಟೋ ವೈದ್ಯಕೀಯ ವಿಶ್ವವಿದ್ಯಾಲಯದಿಂದ ಬ್ಯಾಚುಲರ್ ಆಫ್ ಮೆಡಿಸಿನ್‌ನಲ್ಲಿ ಪದವಿ ಪಡೆದರು. ಅದರ ನಂತರ ಅವರು ಶಸ್ತ್ರಚಿಕಿತ್ಸಕರೂ ಆಗಿದ್ದಾರೆ. ಮೂತ್ರಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸಿದ ನಂತರ, ಅವರು ಕೇಂದ್ರೀಯ ಉನ್ನತ ಸೇವೆಗಳಿಗೆ ತಯಾರಿ ಆರಂಭಿಸಿದರು.