സൂര്യഗ്രഹണവും ചന്ദ്രഗ്രഹണവും ജ്യോതിശാസ്ത്രത്തിലെ പ്രധാനപ്പെട്ട സംഭവങ്ങളാണ്. കൂടാതെ, ഹിന്ദുമത വിശ്വാസപ്രകാരം ഗ്രഹണം അശുഭകരമായാണ് കണക്കാക്കുന്നത്. സൂര്യഗ്രഹണ സമയത്തും ചന്ദ്രഗ്രഹണസമയത്തും ഭൂമിയിൽ നെഗറ്റീവ് ഊർജം വർദ്ധിക്കും. അതുകൊണ്ടാണ് ഗ്രഹണ സമയത്ത് മംഗളകരമായ പ്രവൃത്തികൾ പാടില്ല എന്ന് പൂർവ്വികർ പറയുന്നത്. ഗ്രഹണം ആരംഭിക്കുന്നതിന് മണിക്കൂറുകൾക്ക് മുമ്പ് സൂതകകാലം ആരംഭിക്കുന്നു. ഈ സമയത്ത് പല പ്രവൃത്തികളും നിരോധിച്ചിരിക്കുന്നു. ഈ വർഷത്തെ അടുത്തതും രണ്ടാമത്തേതുമായ സൂര്യഗ്രഹണം ഒക്ടോബറിൽ ആണ് സംഭവിക്കാൻ പോകുന്നത്.
ഈ വർഷത്തെ രണ്ടാമത്തെ സൂര്യഗ്രഹണം ഒക്ടോബർ 14 ന് സംഭവിക്കും. നേരത്തെ ഏപ്രിൽ 20നായിരുന്നു ആദ്യ സൂര്യഗ്രഹണം. ശാരദിയ നവരാത്രിക്ക് 1 ദിവസം മുമ്പുള്ള അശ്വിന മാസത്തിലെ അമാവാസി നാളിലാണ് ഈ വർഷത്തിലെ രണ്ടാമത്തെ സൂര്യഗ്രഹണം സംഭവിക്കുന്നത്. ഗ്രഹണം ഒക്ടോബർ 14 ശനിയാഴ്ച രാത്രി 8:34 ന് ആരംഭിച്ച് പുലർച്ചെ 2:25 ന് അവസാനിക്കും. ഈ സൂര്യഗ്രഹണം വാർഷിക സൂര്യഗ്രഹണമായിരിക്കും. ഈ സൂര്യഗ്രഹണം ഇന്ത്യയിൽ ദൃശ്യമല്ല, അതിനാൽ അതിന്റെ സൂതകകാലം നമുക്ക് സാധുവല്ല. പടിഞ്ഞാറൻ ആഫ്രിക്ക, വടക്കേ അമേരിക്ക, തെക്കേ അമേരിക്ക, അറ്റ്ലാന്റിക്, ആർട്ടിക് എന്നിവിടങ്ങളിൽ വർഷത്തിലെ രണ്ടാം സൂര്യഗ്രഹണം ദൃശ്യമാകും.
ALSO READ: ശനി നേർരേഖയിലേക്ക്; 4 രാശിക്കാരുടെ ഭാഗ്യം തിളങ്ങും, 12 രാശികളുടെയും ഫലം അറിയാം...
2023ലെ രണ്ടാം ചന്ദ്രഗ്രഹണം: സൂര്യഗ്രഹണം കൂടാതെ, ചന്ദ്രഗ്രഹണം കൂടെ 2023ൽ സംഭവിക്കുമെന്ന് പ്രതീക്ഷിക്കുന്നു. നേരത്തെ മെയ് അഞ്ചിന് ചന്ദ്രഗ്രഹണം ഉണ്ടായിരുന്നു. ഈ ചന്ദ്രഗ്രഹണം ഇന്ത്യയിൽ ദൃശ്യമായിരുന്നില്ല. മാത്രവുമല്ല, 2023ൽ സംഭവിക്കുന്ന 4 ഗ്രഹണങ്ങളിൽ 3 എണ്ണവും ഇന്ത്യയിൽ ദൃശ്യമാകില്ല. ഈ വർഷത്തിലെ അവസാനത്തേതും രണ്ടാമത്തേതുമായ ചന്ദ്രഗ്രഹണം മാത്രമാണ് ഇക്കാര്യത്തിൽ പ്രത്യേകതയുള്ളത്. ഒക്ടോബർ 29 ന് ഇന്ത്യയിൽ ചന്ദ്രഗ്രഹണം ദൃശ്യമാകും. ഈ ചന്ദ്രഗ്രഹണം ഒക്ടോബർ 29 ന് ഉച്ചയ്ക്ക് 1.06 ന് ആരംഭിച്ച് 2.22 ന് അവസാനിക്കും. ഈ പൂർണ്ണ ചന്ദ്രഗ്രഹണം ഇന്ത്യയിൽ ദൃശ്യമാണ്, അതിനാൽ അതിന്റെ സൂതക കാലവും സാധുവാണ്. യൂറോപ്പ്, ഏഷ്യ, ഓസ്‌ട്രേലിയ, ആഫ്രിക്ക, വടക്കേ അമേരിക്ക, വടക്ക്, കിഴക്കൻ തെക്കേ അമേരിക്ക, അറ്റ്ലാന്റിക് സമുദ്രം, ഇന്ത്യൻ മഹാസമുദ്രം , അന്റാർട്ടിക്ക എന്നിവിടങ്ങളിലും ഈ വർഷത്തെ 2-ാമത് ചന്ദ്രഗ്രഹണം ദൃശ്യമാകും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
