Vastu tips for peace in home: വീടിനുള്ളിൽ കലഹം പതിവാണോ? വാസ്തുവിൽ ഇക്കാര്യങ്ങൾ ശ്രദ്ധിക്കാം

Vastu tips for happiness in home: വാസ്തുവിൽ ഉണ്ടാകുന്ന പിഴവുകൾ പരിഹരിച്ച് മുന്നോട്ട് പോയാൽ വീട്ടിൽ കലഹം ഉണ്ടാകില്ലെന്നാണ് വാസ്തു വിദ​ഗ്ധർ വ്യക്തമാക്കുന്നത്.

ജോലിഭാരവും മറ്റ് സമ്മർദ്ദങ്ങളും മാറ്റിവച്ച് വളരെ ശാന്തവും സന്തോഷപൂർണവുമായ അന്തരീക്ഷം ലഭിക്കാനാണ് എല്ലാവരും വീടുകളിലേക്ക് എത്തുന്നത്. എന്നാൽ, വീട്ടിൽ നിരന്തരം കലഹമാണെങ്കിലോ. ഒരിക്കലും അങ്ങനെ ഒരിടത്തേക്ക് എത്താൻ ആരും ആ​ഗ്രഹിക്കില്ല. വീടുകളിൽ എന്നും കലഹം ഉണ്ടാകുന്നതിന് പിന്നിൽ വാസ്തുവിൽ ഉണ്ടാകുന്ന പിഴവുകളും കാരണമാകാം. ഇവ പരിഹരിച്ച് മുന്നോട്ട് പോയാൽ വീട്ടിൽ കലഹം ഉണ്ടാകില്ലെന്നാണ് വാസ്തു വിദ​ഗ്ധർ വ്യക്തമാക്കുന്നത്. മാത്രമല്ല, വീടിനുള്ളിൽ സമാധാനവും സന്തോഷവും നിറഞ്ഞ അന്തരീക്ഷം ഉണ്ടാകുകയും ചെയ്യും. അതിനാല്‍ വീടുകളില്‍ കലഹമില്ലാതെ സന്തോഷവും സമാധാനവും നിലനിൽക്കാൻ വാസ്തു വിദ്യയിൽ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് നോക്കാം.

1- വീട് വച്ചിരിക്കുന്ന ഭൂമിയുടെ തെക്ക് പടിഞ്ഞാറേ മൂല (കന്നിമൂല) ഉയര്‍ന്നും വടക്ക് കിഴക്കേമൂല താഴ്ന്നും ഇരിക്കണമെന്നാണ് വാസ്തുശാസ്ത്രത്തിൽ നിർദേശിക്കുന്നത്. അങ്ങനെയല്ലെങ്കില്‍ വീട്ടിൽ നിരന്തരം കലഹം ഉണ്ടാകും.

2- കിണര്‍, വാട്ടര്‍ടാങ്ക് പോലുള്ള ജലസംഭരണികള്‍ വീടിന്റെ വടക്ക് കിഴക്കായിരിക്കണം സ്ഥിതി ചെയ്യേണ്ടത്. ജലസ്രോതസ്സുകള്‍ ഒരിക്കലും വീടിന്റെ കിഴക്ക്-തെക്ക് മൂലയില്‍ വരരുത്. കിഴക്ക്-തെക്ക് മൂല അഗ്‌നികോൺ ആയാണ് കണക്കാക്കുന്നത്. അതിനാൽ ഈ സ്ഥലത്ത് ജലസംഭരണികൾ  വന്നാല്‍ വീട്ടിൽ ദുരിതങ്ങളാകും ഫലം.

3- വളര്‍ത്തുമൃഗങ്ങളെ പ്രധാന വാതിലിന് സമീപത്തായി കെട്ടിയിടുകയോ വളർത്തുമൃ​ഗങ്ങൾക്കായുള്ള കൂടുകൾ പ്രധാന വാതിലിന് സമീപത്തായി നിർമിക്കുകയോ ചെയ്യരുത്.

4- പ്രധാന വാതിലുകള്‍, പ്രത്യേകിച്ച് പുറത്ത് നിന്ന് അകത്തേക്ക് തുറക്കുന്ന വാതിലുകള്‍ക്ക് അഭിമുഖമായി കണ്ണാടികൾ വയ്ക്കരുത്. പ്രതിബിംബം കാണുന്ന വിധത്തിൽ ഈ ഭാ​ഗത്ത് കണ്ണാടികൾ വയ്ക്കുന്നത് ദുരിതത്തിന് കാരണമാകും.

5- പൊട്ടിയ കണ്ണാടി, കേടായ ഘടികാരം, കേടായ വാച്ച്, ഉപയോഗിക്കാത്ത വസ്ത്രങ്ങള്‍ തുടങ്ങിയവയൊന്നും വീട്ടിനുള്ളില്‍ സൂക്ഷിക്കരുത്. പഴയ ചില വസ്ത്രങ്ങളും സാധനങ്ങളും ഒക്കെ വൈകാരികമായ കാരണങ്ങളാല്‍ ഉപേക്ഷിക്കാന്‍ സാധിക്കുന്നില്ലെങ്കിൽ വസ്ത്രങ്ങൾ സൂക്ഷിച്ച് വയ്ക്കാം. എന്നാൽ കേടായ വസ്തുക്കൾ ഉപേക്ഷിക്കുന്നതാണ് നല്ലത്.

6- മഷി തീര്‍ന്ന പേനകള്‍, കേടായ ഇലക്ട്രിക് ഉപകരണങ്ങൾ എന്നിവയും വീട്ടില്‍ സൂക്ഷിക്കരുത്. ഇവ നെഗറ്റീവ് ഊര്‍ജ പ്രഭാവം സൃഷ്ടിക്കും. ഇത്തരം വസ്തുക്കൾ വീടിനുള്ളിൽ സൂക്ഷിക്കുന്നത് മോശം അന്തരീക്ഷത്തിന് വഴിവയ്ക്കും.

7- കത്താത്ത ബൾബുകൾ ഹോൾഡറിൽ തന്നെ കിടക്കുന്നുണ്ടെങ്കിൽ അവ മാറ്റിയിടാൻ ശ്രദ്ധിക്കണം. ഇതും നെ​ഗറ്റീവ് എനർജി വീടിനുള്ളിൽ ഉണ്ടാകുന്നതിന് കാരണമാകും.

8- വീട്ടിലെ എല്ലാ സാധങ്ങളും അടുക്കും ചിട്ടയുമായി ക്രമീകരിച്ച് വയ്ക്കണം. സാധനങ്ങൾ അടുക്കും ചിട്ടയും ഇല്ലാതെ വാരിവലിച്ച് ഇട്ടിരിക്കുന്ന വീടുകളിൽ നെ​ഗറ്റീവ് എനർജി ഉണ്ടാകും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy