ബാങ്ക് ഓഫ് ഇന്ത്യയുടെ സ്പെഷ്യൽ സ്ഥിര നിക്ഷേപ സ്കീമായ ശുഭ് ആരംഭ ഡെപോസിറ്റിന്റെ പലിശ നിരക്ക് ഉയർത്തി. 501 ദിവസം കലാവധിയിൽ രണ്ട് കോടി രൂപയിൽ താഴെയുള്ള സ്ഥിര നിക്ഷേപങ്ങൾക്കാണ് ബിഒഐ പലിശ നിരക്ക് ഉയർത്തിയിരിക്കുന്നത്. ഏപ്രിൽ ഒന്ന് മുതൽ പുതിയ നിരക്ക് പ്രാബല്യത്തിൽ വന്നു.
സാധാരണക്കാരായ ബാങ്ക് ഉപയോക്താക്കൾക്ക് 7.15 ശതമാനം പലിശ നിരക്കാണ് ശുഭ് ആരംഭ ഡെപോസിറ്റിന്റെ കീഴിലുള്ള നിക്ഷേപങ്ങൾക്ക് നൽകുന്നത്. 7.65 ശതമാനം മുതിർന്ന പൌരന്മാർക്കും 7.8 ശതമാനം നിരക്കാണ് 80 വയസിന് മുകളിൽ പ്രായമുള്ളവർക്കുമാണ് ബാങ്ക് പലിശ നൽകുന്നത്. എൻആർഒ, എൻആർഇ അക്കൌണ്ടുകൾക്കും പലിശ നിരക്കിൽ സ്ഥിരം നിക്ഷേപം നടത്താൻ സാധിക്കുന്നതാണ്.
7 ദിവസം മുതൽ 45 ദിവസം വരെ കാലാവധിയുള്ള മറ്റ് ടേം നിക്ഷേപങ്ങളുടെ പലിശ നിരക്ക് 3 ശതമാനമാണ്. 46 ദിവസം മുതൽ 179 ദിവസം വരെയുള്ള കാലയളവിലേക്ക് ബാങ്ക് 4.5 ശതമാനം പലിശ നിരക്ക് വാഗ്ദാനം ചെയ്യുന്നു. 180 ദിവസം മുതൽ 269 ദിവസം വരെ 5 ശതമാനം പലിശയാണ് ബാങ്ക് വാഗ്ദാനം ചെയ്യുന്നത്. 270 ദിവസം മുതൽ ഒരു വർഷത്തിൽ താഴെ വരെയുള്ള നിക്ഷേപങ്ങൾക്ക് ബാങ്ക് 5.5 ശതമാനം പലിശ നൽകുന്നു.
ഒരു വർഷം മുതൽ 2 വർഷം വരെ, ബാങ്ക് നിക്ഷേപത്തിന് (501 ദിവസം ഒഴികെ) 6 ശതമാനം പലിശ വാഗ്ദാനം ചെയ്യുന്നു. ബാങ്ക് ഓഫ് ഇന്ത്യ 2 വർഷം മുതൽ 3 വർഷം വരെ 6.75 ശതമാനം വാഗ്ദാനം ചെയ്യുന്നു. 3 വർഷം മുതൽ 5 വർഷത്തിൽ താഴെ വരെ, പലിശ നിരക്ക് 6.5 ശതമാനമായും 5 വർഷം മുതൽ 10 വർഷം വരെ ഉപഭോക്താക്കൾക്ക് 6 ശതമാനം പലിശയും ലഭിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
