Financial Planning: സാമ്പത്തിക ആസൂത്രണം ഭാവി സുരക്ഷിതമാക്കും; ശ്രദ്ധിക്കാം ഇക്കാര്യങ്ങൾ

Financial planning benefits: ഇപ്പോളും ഭാവിയിലും നിങ്ങളുടെ സാമ്പത്തികം കൈകാര്യം ചെയ്യാൻ, നിങ്ങൾക്ക് സമഗ്രമായ ഒരു പ്ലാൻ ആവശ്യമാണ്. ഇത് ലക്ഷ്യങ്ങൾ കൈവരിക്കുന്നതിനും സാമ്പത്തിക ബാധ്യത കുറയ്ക്കുന്നതിനും സഹായിക്കുന്നു.

പലർക്കും പണം കൈകാര്യം ചെയ്യുന്നത് ബുദ്ധിമുട്ടാണ്. പലപ്പോഴും സങ്കീർണതയും അജ്ഞതയുമാണ് സാമ്പത്തിക കാര്യങ്ങൾ ബുദ്ധിമുട്ടേറിയതാക്കുന്നത്. കടം തിരിച്ചടവ് അല്ലെങ്കിൽ റിട്ടയർമെൻറ് സേവിംഗ്സ് പോലുള്ള നിങ്ങളുടെ സാമ്പത്തിക കാര്യങ്ങളിൽ നിങ്ങൾ കൃത്യമായ ആസൂത്രണം നടത്തിയിട്ടുണ്ടോ?

സാമ്പത്തിക ആസൂത്രണം നടത്താൻ ഇനിയും വൈകിയിട്ടില്ലെന്ന് മനസ്സിലാക്കുക. ഇപ്പോളും ഭാവിയിലും നിങ്ങളുടെ സാമ്പത്തികം കൈകാര്യം ചെയ്യാൻ, നിങ്ങൾക്ക് സമഗ്രമായ ഒരു പ്ലാൻ ആവശ്യമാണ്. ഇത് ലക്ഷ്യങ്ങൾ കൈവരിക്കുന്നതിനും സാമ്പത്തിക ബാധ്യത കുറയ്ക്കുന്നതിനും സഹായിക്കുന്നു.

എന്താണ് സാമ്പത്തിക ആസൂത്രണം?

സാമ്പത്തിക ആസൂത്രണം എന്നത് ലക്ഷ്യങ്ങൾ മനസ്സിലാക്കി ആ ലക്ഷ്യങ്ങൾ കൈവരിക്കുന്നതിന് ആവശ്യമായ സോഴ്സുകൾ കണ്ടെത്തി തുടർന്ന് അതിനായി ഒരു തന്ത്രം ആവിഷ്കരിക്കുന്ന പ്രക്രിയയാണ്. അതിൽ ഒരാളുടെ മൊത്തത്തിലുള്ള സാമ്പത്തിക സ്ഥിതി വിലയിരുത്തുകയും ഹ്രസ്വവും ദീർഘകാലവും ആയ ആവശ്യങ്ങൾ എങ്ങനെ നിറവേറ്റാം എന്നതിനെക്കുറിച്ച് പദ്ധതി തയ്യാറാക്കുകയും ചെയ്യുന്നു. ഫിനാൻഷ്യൽ പ്ലാനർമാർ അവരുടെ ഉപഭോക്താക്കൾക്ക് കൂടുതൽ സുരക്ഷിതമായ ഭാവി പ്രദാനം ചെയ്യുന്നതിനായി, റിട്ടയർമെന്റ് ആസൂത്രണവും വിദ്യാഭ്യാസ സമ്പാദ്യവും മുതൽ നികുതി, ഇൻഷുറൻസ് മാനേജ്‌മെന്റ് വരെയുള്ള എല്ലാ കാര്യങ്ങളിലും അവർക്ക് മാർ​ഗനിർദേശങ്ങൾ നൽകുന്നു.

സാമ്പത്തിക ആസൂത്രണം വിവിധ തരത്തിൽ

സാമ്പത്തിക ക്രയവിക്രയങ്ങൾ: ഒരു സ്ഥാപനത്തിന്റെ ഭാവി പണമൊഴുക്ക് പ്രവചിക്കാൻ സാമ്പത്തിക ക്രയവിക്രയ ആസൂത്രണം ഉപയോഗിക്കുന്നു. പ്രൊജക്ട് ചെയ്ത വരുമാനം, ചെലവുകൾ, നിക്ഷേപ വരുമാനം എന്നിവ ഉൾപ്പെടെയുള്ള ഘടകങ്ങൾ ഇതിനായി പരിഗണിക്കുന്നു. ബിസിനസുകൾക്ക് തങ്ങളുടെ ഉത്തരവാദിത്തങ്ങൾ നിറവേറ്റാൻ ആവശ്യമായ പണം കൈയിലുണ്ടെന്ന് ഉറപ്പാക്കാൻ സാമ്പത്തിക ക്രയവിക്രയത്തിലുള്ള ആസൂത്രണം നിർണായകമാണ്.

ഇൻഷുറൻസ് ആസൂത്രണം: ചില സംഭവങ്ങൾ ഒരു കമ്പനിയുടെ ഇൻഷുറൻസ് കവറേജിനെ എങ്ങനെ ബാധിക്കുമെന്ന് നിർണ്ണയിക്കാൻ ഇൻഷുറൻസ് ആസൂത്രണം സഹായിക്കും. ഉദാഹരണത്തിന്, വരാനിരിക്കുന്ന ക്ലെയിമുകളുടെ ചെലവ് പ്രവചിക്കാനും ഒരു ബിസിനസ്സിനായി ശരിയായ ഇൻഷുറൻസ് തിരഞ്ഞെടുക്കാനും ഇത് ഉപയോഗിക്കാം.

റിട്ടയർമെന്റ് ആസൂത്രണം: വിരമിക്കലിന് വേണ്ടിയുള്ള ആസൂത്രണം നിങ്ങളുടെ ഭാവിക്ക് വേണ്ടിയുള്ള തയ്യാറെടുപ്പുകളുടെ പ്രധാന ഭാ​ഗമാണ്. അതുവഴി നിങ്ങളുടെ എല്ലാ ലക്ഷ്യങ്ങളും ആഗ്രഹങ്ങളും നേടിയെടുക്കാൻ കഴിയും. നിങ്ങളുടെ റിട്ടയർമെന്റ് ലക്ഷ്യങ്ങൾ നിശ്ചയിക്കുക, നിങ്ങൾക്ക് എത്ര പണം ഭാവി ജീവിതത്തിനായി വേണ്ടിവരുമെന്ന് കണക്കാക്കുക, നിങ്ങളുടെ റിട്ടയർമെന്റ് സേവിംഗ്സ് വർദ്ധിപ്പിക്കാൻ നിക്ഷേപം നടത്തുക എന്നിവയെല്ലാം ഇതിൽ ഉൾപ്പെടുന്നു.

നികുതി ആസൂത്രണം: നികുതി കൃത്യമായി അടയ്‌ക്കാൻ നിങ്ങളെ പ്രാപ്‌തമാക്കുന്നതിന് നികുതി ആസൂത്രണം ആവശ്യമാണ്. നികുതി ആസൂത്രണത്തിൽ ഒരു സാമ്പത്തിക അവസ്ഥയോ പദ്ധതിയോ വിശകലനം ചെയ്യുന്നത് ഉൾപ്പെടുന്നു. നികുതി കാര്യക്ഷമത എന്നത് നിങ്ങളുടെ നികുതി ബാധ്യത കുറയ്ക്കുന്ന ഒരു തന്ത്രമാണ്. വ്യക്തിഗത നിക്ഷേപകന്റെ സാമ്പത്തിക പദ്ധതിയിൽ നിർണായക ഘടകമായി നികുതി ആസൂത്രണം ഉൾപ്പെടുത്തണം.

സാമ്പത്തിക ആസൂത്രണത്തിന്റെ നേട്ടങ്ങൾ

അത്യാഹിതങ്ങൾക്കായുള്ള മുൻകരുതൽ: അപകടങ്ങളോ ബിസിനസ്സ് നഷ്ടങ്ങളോ രോഗങ്ങളോ പ്രവചിക്കാൻ ആർക്കും കഴിയില്ല. ഈ സാഹചര്യത്തിൽ, നിങ്ങളുടെ സാമ്പത്തിക കാര്യങ്ങളിൽ നിങ്ങളുടെ ആരോഗ്യത്തിന് മുൻഗണന നൽകണം. ഒരു സാമ്പത്തിക തന്ത്രം നടപ്പിലാക്കുന്നതിനും അത് പാലിക്കുന്നതിനും നിങ്ങൾക്ക് ഒരു നിശ്ചിത തുക ലാഭിക്കേണ്ടതുണ്ട്. ഏറ്റവും കൂടുതൽ ഉപദേശിക്കപ്പെടുന്ന സാമ്പത്തിക പദ്ധതി ഘടകങ്ങളിലൊന്നാണ് അടിയന്തര ഫണ്ട്.

സാമ്പത്തിക സുരക്ഷ: ഒരു സാമ്പത്തിക പദ്ധതിയിലൂടെ നിങ്ങൾക്ക് നിങ്ങളുടെ കുടുംബത്തിന്റെ സാമ്പത്തികം സംരക്ഷിക്കാം. നിങ്ങളുടെ പ്രതിമാസ ആവശ്യങ്ങൾക്കായി പണം വിനിയോ​ഗിച്ചതിന് ശേഷം, ബാക്കി പണം കരുതലായി വയ്ക്കാം. നിങ്ങളുടെ വരുമാനം വർധിക്കുമ്പോൾ, സാമ്പത്തിക ആസൂത്രണം നിങ്ങളെ കൂടുതൽ സഹായിക്കും.

സാമ്പത്തിക സ്വാതന്ത്ര്യം: ചെറുപ്പം മുതൽ എല്ലാവരും ഒരു പിഗ്ഗി ബാങ്ക് ഉപയോഗിച്ച് സാമ്പത്തിക സ്വാതന്ത്ര്യത്തെക്കുറിച്ച് പഠിച്ചിട്ടുണ്ട്. എന്നിരുന്നാലും, ഭൂരിഭാഗം ആളുകളും അവരുടെ കുടുംബത്തിന്റെയോ സ്വയമുള്ള കടങ്ങളാലോ ബന്ധിക്കപ്പെട്ടിരിക്കുന്നു. ഒരു നല്ല സാമ്പത്തിക ആസൂത്രണത്തിലൂടെ സാമ്പത്തിക കാര്യങ്ങളിൽ പൂർണ സ്വാതന്ത്ര്യം നേടാം.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy