Aluva Honor Killing : ദുരഭിമാന കൊല; അന്യമതസ്ഥനെ പ്രണയിച്ചതിന് അച്ഛൻ വിഷം നൽകിയ കുട്ടി മരിച്ചു

Aluva Honor Killing Updates : സ്വകാര്യ ആശുപത്രിയിൽ ചികിത്സയിൽ തുടരവെയാണ് പെൺകുട്ടി മരിച്ചത്. 14 വയസായിരുന്നു

കൊച്ചി : ഇതരമതത്തിൽ പെട്ട യുവാവിനെ പ്രണയച്ചതിന് അച്ഛൻ വിഷം നൽകി കൊലപ്പെടുത്താൻ ശ്രമിച്ച പെൺകുട്ടി മരിച്ചു. വിഷബാധയെ തുടർന്ന് സ്വകാര്യ ആശുപത്രിയിൽ ചികിത്സിയിൽ തുടരവെയാണ് 14കാരിയായ പെൺകുട്ടി മരണമടഞ്ഞത്. കളനാശിനി ബലം പ്രയോഗിച്ച് കുടിപ്പിച്ചാണ് അച്ഛൻ അബീസ് പെൺകുട്ടിയെ കൊലപ്പെടുത്തിയത്. കേസിൽ നേരത്തെ അറസ്റ്റിലായ അബീസ് ഇപ്പോൾ റിമാൻഡിലാണ്.

ഈ കഴിഞ്ഞ ഒക്ടോബർ 29നാണ് പ്രതി പെൺകുട്ടിക്ക് വിഷം നൽകിയത്. അന്യമതത്തിൽ പെട്ട് യുവാവുമായി പ്രണയത്തിലാണെന്ന് അറിഞ്ഞ് പിതാവ് പെൺകുട്ടിയെ ക്രൂരമായി മർദ്ദിക്കുകയായിരുന്നു. തുടർന്നാണ് ബലപ്രയോഗം നടത്തി കുട്ടിയുടെ വായിൽ കളനാശിനി ഒഴിച്ച് നൽകിയത്. പെൺകുട്ടിയെ കമ്പിവടി ഉപയോഗിച്ച് മർദ്ദിക്കുകയും ചെയ്തു. പെൺകുട്ടിയുടെ അമ്മ വന്ന പിടിച്ച് മാറ്റുകയും തുടർന്നാണ് ആശുപത്രിയിൽ എത്തിച്ചത്.