ഹോട്ടലിൽ ഭക്ഷണം കഴിച്ച പൈസ ചോദിച്ച കടയുടമക്കും ഭാര്യക്കും മർദ്ദനം, പ്രതി അറസ്റ്റിൽ

നെയ്യാറ്റിൻകര: ഹോട്ടലിൽ ഭക്ഷണം കഴിച്ച ശേഷം പൈസ ചോദിച്ച കടയുടമക്കും മർദ്ദനം. സംഭവത്തിൽ ഒരാളെ പോലീസ് അറസ്റ്റ് ചെയ്തു. ആലംപൊറ്റ മേലേ കോട്ടുർ സ്വദേശി ശ്രീകുമാർ (43) നെയാണ് അറസ്റ്റ് ചെയ്തത്. നെയ്യാറ്റിൻകര പെരുമ്പഴുതൂരിലെ സ്വകാര്യ ഹോട്ടലിൽ  ഭക്ഷണം കഴിച്ച ശേഷം  പൈസ ചോദിച്ച കടയുടമയെയും ഭാര്യയെയുമാണ് ഇയാൾ മർദ്ദിച്ചത്.

നെയ്യാറ്റിൻകര പോലീസാണ് പ്രതിയെ അറസ്റ്റ് ചെയ്തത്. ഇത്തരത്തിലുള്ള സ്ഥിരം കുറ്റകൃത്യങ്ങൾ ചെയ്യുന്ന ആളാണ് ശ്രീകുമാർ എന്ന്  നെയ്യാറ്റിൻകര പോലീസ് പറഞ്ഞു.കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.