Palakkad : കൊലക്കേസ് പ്രതിയും കുടുംബവും പുഴയിൽ ചാടി ആത്മഹത്യ ചെയ്തു. പാലക്കാട് ജില്ലയിൽ ലക്കിടിയിലാണ് സംഭവം. തിരച്ചിലിനെ തുടർന്ന് ഇവരിൽ മൂന്ന് പേരുടെ മൃതദേഹം കണ്ടെത്തിയിട്ടുണ്ട്. ഒരാൾക്കായി തിരച്ചിൽ തുടരുകയാണ്. കൂത്തുപാത സ്വദേശിയായ അജിത് കുമാറും കുടുംബവുമാണ് പുഴയിൽ ചാടി ആത്മഹത്യ ചെയ്തത്.
അജിത് കുമാർ, ഭാര്യ ബിജി, മകൾ പാറു എന്നിവരുടെ മൃതദേഹമാണ് പൊലീസ് ഉദ്യോഗസ്ഥർ കണ്ടെത്തിയത്. അജിത്ത് , ബിജി ദമ്പതികളുടെ മകൾ അശ്വനന്ദയ്ക്കായി തിരച്ചിൽ തുടരുകയാണ്. ഇവരുടെ ആത്മഹത്യ കുറുപ്പ് പൊലീസ് കണ്ടെത്തിയിരുന്നു. മരണത്തെ കുറിച്ച് കൂടുതൽ വിവരങ്ങൾ ലഭ്യമായിട്ടില്ല.
മരിച്ച അജിത് ഒരു കൊലക്കേസിലെ പ്രതിയാണ്. 2012 ൽ അമ്മാവനെ കൊലപ്പെടുത്തിയ കേസിലെ പ്രതിയാണ് അജിത്. ഈ കേസിൽ നിലവിൽ വിചാരണ നടന്ന് വരികെയാണ്. എന്നാൽ കൊലക്കേസിനെയും, വിചാരണയെയും തുടർന്നുണ്ടായ മനോവിഷമമാണ് ആത്മഹത്യക്ക് കാരണമെന്നാണ് ആത്മഹത്യ കുറിപ്പിൽ പറയുന്നത്. കൂടുതൽ വിവരങ്ങൾ പോസ്റ്റുമോർട്ടത്തിന് ശേഷം പുറത്ത് വിടും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
