 "Crime News: വിദ്യാര്ത്ഥികള് തമ്മില് സംഘര്ഷം; പ്ലസ് ടു വിദ്യാര്ത്ഥിക്ക് കുത്തേറ്റു")
തിരുവനന്തപുരം: സ്കൂള് വിദ്യാര്ഥികള് തമ്മിലുണ്ടായ സംഘര്ഷത്തെ തുടര്ന്ന് പ്ലസ് ടു വിദ്യാര്ഥിക്ക് കുത്തേറ്റു. തിരുവനന്തപുരം പൂവച്ചല് ഹയര് സെക്കന്ഡറി സ്കൂളിലെ പ്ലസ് ടു വിദ്യാര്ഥി അസ്ലമിനാണ് കുത്തേറ്റത്. ശ്വാകോശം തുളച്ചുള്ള കുത്തേറ്റ അസ്ലം ഗുരുതരാവസ്ഥയിലാണ്. നിലവില് തിരുവനന്തപുരത്തെ സ്വകാര്യ ആശുപത്രിയില് ചികിത്സയിലാണ്.
ഇതേ സ്കൂളിലെ പ്ലസ് വണ് വിദ്യാര്ഥികളായ നാലുപേര് ചേര്ന്നാണ് അസ്ലമിനെ അക്രമിച്ചത്. പൂവച്ചല് ബാങ്ക് നട ജംഗ്ഷനില്വെച്ച് ഉച്ചയ്ക്കാണ് സംഭവം. സ്കൂളിന് ഇന്ന്(ശനി) അവധിയായിരുന്നു. ഒരുമാസം മുമ്പ് സ്കൂളിലെ പ്ലസ് വണ് വിദ്യാര്ഥികളും പ്ലസ് ടു വിദ്യാഥികളും തമ്മില് സംഘര്ഷമുണ്ടായിരുന്നു. അന്ന് പ്രിന്സിപ്പലിനും പിടിഎ പ്രസിഡന്റിനും പരിക്കേറ്റിരുന്നു. അന്നത്തെ സംഘര്ഷത്തിന്റെ ബാക്കിയാണ് ഈ സംഭവം എന്നാണ് പോലീസ് പറയുന്നത്.
അന്ന് സംഘര്ഷം തടയാനെത്തിയ പ്രിന്സിപ്പല് പ്രിയയെ വിദ്യാര്ഥികള് കസേര ചുറ്റിയാണ് അടിച്ചത്. തലയ്ക്ക് പരിക്കേറ്റ പ്രിന്സിപ്പലിനെ ആശുപത്രിയില് പ്രവേശിപ്പിച്ചിരുന്നു. തുടര്ന്ന് 18 വിദ്യാര്ഥികളെ സ്കൂളില് നിന്ന് പുറത്താക്കിയിരുന്നു. 20 വിദ്യാര്ഥികള്ക്കെതിരെ കാട്ടാക്കട പോലീസ് കേസുമെടുത്തിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
