Brain Health: അമ്പതുകളിൽ എത്തിയോ? ഓർമ്മക്കുറവിനെ നേരിടാൻ ഈ സൂപ്പർ ഫുഡ്സ് കഴിക്കാം

Memory Loss: മസ്തിഷ്ക ആരോഗ്യം, ഓർമ്മശക്തി, അൽഷിമേഴ്സ് അല്ലെങ്കിൽ ഡിമെൻഷ്യ എന്നിവ പ്രായമായവർ അഭിമുഖീകരിക്കുന്ന സാധാരണ ആരോഗ്യ പ്രശ്നങ്ങളാണ്.

പ്രായമാകുന്ന പ്രക്രിയയെ നമുക്ക് നിയന്ത്രിക്കാൻ കഴിയില്ലെങ്കിലും, ശരീരത്തിന്റെ ആരോ​ഗ്യം മികച്ചതായി സൂക്ഷിക്കാൻ സാധിക്കും. മസ്തിഷ്ക ആരോഗ്യം, ഓർമ്മശക്തി, അൽഷിമേഴ്സ് അല്ലെങ്കിൽ ഡിമെൻഷ്യ എന്നിവ പ്രായമായവർ അഭിമുഖീകരിക്കുന്ന സാധാരണ ആരോഗ്യ പ്രശ്നങ്ങളാണ്.

ആരോ​ഗ്യകരമായ ഭക്ഷണക്രമം തിരഞ്ഞെടുക്കുന്നത് ഓർമ്മ സംബന്ധമായ ആരോ​ഗ്യപ്രശ്നങ്ങളിൽ തീർച്ചയായും മാറ്റമുണ്ടാക്കും. പ്രത്യേകിച്ച് അമ്പതുകളിലേക്ക് എത്തുന്ന ഒരാൾ അവരുടെ ആരോഗ്യത്തെക്കുറിച്ച് കൂടുതൽ ബോധവും ശ്രദ്ധയും പുലർത്തേണ്ടതുണ്ട്. ഓർമ്മക്കുറവിന്റെ ലക്ഷണങ്ങൾ കുറയ്ക്കാൻ നിങ്ങളുടെ ദൈനംദിന ഭക്ഷണത്തിൽ ചേർക്കേണ്ട ആറ് സൂപ്പർഫുഡുകൾ ഇവയാണ്.

ഒമേഗ-3-ഫാറ്റി ആസിഡുകൾ: ഫാറ്റി ഫിഷ് സാൽമൺ, ട്രൗട്ട്, അയല, മത്തി എന്നിവയെല്ലാം തലച്ചോറിന്റെ ആരോഗ്യത്തിന് ആവശ്യമായ ഒമേഗ-3 ഫാറ്റി ആസിഡുകളുടെ നല്ല ഉറവിടങ്ങളാണ്.

ബെറികൾ: ബ്ലൂബെറി, സ്‌ട്രോബെറി, റാസ്‌ബെറി, ബ്ലാക്ക്‌ബെറി എന്നിവയെല്ലാം ആന്റി ഓക്‌സിഡന്റുകളാൽ സമ്പന്നമാണ്, ഇത് തലച്ചോറിനെ കേടുപാടുകളിൽ നിന്ന് സംരക്ഷിക്കാൻ സഹായിക്കും.

ഇലക്കറികൾ: ചീര, കാബേജ്, പച്ച ഇലക്കറികൾ എന്നിവയെല്ലാം വിറ്റാമിനുകളുടെയും ധാതുക്കളുടെയും നല്ല ഉറവിടങ്ങളാണ്. അവ വിറ്റാമിൻ കെ, ഫോളേറ്റ്, ല്യൂട്ടിൻ എന്നിവയാൽ സമ്പന്നമാണ്. ഇത് തലച്ചോറിന്റെ ആരോഗ്യത്തിന് പ്രധാനമാണ്.

നട്‌സും വിത്തുകളും: ബദാം, വാൽനട്ട്, ചിയ വിത്തുകൾ എന്നിവയെല്ലാം വിറ്റാമിൻ ഇയുടെ നല്ല ഉറവിടങ്ങളാണ്, ഇത് തലച്ചോറിനെ കേടുപാടുകളിൽ നിന്ന് സംരക്ഷിക്കാൻ സഹായിക്കുന്ന ഒരു ആന്റിഓക്‌സിഡന്റാണ്.

മുഴുവൻ ധാന്യങ്ങൾ: ബ്രൗൺ റൈസ്, ക്വിനോവ, ഓട്സ് എന്നിവയെല്ലാം സങ്കീർണമായ കാർബോഹൈഡ്രേറ്റുകളുടെ നല്ല ഉറവിടങ്ങളാണ്, ഇത് തലച്ചോറിന് ഊർജ്ജം നൽകുന്നു.

ബ്രോക്കോളി:  ഇത് പോഷകങ്ങളും ആന്റിഓക്‌സിഡന്റുകളും നിറഞ്ഞ ഒരു ക്രൂസിഫറസ് പച്ചക്കറിയാണ്. വിറ്റാമിൻ കെ, ധാതുക്കൾ, മറ്റ് വിറ്റാമിനുകൾ എന്നിവയാൽ സമ്പന്നമാണ് ബ്രോക്കോളി.

മത്തങ്ങ വിത്തുകൾ: മത്തങ്ങ വിത്തുകൾ ആന്റിഓക്‌സിഡന്റുകളുടെയും ചെമ്പ്, ഇരുമ്പ്, മഗ്നീഷ്യം, സിങ്ക് തുടങ്ങിയ പ്രധാന ധാതുക്കളുടെയും ശക്തമായ ഉറവിടമാണ്. ഈ ധാതുക്കളിൽ ഓരോന്നിനും അൽഷിമേഴ്‌സ് രോഗം, വിഷാദരോഗം, അപസ്മാരം എന്നിവ ഉൾപ്പെടെയുള്ള മസ്തിഷ്ക വൈകല്യങ്ങളിൽ നിന്ന് സംരക്ഷിക്കാൻ സഹായിക്കും.

ഈ ഭക്ഷണങ്ങൾ കഴിക്കുന്നതിന് പുറമേ, സംസ്കരിച്ച ഭക്ഷണങ്ങൾ, മധുരമുള്ള പാനീയങ്ങൾ, കഫീൻ, മദ്യം എന്നിവ ഒഴിവാക്കേണ്ടത് പ്രധാനമാണ്. ഈ പദാർഥങ്ങൾ ശരീരത്തിൽ നിർജലീകരണം ഉണ്ടാക്കുകയും ഓർമക്കുറവ് കൂടുതൽ വഷളാക്കുകയും ചെയ്യും. ആരോഗ്യകരമായ ജീവിതശൈലി തിരഞ്ഞെടുക്കുന്നത് പ്രധാനമാണ്. ഉദാസീനമായ ജീവിതശൈലി വിവിധ രോ​ഗങ്ങളിലേക്ക് നയിക്കും.